2016, ഏപ്രിൽ 28, വ്യാഴാഴ്‌ച

ത്യാഗത്തിലൂടെ ശാശ്വതമായ ശാന്തിയിലെത്തുന്നു..!!

ഗീതാസന്ദേശം

ഈശ്വരൻ കാലമാണ്‌. കാലത്തിന്റെ നിയോഗമനുസരിച്ച്‌ ചെയ്യാനുള്ള ധർമ്മമനുഷ്ഠിക്കുക. നിങ്ങള്‍ ചെയ്യേണ്ടതെല്ലാം കാലമാണ്‌ ചെയ്യുന്നത്‌ അത്‌ നിങ്ങളിലൂടെയെന്നുമറിയുക. പ്രപഞ്ചചൈതന്യത്തിന്റെ ഭയാനകമായ രൂപം പോലെ പ്രപഞ്ചത്തിന്‌ ശാന്തമായ ഒരു രൂപവുമുണ്ടെന്നറിയണം. ഈ രണ്ടുരൂപങ്ങളും വേദം പഠിച്ചാലോ, തപസ്സുചെയ്താലോ, ദാനത്തിലൂടെയോ ദർശിക്കാൻ സാധ്യമല്ല. ഏകാഗ്രഭാവത്തിലുള്ള ഭക്തിയോടെ മാത്രമേ ഈ ദര്‍ശനം ലഭ്യമാകുകയുള്ളൂ.
ശാന്തമായി, ശ്രദ്ധയോടെ, ഏകാഗ്രതയോടെ ഈ പ്രപഞ്ചചൈതന്യത്തെ മനസ്സില്‍ ധ്യാനിക്കുന്നവന്‌, ഈശ്വരസാക്ഷാത്കാരം എളുപ്പത്തില്‍ സാധ്യമാകുന്നു. മനസ്സ്‌ ഭൗതികമായതിനോട്‌ ബന്ധിതമാകുമ്പോള്‍, അത്‌ അവിടെ നിന്ന്‌ മറ്റൊരു ചിന്തയെ പ്രാപിക്കാതെ ബന്ധമായതില്‍ തന്നെ നില്‍ക്കുന്നു. ഈശ്വരനിലേക്ക്‌ പ്രയാണം ചെയ്ത മനസ്സിലെ ചിന്തകളില്‍ നിന്ന്‌ നല്ല കര്‍മ്മങ്ങളും അതില്‍ നിന്ന്‌ നല്ല കര്‍മ്മഫലങ്ങളും ലഭിക്കുന്നു. ഈ പന്ഥാവ്‌ ദുഷ്കരമായവര്‍ക്ക്‌ യോഗമാര്‍ഗം സ്വീകരിക്കുന്നതിലൂടെയും നന്മയിലെത്തിച്ചേരാം. അതും അപ്രായോഗികമാണെങ്കില്‍ ഈശ്വരാര്‍പ്പണമായി സ്വന്തം കര്‍മ്മം ധര്‍മ്മമായി തന്നെ ചെയ്യുക. അതു അസാധ്യമാണെന്ന്‌ വരുകില്‍ ഏത്‌ കര്‍മ്മം ചെയ്താലും അതിന്റെ ഫലം ത്യജിക്കുക.
കര്‍മ്മത്തേക്കാള്‍ ശ്രേഷ്ഠമായത്‌ ജ്ഞാനമാണ്‌. ഈശ്വര ധ്യാനമാകട്ടെ ജ്ഞാനത്തേക്കാള്‍ മഹത്വമേറിയതാണ്‌. അതിനേക്കാളും ശ്രേഷ്ഠമായതാണ്‌ കര്‍മ്മത്തിന്റെ ഫലങ്ങള്‍ ത്യജിക്കുക എന്നത്‌. ഈ ത്യാഗത്തിലൂടെ ശാശ്വതമായ ശാന്തിയിലെത്തുന്നു. കര്‍മ്മഫലവും കര്‍മ്മപ്രതിഫലവും ചിന്തിക്കാത്ത മനസ്സ്‌ ശാന്തമായിരിക്കുക തന്നെ ചെയ്യും. ശാന്തനായ വ്യക്തിക്ക്‌ ആന്തരിക ശുദ്ധി, നിഷ്പക്ഷത, ഏകാഗ്രത, അഹംഭാവമില്ലായ്മ, സമദര്‍ശിത്വം, ശത്രു-മിത്ര ഭേദമില്ലായ്മ, മാനാപമാനത്തില്‍ നിന്ന്‌ മുക്തി, ശീതോഷ്ണത്തിലെ സമവീക്ഷണം, നിന്ദാസ്തുതികളില്‍ വേവലാതിയില്ലായ്മയെല്ലാം എളുപ്പത്തില്‍ സാധിക്കുന്നു.


2016, ഏപ്രിൽ 18, തിങ്കളാഴ്‌ച

പ്രശസ്തങ്ങളായ പല തന്ത്രവിദ്യാ പീഠങ്ങളെയും ഒഴിവാക്കി.


ദേവസ്വം ബോര്‍ഡിന്റെ തന്ത്രവിദ്യാ പീഠങ്ങള്‍ക്കുള്ള
യോഗ്യതാ  പട്ടിക വിപുലീകരിക്കണം – ഹിന്ദു ഐക്യവേദി


തിരു: കീഴ്ശാന്തി നിയമനവുമായി ബന്ധപ്പെട്ട് ദേവസ്വം റിക്രുട്ട്‌മെന്റ്് ബോര്‍ഡ് പുറത്തിറക്കിയ യോഗ്യതാ മാനദണ്ടങ്ങളില്‍ പൂജാപഠന സര്‍ട്ടിഫിക്കറ്റ് വിതരണം ചെയ്യുവാന്‍ അര്‍്ഹതയുള്ള തന്ത്രവിദ്യാ പീഠങ്ങള്‍ വളരേ പരിമിതമാണ്.
       നിലവിലുള്ള പ്രശസ്തങ്ങളായ പല തന്ത്രവിദ്യാ പീഠങ്ങളെയും ഒഴിവാക്കിക്കൊണ്ടാണ് അംഗീകൃത തന്ത്രവിദ്യാ പീഠങ്ങളുടെ ലിസ്റ്റ് പ്രസിദ്ധീകരിച്ചിരിക്കുന്നത്. ശിവഗിരി മഠം അടക്കമുള്ള മഠങ്ങള്‍ നടത്തുന്ന തന്ത്രവിദ്യാ പീഠങ്ങള്‍, ആലുവാ തന്ത്രവിദ്യാ പീഠം, കാരുമാത്ര വിജയന്‍ തന്ത്രികളുടെ നേതൃത്വത്തിലുള്ള ഗുരുപദം തന്ത്രവിദ്യാ പീഠം തുടങ്ങിയ മഹനീയ സ്ഥാപനങ്ങള്‍ വളരെ വര്‍ഷങ്ങളായി കേരളത്തില്‍ ചിട്ടയായി പൂജാപഠനവും തന്ത്രവിദ്യാപഠനവും കോഴ്‌സുകളായി നടത്തിപ്പോ രുന്നവയാണ്. എന്നാല്‍ ഇവയൊക്കെ അംഗീകൃത പട്ടികയ്ക്ക് പുറത്താണ്. ആയത് പുനപരിശോധിക്കണമെന്നും അര്‍ഹതയുള്ള സ്ഥാപനങ്ങള്‍ക്ക് അംഗീകാരം നല്‍കണമെന്നും ഹിന്ദു ഐക്യവേദി സംസ്ഥാന ജനറല്‍ സെക്രട്ടറി ബ്രഹ്മചാരി ഭാര്‍ഗ്ഗവറാം പ്രസ്ഥാവനയിലുടെ ആവിശ്യപ്പെട്ടു.

2016, ഏപ്രിൽ 14, വ്യാഴാഴ്‌ച

ഇന്ന് അംബേദ്‌കർ ജയന്തി

സമൂഹത്തിന്റെ അവസാന വരിയില്‍ നില്‍ക്കുന്ന ശബ്ദമില്ലാത്തവരുടെ ശബ്ദമായി മാറി ഡോ. ബി.ആര്‍. അംബേദ്കര്‍


സാമൂഹ്യനീതിമേഖലയില്‍ അഗ്രിമനായ, ഭരണഘടനാ ശില്‍പ്പിയായ, ദേശീയ മഹാനേതാവായ ഡോ.ബി. ആര്‍. അംബേദ്കറിനെ നമുക്കെല്ലാം അറിയാമെങ്കിലും പത്രപ്രവര്‍ത്തന രംഗത്തെ അദ്ദേഹത്തിന്റെ വിലയേറിയ സംഭാവനകള്‍ ഒരിക്കലും ചര്‍ച്ചാ വിഷയമായിട്ടില്ല. സമൂഹത്തിന്റെ താഴേക്കിടയിലുള്ളവരുടെ ഉന്നമനത്തിനും അവര്‍ക്കുവേണ്ടി സംസാരിക്കുവാനും ഏറ്റവും അനുയോജ്യമായ വേദി എന്നു വിലയിരുത്തിയാണ് അദ്ദേഹം ഈ മേഖലയിലേക്ക് കടന്നുവന്നത്.

സമൂഹത്തിലെ താഴ്ന്ന വിഭാഗത്തിനുവേണ്ടിയുള്ള തന്റെ അവിരാമ യുദ്ധത്തിന്റെ ഭാഗമായി പത്രപ്രവര്‍ത്തനത്തെ അദ്ദേഹം കണ്ടു. കണ്ടകാകീര്‍ണ്ണമായ ഈ വഴിയില്‍ അദ്ദേഹം നീണ്ട 36 വര്‍ഷം സഞ്ചരിച്ചു. അംബേദ്കറിന് പത്രമാധ്യമമെന്നാല്‍ രാഷ്ട്ര-സാമൂഹ്യ സേവനത്തിനുള്ള ഒരു വിശുദ്ധമാര്‍ഗമായിരുന്നു.

ബാബാ സാഹേബിന്റെ ജീവചരിത്രം രചിച്ച ധനഞ്ജയ് കീര്‍ തന്റെ പുസ്തകത്തില്‍ അംബേദ്കറിന്റെ പത്രപ്രവര്‍ത്തന ലക്ഷ്യങ്ങള്‍ അടിവരയിട്ടു വിശദീകരിക്കുന്നുണ്ട്. നിയമ രംഗത്തെ തൊഴിലായി സ്വീകരിച്ച അദ്ദേഹം പത്രപ്രവര്‍ത്തനം തന്റെ സാമൂഹ്യസേവന വഴിയെ കൂടുതല്‍ ശക്തിപ്പെടുത്താനുതകുമെന്ന് തിരിച്ചറിഞ്ഞിരുന്നു.

പത്രപ്രവര്‍ത്തനം തനിക്ക് പണം സമ്പാദിയ്ക്കുവാനുള്ള മേഖലയല്ല, മറിച്ച് സമൂഹത്തിന്റെ ഉന്നമനത്തിനുവേണ്ടിയുപയുക്തമായ മാര്‍ഗ്ഗമാണെന്നുമുള്ള ബോധം അംബേദ്കറിനുണ്ടായിരുന്നു. ഈ അര്‍പ്പണബോധത്തിന് ഇക്കാലത്തും പ്രസക്തിയേറെയാണ്. ചരിത്രം സൃഷ്ടിച്ചിട്ടുള്ളവരെല്ലാംതന്നെ ഏതെങ്കിലും ഒരു മേഖലയെ തങ്ങളുടെ പ്രവര്‍ത്തന മണ്ഡലമാക്കി മാറ്റിയവരാണ്.

എന്നാല്‍ അംബേദ്കര്‍ ബഹുമുഖ പ്രതിഭയായിരുന്നു. അദ്ദേഹം അന്യാദൃശമായ ബുദ്ധിവൈഭവവും സാമര്‍ത്ഥ്യവും കൊണ്ടനു ഗൃഹീതനായിരുന്നു. മാനുഷികതയുടെ സമസ്ത മേഖലയിലും അദ്ദേഹത്തിന്റെ സംഭാവനകള്‍ ഉണ്ടായിട്ടുണ്ട്. അദ്ദേഹത്തിന്റെ പ്രവര്‍ത്തനങ്ങളുടെയെല്ലാം ആത്യന്തികലക്ഷ്യം സമൂഹത്തിലെ അധഃസ്ഥിതരുടെ രാഷ്ട്രീയവും സാമൂഹികവുമായ ശാക്തീകരണമായിരുന്നു, ഒപ്പം സാമൂഹ്യ സമരസത രൂപപ്പെടുത്തുകയെന്നതുമായിരുന്നു.

ഭരണഘടനാ നിര്‍മാണസഭയുടെ പ്രവര്‍ത്തനങ്ങളില്‍ ദേശീയവും സുപ്രധാനവുമായ പങ്ക് അദ്ദേഹം വഹിച്ചിട്ടുണ്ട്. ഈ മഹദ് സംരംഭത്തില്‍ ഭാഗഭാക്കായതിന്റെ ലക്ഷ്യമെന്തായിരുന്നുവെന്നതിനെക്കുറിച്ച് ബാബാ സാഹേബിന്റെ വാക്കുകളില്‍നിന്നുതന്നെ നമുക്കു കേള്‍ക്കാം: ” നിയമനിര്‍മാണസഭയുടെ ഭാഗമായപ്പോള്‍ പട്ടികജാതിക്കാരുടെ താല്‍പര്യങ്ങള്‍ സംരക്ഷിക്കുകയെന്നല്ലാതെ മറ്റൊരു അഭിലാഷവും എന്നെ സംബന്ധിച്ചുണ്ടായിരുന്നില്ല.

മറ്റ് നിര്‍ണായക ചുമതലകള്‍ എന്നില്‍ നിക്ഷിപ്തമാകുമെന്ന് ഒരിക്കലും എനിക്കറിവില്ലായിരുന്നു. അതിനാല്‍ ഡ്രാഫ്റ്റിംഗ് കമ്മറ്റിയിലേക്ക് എന്നെ തിരഞ്ഞെടുത്തത് ശരിക്കും അത്ഭുതപ്പെടുത്തി. അതിലേറെ അത്ഭുതമായി എന്നെ സമിതിയുടെ അദ്ധ്യക്ഷനാക്കിയപ്പോള്‍. സമിതിയില്‍ എന്നെക്കാള്‍ ഏറെ യോഗ്യരായ, മികച്ച വ്യക്തിത്വമുള്ള, സര്‍.

അല്ലാഡി കൃഷ്ണസ്വാമി അയ്യരെപ്പോലെയുള്ള മഹാന്മാരുണ്ടായിരുന്നു. എന്നില്‍ ഇത്രയധികം വിശ്വാസമര്‍പ്പിച്ചതിനും ഈ തിരഞ്ഞെടുപ്പിലൂടെ രാഷ്ട്ര സേവനത്തിനുള്ള ഉപകരണമാക്കി എന്നെ മാറ്റി, അതിന് അവസരമൊരുക്കിയതിനും ഭരണഘടന നിര്‍മാണസഭയോടും വിശേഷിച്ച് ഡ്രാഫ്റ്റിംഗ് കമ്മറ്റിയോടും ഞാന്‍ ഏറെ നന്ദിയുള്ളവനാണ്.” ശേഷം ചരിത്രമാണ്.

ബാല്യം മുതല്‍ക്കേ അംബേദ്കറില്‍ സാമൂഹ്യ സമരസതയ്ക്കുള്ള അഭിലാഷം സജീവമായിരുന്നു. വിദ്യാഭ്യാസത്തിലൂടെ സമൂഹത്തിലെ അസ്പൃശ്യതയെന്ന കളങ്കം കഴുകിക്കളയാനാവുമെന്ന ഉറച്ച ശപഥം ഹൃദിസ്ഥമാക്കിയാണ് അദ്ദേഹം പഠിച്ചുയര്‍ന്നത്. പക്ഷേ, ആ ലക്ഷ്യത്തിലേക്ക് എത്തിച്ചേരുക അദ്ദേഹത്തിന് അത്ര എളുപ്പമല്ലായിരുന്നു. എന്നാല്‍,

അസാമാന്യബുദ്ധിശക്തിയ്ക്കുടമയായിരുന്നതിനാല്‍ അദ്ദേഹം ബറോഡ രാജാവിന്റെ സെക്രട്ടറിയായി നിയമിക്കപ്പെട്ടു. പക്ഷേ, അദ്ദേഹത്തിന്റെ കീഴില്‍ ജോലി ചെയ്തിരുന്ന ഉയര്‍ന്ന ജാതിക്കാര്‍ ‘മഹാര്‍’ ജാതിയില്‍പ്പെട്ട ഒരാളുടെ ആജ്ഞകള്‍ അനുസരിക്കുവാന്‍ തയ്യാറായില്ല. ഇത് അദ്ദേഹത്തെ അഗാധമായി വേദനിപ്പിച്ചു. ഈ വേദനയും പ്രാണസങ്കടപ്പെട്ട മനസ്സുമായി 1917 ല്‍ അംബേദ്കര്‍ മുംബൈയില്‍ മടങ്ങിയെത്തി.

സമൂഹത്തിന്റെ അവസാനവരിയില്‍ നില്‍ക്കുന്ന ശബ്ദമില്ലാത്തവര്‍ക്കു വേണ്ടി ശബ്ദമുയര്‍ത്താന്‍ അദ്ദേഹം തീരുമാനിച്ചുറച്ചു. അങ്ങനെ അദ്ദേഹം അല്‍പ്പമാത്രമായ വിഭവങ്ങളുടെ സഹായത്തോടെ മാധ്യമരംഗത്തേക്ക് തിരിഞ്ഞു, താന്‍ കടന്നുപോയ, ആരുമറിയാഞ്ഞ പീഡനങ്ങള്‍ പുറത്തുകൊണ്ടുവന്നു. കോലാപ്പൂരിലെ ഷാഹൂജി മഹാരാജ് അധഃസ്ഥിതരുടെ ഉന്നമനത്തിനുള്ള പ്രവര്‍ത്തനങ്ങളോട് അനുഭാവമുള്ളയാളായി അറിയപ്പെട്ടിരുന്നു.

a42അങ്ങനെ അദ്ദേഹം 1920 ജനുവരി 31 ന് ‘മൂക് നായക്’ എന്ന ദൈ്വവാരിക ആരംഭിക്കാന്‍ സഹായങ്ങള്‍ നല്‍കി. ‘മൂക് നായക്’ എന്ന പേരുതന്നെ പ്രസിദ്ധീകരണത്തിന്റെ ലക്ഷ്യം വിശദീകരിച്ചു. പത്രത്തിന്റെ ആകെ ഉള്ളടക്ക സ്വഭാവംതന്നെ ആ ദിശയിലായിരുന്നു. എഡിറ്ററെന്ന നിലയില്‍ വാര്‍ത്തയിലും ലേഖനങ്ങളിലുമെല്ലാം പത്രധര്‍മ്മവും മൂല്യവും അദ്ദേഹം കാത്തുപോന്നു. അദ്ദേഹം പതിവായി മുഖപ്രസംഗവും മുഖ്യലേഖനങ്ങളുമെഴുതി.

അദ്ദേഹത്തിന്റെ പൊതു ജീവിതവും പത്രപ്രവര്‍ത്തന ജീവിതവും തുടങ്ങിയത് ഒരേ സമയമാണ്. സ്വാഭാവികമായും ഇതെല്ലാം അദ്ദേഹത്തിന്റെ നിത്യജീവിതം ഏറെ തിരക്കുള്ളതാക്കി. സാമൂഹ്യ-രാഷ്ട്രീയ വിഷയങ്ങളില്‍ പകലെല്ലാം തിരക്കിലാണെങ്കില്‍കൂടിയും അദ്ദേഹം രാത്രിവൈകിയും പത്രത്തിന്റെ പ്രവര്‍ത്തനങ്ങളുമായി ഓഫീസില്‍ വ്യാപൃതനായി. അത് ഒരുവര്‍ഷം തുടര്‍ന്നു. എന്നാല്‍ അദ്ദേഹം സംതൃപ്തനായിരുന്നില്ല. കുറച്ചു കാലം മുമ്പ് നിര്‍ത്തിവെച്ച തന്റെ വിദ്യാഭ്യാസം പൂര്‍ത്തിയാക്കുവാന്‍ ആഗ്രഹിച്ചു.

അതിനായി ലണ്ടനില്‍ പോവേണ്ടിവന്നു, പക്ഷേ പണത്തിനു ബുദ്ധിമുട്ടുണ്ടായി. എന്നാല്‍, അദ്ദേഹം വളര്‍ന്നുവരുന്ന താരമാണെന്നു നിരീക്ഷിച്ചിരുന്ന ചിലര്‍ അദ്ദേഹത്തെ സഹായിക്കാന്‍ മുന്നോട്ടു വന്നു. അവരും അനുഭാവികളും പണം സ്വരൂപിക്കാന്‍ തുടങ്ങിയിരുന്നു. അങ്ങനെ അവസാനം 1920 ല്‍ അദ്ദേഹം ലണ്ടനിലേക്ക് യാത്ര തിരിച്ചു. അദ്ദേഹത്തിന്റെ യാത്ര ‘മൂക് നായകി’ന്റെ പ്രവര്‍ത്തനത്തെ സാരമായി ബാധിച്ചു.

പഠനം പൂര്‍ത്തിയാക്കിയതോടെ ഭീംറാവു അംബേദ്കര്‍ ‘ബാരിസ്റ്റര്‍’ അംബേദ്കറായി. അദ്ദേഹത്തിന് ശാസ്ത്രത്തില്‍ ഡോക്ടര്‍ ബിരുദവും ലഭിച്ചു. അങ്ങനെ മാതൃരാജ്യത്തേക്കു തിരിച്ചെത്തിയ അദ്ദേഹം വീണ്ടും സമൂഹത്തിലെ അധഃസ്ഥിതരുടെയും അവഗണിതരുടെയും ഉന്നമനത്തിനുള്ള പ്രവര്‍ത്തനങ്ങള്‍ക്ക് സ്വയം സമര്‍പ്പിക്കപ്പെട്ടു. ബാബാ സാഹേബിന്റെ വ്യവസ്ഥാപിതമായ പൊതുജീവിതം ആരംഭിച്ചത് 1924 ല്‍ ‘ബഹിഷ്‌കൃത ഹിതകാരിണി സഭ’ സ്ഥാപിച്ചതിലൂടെയാണ്.

ഭാരതത്തിന്റെ രാഷ്ട്രീയ-സാംസ്‌കാരിക ചരിത്രത്തില്‍ നിര്‍ണ്ണായകമാണ് ഈ കാലയളവ്. ഈ കാലയളവിലാണ് ഗാന്ധിജി കോണ്‍ഗ്രസിന്റെ അനിഷേധ്യ നേതാവായതും ഇടതുപക്ഷ പ്രസ്ഥാനങ്ങള്‍ ആരംഭിച്ചതും രാഷ്ട്രീയ സ്വയംസേവക സംഘം സ്ഥാപിതമായതും, എല്ലാം 1925 ലോ അതിനോട് അടുപ്പിച്ച കാലത്തോ ആണ്. ഇതേ സമയത്താണ് ബാബാസാഹേബ് യഥാര്‍ത്ഥത്തില്‍ സാമൂഹിക ജീവിതത്തിലേക്ക് കടന്നുവന്നതും.

ബഹിഷ്‌കൃത ഹിതകാരണി സഭയുടെ കീഴില്‍ അദ്ദേഹം നിരവധി പ്രസ്ഥാനങ്ങള്‍ ആരംഭിച്ച് സാമൂഹ്യ സമരസതയ്ക്കുവേണ്ടി പ്രവര്‍ത്തിച്ചു. അദ്ദേഹത്തിന്റെ എല്ലാ പ്രവര്‍ത്തനങ്ങളുടെയും ലക്ഷ്യം സുശക്തവും സമരസതാഭരിതവുമായ ഹിന്ദു സമൂഹമായിരുന്നു. അദ്ദേഹം ഒരു ക്ഷേത്രവും ഒരു കുളവും എന്ന ആവശ്യം ഉയര്‍ത്തി- എല്ലാവര്‍ക്കും ഒരേ ജലശയത്തില്‍നിന്നു വെള്ളം, ഹിന്ദു സമൂഹത്തിലുള്ളവര്‍ക്കെല്ലാം ക്ഷേത്രത്തില്‍ പ്രവേശനവുമാണ് ഇതിലൂടെ ലക്ഷ്യമിട്ടത്.

സ്വാഭാവികമായും ചില യാഥാസ്ഥിതികര്‍ ഈ ആവശ്യത്തെ എതിര്‍ത്തു. അദ്ദേഹം ഏറെ വിമര്‍ശന വിധേയനായി. ഈ പ്രത്യേക സാഹചര്യത്തില്‍ തന്റെ ആശയങ്ങള്‍ ജനങ്ങളില്‍ എത്തിക്കുവാന്‍ ഒരു പത്രത്തിന്റെ ആവശ്യകതയുണ്ടെന്ന് അദ്ദേഹത്തിന് ഏറെ ബോധ്യപ്പെട്ടു. അക്കാലത്ത് ഏതു സംഘടനയ്ക്കും അവരുടെ ദര്‍ശങ്ങളും സന്ദേശങ്ങളും ജനങ്ങളിലെത്തിക്കാന്‍ ഒരു പത്രം അനിവാര്യമായിരുന്നു. പത്രമില്ലാത്ത സംഘടന പക്ഷമില്ലാത്ത പക്ഷിയെപ്പോലെയായിരുന്നു. അതിനാല്‍ അംബേദ്കര്‍ ‘ബഹിഷ്‌കൃത ഭാരത്’ എന്ന പേരില്‍ മറാത്ത ദൈ്വവാരിക ആരംഭിച്ചു, 1927 ഏപ്രില്‍ മൂന്നിന്.

ശബ്ദമില്ലാത്തവരുടെ ശബ്ദത്തെ പിന്തുണയ്ക്കാന്‍ ഒരു പത്രമെന്ന ആവശ്യത്തിന് അടിവരയിടുമ്പോഴും അദ്ദേഹം പങ്കുവെക്കുന്ന വിവരങ്ങളില്‍ തനിമയ്ക്കും കൃത്യതയ്ക്കും ഊന്നല്‍ നല്‍കി. അദ്ദേഹത്തിന് അതിനു പിന്നില്‍ ഒട്ടേറെ കാര്യപദ്ധതികളുണ്ടായിരുന്നു. 1920-നു ശേഷം ഒട്ടേറെ സാമൂഹ്യ-രാഷ്ട്രീയ പ്രസ്ഥാനങ്ങള്‍ക്കു തുടക്കം കുറിച്ചിരുന്നു. അവയൊന്നുംതന്നെ അന്നത്തെ പ്രശ്‌നങ്ങള്‍ ജനങ്ങളെ എങ്ങനെ പ്രതികൂലമായി ബാധിക്കുന്നുവെന്നു പഠിക്കാനോ പഠിപ്പിക്കാനോ ശ്രമിച്ചിരുന്നില്ല.

അക്കാലത്തെ സംഭവങ്ങളുടെ അനുകൂലവും പ്രതികൂലവുമായ കാര്യങ്ങളില്‍ ജനങ്ങളെ ബോധവാന്മാരാക്കേണ്ടതുണ്ടെന്ന് അദ്ദേഹം തിരിച്ചറിഞ്ഞു. അധഃസ്ഥിത ജനങ്ങളുടെ പ്രശ്‌നങ്ങളും വേദനകളും അഭിപ്രായങ്ങളും പ്രതികരണങ്ങളും ബഹുജനങ്ങളെയും സര്‍ക്കാരിനേയും അിറയിക്കേണ്ടതാവശ്യമായിരുന്നു. അത് ബഹുജനങ്ങളുടെ ഭാഷയിലും വാഗ്‌ശൈലിയിലും വേണമെന്നതൊരു കനത്ത വെല്ലുവിളിയായിരുന്നു. ഈ ആവശ്യങ്ങളെല്ലാം സാധിതമാക്കാന്‍ അദ്ദേഹം പത്രത്തെ വിനിയോഗിച്ചു.

പത്രപ്രവര്‍ത്തകനായ അംബേദ്കറുടെ ജീവിതം അങ്ങനെ നാലു ദശാബ്ദം നീണ്ടു. ബഹുജന സഹായത്തോടെ അംബേദ്കര്‍ ഭാരത് ഭൂഷണ്‍ പ്രിന്റിംഗ് പ്രസ്സ് ആരംഭിച്ചു. അദ്ദേഹം മറ്റൊരു പത്രം ‘ജനത’ എന്ന പേരില്‍ 1930-ല്‍ ആരംഭിച്ചു. ഈ പ്രസിദ്ധീകരണം 36 വര്‍ഷം തുടര്‍ന്നു. അതിനെ പിന്നീട് അദ്ദേഹം ‘പ്രബുദ്ധ ഭാരത’മാക്കി മാറ്റി. അദ്ദേഹം സമാരംഭിച്ച പ്രസിദ്ധീകരണങ്ങളുടെ പേരുകള്‍ അദ്ദേഹത്തിന്റെ ദേശീയ വികാരവും അതതുകാലത്തെ അദ്ദേഹത്തിന്റെ പ്രസ്ഥാനങ്ങളുടെ വിവിധ ഘട്ടങ്ങളും വ്യക്തമാക്കുന്നുണ്ട്. ഇതെല്ലാം അദ്ദേഹത്തിന്റെ മാധ്യമപ്രവര്‍ത്തനത്തിലെ സക്രിയതയും ജീവിതലക്ഷ്യവും സുവ്യക്തമാക്കുന്നു. ‘മൂക്‌നായക്’ കേള്‍പ്പിച്ചത് മറ്റാരും സാധാരണ കേള്‍പ്പിക്കാത്ത ശബ്ദമായിരുന്നു. ‘ബഹിഷ്‌കൃത ഭാരത്’ അധഃസ്ഥിതര്‍ക്കൊപ്പം ശക്തമായി നിന്നു.

സമരസതയുടെ ഭാരതം എന്ന സങ്കല്‍പ്പം സാധിതപ്രായമാകാന്‍ സമൂഹത്തിലെ എല്ലാ വിഭാഗങ്ങളും മുഖ്യധാരയുമായി യോജിക്കുകയും സമൂഹത്തിലെ ഇതര വിഭാഗങ്ങള്‍ക്കൊപ്പം മുന്നേറുകയും ചെയ്യുകതന്നെവേണം. അതിനു ജനങ്ങളെ ബോധവല്‍ക്കരിക്കാന്‍ അദ്ദേഹം ‘ജനത’ ആരംഭിച്ചു. പില്‍ക്കാലത്ത് കുറച്ചു പ്രവര്‍ത്തകരുമായി അംബേദ്കര്‍ ബുദ്ധമതം സ്വീകരിച്ചപ്പോള്‍ ‘ജനതയെ’ അദ്ദേഹം ‘പ്രബുദ്ധ ഭാരത’മാക്കി. തന്റെ ആരാധനാ സമ്പ്രദായം മാറ്റിയിട്ടും അദ്ദേഹം സ്വപ്‌നം കണ്ടത് ശ്രേഷ്ഠഭാരതമായിരുന്നു. അദ്ദേഹത്തിന്റെ മറ്റു പ്രവര്‍ത്തനങ്ങളിലെന്നപോലെ പത്രപ്രവര്‍ത്തനത്തിലും കേന്ദ്രവേദി മാതൃരാജ്യം തന്നെയായിരുന്നു.

അര്‍പ്പണബോധമുള്ള പത്രപ്രവര്‍ത്തകനായിരുന്നു അദ്ദേഹം. അദ്ദേഹത്തിന്റെ പ്രതിദിന പ്രവര്‍ത്തനങ്ങള്‍ തിരക്കേറിയതായിരുന്നു. രാഷ്ട്രീയ-സാമൂഹിക പ്രവര്‍ത്തന മേഖലയില്‍ എത്ര തിരക്കുണ്ടായിരുന്നെങ്കിലും വൈസ്രോയി കൗണ്‍സില്‍ അംഗം, ഭരണഘടന നിര്‍മാണസഭയുടെ അധ്യക്ഷന്‍ എന്നീ നിലകളില്‍ എത്ര പിടിപ്പതു കര്‍ത്തവ്യങ്ങളുണ്ടായിരുന്നെങ്കിലും അദ്ദേഹം തന്റെ പത്രത്തിനുവേണ്ടി എഴുതാന്‍ സമയം കണ്ടെത്തിയിരുന്നു. വട്ടമേശ സമ്മേളനത്തിനോ മറ്റേതെങ്കിലും നിര്‍ണ്ണായക യജ്ഞങ്ങള്‍ക്കോ വേണ്ടി രാജ്യത്തിനു പുറത്തായിരിക്കുമ്പോള്‍ പോലും മാസികയ്ക്ക് മുഖപ്രസംഗം അയക്കുന്നതില്‍ വീഴ്ചയൊന്നും വരുത്തിയിരുന്നില്ല.

ഓരോ മാസികയും കുറ്റമറ്റ രീതിയില്‍, ഒരു പിശകുമില്ലാതെ, ഉള്ളടക്കത്തലും പത്രപ്രവര്‍ത്തന മൂല്യത്തില്‍ ഒരു വിട്ടുവീഴ്ചയും വരുത്താതെ നോക്കുന്നതില്‍ അദ്ദേഹം കര്‍ശന നിഷ്ഠപാലിച്ചു. അദ്ദേഹത്തിന്റെ ലക്ഷ്യം അദ്ദേഹത്തിന്റെ എഴുത്തുകളില്‍ പ്രതിഫലിച്ചിരുന്നു. സാമൂഹ്യനീതിയെന്ന ലക്ഷ്യം സാധ്യമാക്കാന്‍ അദ്ദേഹം ആരോടും പക്ഷപാതമോ വെറുപ്പോ പ്രകടിപ്പിച്ചില്ല. അദ്ദേഹം ഹിന്ദുസമൂഹത്തിലെ താഴ്ന്ന ജാതിയില്‍ പെട്ടവര്‍ക്ക് ക്ഷേത്ര കവാടങ്ങള്‍ തുറന്നുകൊടുക്കാനും അവര്‍ക്ക് പൊതു ജലസ്രോതസ്സില്‍നിന്ന് കുടിവെള്ളം എടുക്കാനുള്ള അവകാശത്തിനും ആഹ്വാനം ചെയ്തു. എസ്.കെ. ബോലെയുടെ നിര്‍ദ്ദേശങ്ങള്‍ സ്വീകരിക്കാന്‍ സര്‍ക്കാരില്‍ സമ്മര്‍ദ്ദം ചെലുത്തുന്ന യുക്തിഭദ്രമായ ഒട്ടേറെ മുഖപ്രസംഗങ്ങള്‍ അദ്ദേഹം എഴുതി.

സാമൂഹ്യ സമരസതയയെയും സാമൂഹ്യ പരിഷ്‌കരണത്തേയും പ്രതിരോധിച്ച് വഴിതെറ്റിക്കുന്ന പ്രവര്‍ത്തനങ്ങള്‍ നടത്തുന്നവര്‍ക്കെതിരേ നടപടി അദ്ദേഹം ആവശ്യപ്പെട്ടിരുന്നു. പത്രപ്രവര്‍ത്തന മൂല്യങ്ങള്‍ക്ക് അംബേദ്കര്‍ നല്‍കിയിരുന്ന പ്രാമുഖ്യം അദ്ദേഹത്തിന്റെ ഈ വാക്കുകളില്‍നിന്നു വ്യക്തമാകും: ” മാധ്യമപ്രവര്‍ത്തനം ഭാരതത്തില്‍ ഒരു തൊഴിലായിരുന്നില്ല. പക്ഷേ, ഇപ്പോള്‍ അതൊരു കച്ചവടമായി. അതിന്റെ ധാര്‍മ്മികത ഇപ്പോള്‍ പേരില്‍ മാത്രമായിരിക്കുന്നു. ഉത്തരവാദിത്തമുള്ള ഉപദേശം നല്‍കുന്നവയെന്ന നിലയില്‍ സമൂഹത്തില്‍ അവ തിരിച്ചറിയപ്പെടുന്നില്ല.

നിഷ്പക്ഷമായും ഭയരഹിതമായും വാര്‍ത്തകള്‍ സമൂഹത്തിന് പകര്‍ന്നുകൊടുക്കുക, നേതാക്കള്‍ എത്ര വലിയവരായാലും അവരുടെ തെറ്റുകള്‍ കണ്ടാല്‍ തുറന്നു വിമര്‍ശിക്കുക തുടങ്ങിയ കാര്യങ്ങള്‍ ഇന്ന് ഭാരതത്തിലെ മാധ്യമ പ്രവര്‍ത്തന രംഗത്തെ മൂല്യങ്ങളല്ല. നേരത്തേ ഇവയെല്ലാമായിരുന്നു പത്രപ്രവര്‍ത്തനത്തിന്റെ പ്രാഥമിക കര്‍ത്തവ്യങ്ങള്‍. ഇന്ന് അവരുടെ മുഖ്യനയം വ്യക്തികള്‍ക്കു വേണ്ടി ആരാധന നടത്തുകയെന്നതാണ്. വാര്‍ത്തകള്‍ക്കു മുകളില്‍ വൈകാരികതയ്ക്കു പ്രാമുഖ്യം നല്‍കുക, യുക്തിസഹമായ അഭിപ്രായങ്ങള്‍ക്കു പകരം യുക്തിരഹിതമായ നിലപാടു പറയുക, ഉത്തരവാദപ്പെട്ട ജനങ്ങളുടെ ഹൃദയത്തെ മുറിവേല്‍പ്പിച്ച് നിരുത്തരവാദികളുടെ വികാരങ്ങളെ പ്രീതിപ്പെടുത്തുക തുടങ്ങിയവ ഇന്നു സാധാരണമായിരിക്കുന്നു.” സാലിസ്ബാരി പ്രഭു പറഞ്ഞു, ”ഭാരതത്തില്‍ പത്രപ്രവര്‍ത്തനം നേതാക്കള്‍ക്കു സ്തുതിപാടലാണ്. നേതൃത്വ പൂജയ്ക്കു മുന്നില്‍ ദേശീയ താല്‍പര്യം ഇതിനു മുമ്പ് ഇത്രമാത്രം ഒത്തുതീര്‍പ്പിനു വിധേയമായകാലം ഉണ്ടായിട്ടില്ല. നേതൃത്വ പൂജ ഇത്രമാത്രം അന്ധമായ കാലം ഉണ്ടായിട്ടില്ല. ഇപ്പോഴും മാന്യമായ ചില വ്യത്യസ്തകള്‍ ഉണ്ടെന്നുള്ളതിലാണ് എനിക്കാശ്വാസം. പക്ഷേ, അവരുടെ ശബ്ദം കേള്‍ക്കാനേ ഇല്ല.”

2016, ഏപ്രിൽ 13, ബുധനാഴ്‌ച

ഹിന്ദു ഐക്യവേദി 13മത് സംസ്ഥാന സമ്മേളനം സമാപിച്ചു.

ഹിന്ദു ഐക്യവേദി 13മത് സംസ്ഥാന സമ്മേളനം സമാപിച്ചു


ഹിന്ദു ഐക്യവേദി 13മത് സംസ്ഥാന സമ്മേളനം സമാപിച്ചു. 2016 ഏപ്രിൽ 10നു തൃശൂർ ചാലക്കുടി വ്യാസ വിദ്യാനികേതൻ സ്കൂളിൽ വെച്ചായിരുന്നു ഹിന്ദു ഐക്യവേദി സമ്മേളനം. നിയമസഭ തിരഞ്ഞെടുപ്പ് പ്രമാണിച്ച് തീര്‍ത്തും സംഘടനാ സമ്മേളനം എന്ന നിലയ്ക്ക് പൊതുസമ്മേളനം, പ്രകടനം എന്നിവ ഒഴിവാക്കിക്കൊണ്ടായിരുന്നു ഇത്തവണത്തെ സമ്മേളനം. കേരളത്തിന്റെറ വിവിധ ഭാഗങ്ങളിൽ നിന്ന് താലൂക്ക് ഉപരി ചുമതലയുള്ള 1000 ഓളം പ്രവര്‍ത്തകർ പങ്കെടുത്തു.

രാവിലെ 9.30ന് സംസ്ഥാന വൈസ്-പ്രസിഡന്റ്‌ കെ.ടി.ഭാസ്കരൻ പതാക ഉയര്‍ത്തി. തുടര്‍ന്ന് RSS മുൻ അഖിലേന്ത്യാ ബൗദ്ധിക് പ്രമുഖ് ആർ.ഹരി സമ്മേളനം ഉത്ഘാടനം ചെയ്തു. 

ഹൈന്ദവ സമൂഹം കാലാനുസൃതമായ മാറ്റങ്ങള്‍ക്ക് തയ്യാറാക്കണമെന്ന് അദ്ദേഹം പറഞ്ഞു. ഹിന്ദു സമൂഹം പലപ്പോഴും മാറ്റങ്ങള്‍ക്ക് വിധേയമായിട്ടുണ്ടെന്നും ഇന്ന് കാണുന്ന പലാചാരങ്ങളും അനുഷ്ഠാനങ്ങളും കാലഘട്ടങ്ങളിലെ മനുഷ്യ നിര്‍മ്മിതമാണെന്നും അദ്ദേഹം പറഞ്ഞു. മനുഷ്യ നിര്‍മ്മിതമായ ആചാരങ്ങളുടേയും, അനുഷ്ഠാനങ്ങളുടെയും പേരിൽ വിശ്വാസികളായ ഹിന്ദുസമൂഹത്തി ലെ സ്ത്രീ പുരുഷ ഭേദമെന്യേ ഒരാള്‍ക്കും ക്ഷേത്ര പ്രവേശനം നിഷേധിക്കുന്നത് ശരിയല്ല. കരിയും കരിമരുന്നും നമ്മുടെ ക്ഷേത്രങ്ങളിൽ നിന്ന് അകറ്റണമെന്നും ആ പണം ഉപയോഗിച്ച് ഹിന്ദു സമൂഹത്തിന്റെറ ഉന്നമനത്തിനായി ചിലവാക്കണമെന്നും അദ്ദേഹം അഭിപ്രായപ്പെട്ടു
ഹിന്ദു ഐക്യവേദി 13മത് സംസ്ഥാന സമ്മേളനം RSS മുൻ അഖിലേന്ത്യാ 
ബൗദ്ധിക് പ്രമുഖ് ആർ.ഹരി ഉത്ഘാടനം ചെയ്യുന്നു

ദളിത് വിഭാഗത്തെ ഹിന്ദുസമൂഹത്തില്‍നിന്ന് അടര്‍ത്തിമാറ്റാനുള്ള ശ്രമവും വളരെ ഗൗരവത്തോടെ കാണേണ്ടതാണ്. നൂറ്റാïുകള്‍ക്ക് മുന്‍പ് അവരോട് ചെയ്ത അന്യായങ്ങള്‍ക്ക് ഹിന്ദുസമൂഹം പ്രായ്ശ്ചിത്തം ചെയ്യണം. അവരെ ഉന്നത സ്ഥാനങ്ങളിലേക്ക് കൈപിടിച്ച് ഉയര്‍ത്താനുള്ള ശ്രമം ഹിന്ദു സമൂഹത്തിന്റെറ ഇടയിൽ നിന്നും ഉണ്ടാകണമെന്നും അദ്ദേഹം പറഞ്ഞു.

    സംസ്ഥാന അദ്ധ്യഷ കെ.പി.ശശികല ടീച്ചർ അദ്ധ്യഷത വഹിച്ചു.സംസ്ഥാന ജനറൽ സെക്രട്ടറി വി.ആർ.സത്യവാൻ പ്രസംഗിച്ചു. കൊല്ലം വെടിക്കെട്ടപകടത്തിൽ മരിച്ചവര്‍ക്കും കഴിഞ്ഞ വര്‍ഷം നമ്മെ വിട്ടുപിരിഞ്ഞ പ്രമുഖര്‍ക്കും ആദരാഞ്ജലി അര്‍പ്പിച്ചു. സംസ്ഥാന ജനറൽ സെക്രട്ടറി ഇ.എസ്.ബിജു സ്വാഗതവും, സംസ്ഥാന സമിതിയംഗവും സ്വാഗത സംഘം ചെയര്‍മാനുമായ അഡ്വ.രമേശ് കൂട്ടാല നന്ദിയും പറഞ്ഞു. തുടര്‍ന്ന് കഴിഞ്ഞ വര്‍ഷത്തെ സംഘടനാ പ്രവര്‍ത്തന വില യിരുത്തലുകൾ നടന്നു. വിവിധ സാമൂഹിക വിഷയങ്ങളെ ക്കുറിച്ചും ചര്‍ച്ചകൾ നടന്നു. ഹിന്ദു ഐക്യവേദിയുടെ കാര്യവിഭാഗുകളായ
സാമൂഹ്യനീതി കര്‍മ്മ സമിതി
മഹിളാ ഐക്യവേദി
പ്രകൃതി സംരക്ഷണ വേദി
ക്ഷേത്ര ഏകോപന സമിതി
ധര്‍മ്മ രക്ഷാവേദി
എന്നിവയുടെ പ്രവര്‍ത്തന പദ്ധതികളും സമ്മേളനം വിലയിരുത്തി.
കേരളത്തിലെ ഹിന്ദുസമൂഹം അനുഭവിക്കുന്ന വിഷയങ്ങളെ അധികരിച്ച് പ്രമേയങ്ങൾ അവതരിപ്പിച്ചു. ഈ വരുന്ന തിരഞ്ഞെടുപ്പിൽ എൻ.ഡി.എ. സഖ്യത്തെ വിജയിപ്പിക്കണമെന്ന് പ്രമേയം ആവശ്യപ്പെട്ടു. 2012-ലെ ഹിന്ദു അവകാശ പത്രിക പൂര്‍ണ്ണമായും അവഗണിച്ചിരിക്കുകയാണെന്നും പ്രമേയത്തിൽ പറഞ്ഞു. കേരളത്തിലെ ക്ഷേത്രഭരണം ഹിന്ദു വിശ്വാസികളെ ഏല്‍പ്പിക്കണമെന്ന് രണ്ടാമത്തെ പ്രമേയം ആവശ്യപ്പെട്ടു. പട്ടികജാതി പട്ടികവര്‍ഗ്ഗങ്ങളെ സംബന്ധിച്ചുള്ള പ്രമേയത്തിൽ ഇന്ന് നിലനില്‍ക്കുന്ന സംവരണത്തെ അട്ടിമറിക്കുന്ന തരത്തിൽ സംവരണ പട്ടികയിലേക്ക് കൂടുതൽ സമുദായങ്ങളെ ഉള്‍പ്പെടുത്തരുതെന്ന് പ്രമേയം ആവശ്യപ്പെട്ടു. വ്യാജ സര്‍ട്ടിഫിക്കറ്റിലൂടെ 1800-ളം പേർ ഇപ്പോൾ സര്‍ക്കാർ ജോലിയിൽ തുടരുന്നുണ്ടെന്നും പ്രമേയത്തിൽ പറഞ്ഞു. മെത്രാൻ കായൽ പതിച്ചുനല്‍കുകയും സന്തോഷ് മാധവനും സംഘടിത മതവിഭാഗങ്ങള്‍ക്കും ഏക്കർ കണക്കിന് ഭൂമി പതിച്ചുനല്‍കുന്നതിനെയും പ്രമേയം എതിര്‍ത്തു.
സംസ്ഥാന സമ്മേളനത്തിൽ പുതിയ ഭാരവാഹികളെ പ്രഖ്യാപിച്ചു. രക്ഷാധികാരികൾ എം.കെ. കുഞ്ഞോൽ, കെ.എൻ. രവീന്ദ്രനാഥ്, പ്രസിഡന്റ് കെ.പി. ശശികല ടീച്ചർ, വര്‍ക്കിംഗ് പ്രസിഡന്റ് കെ.ടി. ഭാസ്‌കരൻ, സംഘടനാ സെക്രട്ടറി സി. ബാബു, സഹസംഘടനാ സെക്രട്ടറി വി.സുശികുമാർ, ജനറൽ സെക്രട്ടറിമാർ ആർ.വി. ബാബു, കെ.പി. ഹരിദാസ്, വി.ആർ. സത്യവാൻ, ബ്രഹ്മചാരി ഭാര്‍ഗ്ഗവറാം, ട്രഷറർ അരവിന്ദാക്ഷൻ നായർ, വൈസ് പ്രസിഡന്റുമാരായി പി.കെ. ഭാസ്‌കരൻ, പി.ആർ. ശിവരാജൻ, എം.കെ. വാസുദേവൻ, അഡ്വ. പദ്മനാഭൻ, കെ.വി. ശിവൻ, കല്ലറ പ്രശാന്ത്, അഡ്വ.കെ. ഹരിദാസ്, പി.ജി. ശശികല ടീച്ചർ, എം.പി. അപ്പു, പി.ജ്യോതീന്ദ്രകുമാർ, കൈനകരി ജനാര്‍ദ്ദനൻ, ക്യാപ്റ്റൻ കെ. സുന്ദരൻ: സെക്രട്ടറിമാരായി ആർ.എസ്സ്. അജിത്കുമാർ, പി.വി. മുരളീധരൻ, തെക്കടം സുദര്‍ശനൻ, എ.ശ്രീധരൻ, പി.സുധാകരൻ, കെ.പി.സുരേഷ്, വി.എസ്.പ്രസാദ്, പുത്തൂർ തുളസി, കിളിമാനൂർ സുരേഷ്, ശശി കമ്മട്ടേരി, അഡ്വ.എ.സി. അംബിക എന്നിവരെ തിരഞ്ഞെടുത്തു.
തുടര്‍ന്ന് നടന്ന സമാപന സമ്മേളനത്തിൽ ആർ.എസ്സ്.എസ്സ്. സഹപ്രാന്ത കാര്യവാഹക് എം. രാധാകൃഷ്ണൻ മുഖ്യ പ്രഭാഷണം നടത്തി.
സമാപന സമ്മേളനത്തിൽ ആർ.എസ്സ്.എസ്സ്. സഹപ്രാന്ത
കാര്യവാഹക് എം. രാധാകൃഷ്ണൻ സംസാരിക്കുന്നു.
കേരളരാഷ്ട്രീയത്തിൽ ഇന്ന് ശക്തമായ ഹിന്ദുധ്രുവീകരണം നടന്നുകൊണ്ടി രിക്കുകയാണെന്ന് അദ്ദേഹം പറഞ്ഞു.ഹിന്ദു ഐക്യവേദിയുടെ ഒരു വ്യാഴവട്ടത്തെ പ്രവര്‍ത്തനമാണ് കേരളത്തിൽ ഇതിന് കളമൊരുക്കിയത് എന്നും അദ്ദേഹം പറഞ്ഞു.. ദേശവിരുദ്ധ പ്രവര്‍ത്തനങ്ങളെ പരാമര്‍ശിക്കുമ്പോൾ വ്യക്തിയുടെ മൗലികാവകാശത്തെകുറിച്ച് വാചാല രാകുന്നവർ ഭരണഘടനയിൽ രാഷ്ട്രത്തിന്റെറ അഖണ്ഡതയ്ക്കുവേണ്ടി ഒരു പൗരൻ അനുഷ്ഠിക്കേണ്ട കടമകളെ കുറിച്ചു പറയുന്നുണ്ടെന്ന് മറക്കണ്ട എന്നും അഭിപ്രായപ്പെട്ടു.
യോഗത്തിൽ ബ്രഹ്മചാരി ഭാര്‍ഗ്ഗവറാം സ്വാഗതവും സംസ്ഥാന കമ്മിറ്റിയംഗം മധുസൂദനൻ കളരിക്കൽ നന്ദിയും പറഞ്ഞു.



ഹിന്ദു ഐക്യവേദി

2016- 2017 സംസ്ഥാന ഭാരവാഹികൾ




















2016- 2017 സംസ്ഥാന ഭാരവാഹികൾ

രക്ഷാധികാരിമാർ

1) ശ്രീ. എം. കെ. കുഞ്ഞോല്‍ മാസ്റ്റർ    2) ശ്രീ. കെ. എൻ. രവീന്ദ്രനാഥ്


പ്രസിഡന്റ്                                                      വര്‍ക്കിംഗ് പ്രസിഡന്റ്
3) ശ്രീമതി. കെ. പി. ശശികല ടീച്ചർ                  4) ശ്രീ. കെ. ടി. ഭാസ്‌കരൻ

വൈസ് പ്രസിഡന്റുമാർ

5) ശ്രീ. പി. കെ. ഭാസ്‌കരൻ                          11) അഡ്വ. കെ. ഹരിദാസ്
6) ശ്രീ. പി. ആർ. ശിവരാജൻ                     12) ശ്രീമതി. പി.ജി. ശശികല ടീച്ചർ
7) ശ്രീ. എം. കെ. വാസുദേവൻ                 13) ശ്രീ. എം. പി. അപ്പു
8) അഡ്വ. പത്മനാഭൻ                                        14) ശ്രീ. പി. ജ്യോതീന്ദ്രകുമാർ
9) ശ്രീ. കെ. വി. ശിവൻ                                15) ശ്രീ. കൈനകരി ജനാര്‍ദ്ദനൻ
10) ശ്രീ. കല്ലറ പ്രശാന്ത്                                      16) ശ്രീ. ക്യാപ്റ്റൻ കെ. സുന്ദരൻ

ജനറല്‍ സെക്രട്ടറിമാർ

17) ശ്രീ. ആർ. വി. ബാബു                                   19) ശ്രീ. വി. ആർ. സത്യവാൻ
18) ശ്രീ. കെ. പി. ഹരിദാസ്                           20) ശ്രീ. ബ്രഹ്മചാരി ഭാര്‍ഗ്ഗവറാം

സെക്രട്ടറിമാർ
21) ശ്രീ. ആർ. എസ്. അജിത്കുമാർ             27) ശ്രീ. വി.എസ്.പ്രസാദ്
22) ശ്രീ. പി. വി. മുരളീധരൻ                           28) ശ്രീ. പുത്തൂർ തുളസി
23) ശ്രീ.തെക്കടം സുദര്‍ശനൻ                                29) ശ്രീ. കിളിമാനൂർ സുരേഷ്
24) ശ്രീ. എ. ശ്രീധരൻ                                           30) ശ്രീ. ശശി കമ്മട്ടരി
25) ശ്രീ. പി. സുധാകരൻ                                    31) അഡ്വ. എ. സി. അംബിക
26) ശ്രീ. കെ. പി. സുരേഷ്


സംഘടനാ സെക്രട്ടറി                                     സഹസംഘടനാ സെക്രട്ടറി
32) ശ്രീ. സി. ബാബു                               33) ശ്രീ. വി. സുശികുമാർ

ഖജാന്‍ജി
34) ശ്രീ. അരവിന്ദാക്ഷൻ നായർ


സമിതിയംഗങ്ങൾ

35) ശ്രീ. എം. രാധാകൃഷ്ണൻ                                47) ശ്രീ. കെ. കെ. രവീന്ദ്രനാഥ്
36) ശ്രീ. ഇ. എസ്. ബിജു                                      48) ശ്രീ. സ്വാമി ദേവിചൈതന്യ
37) ശ്രീ. രവിശതന്ത്രി കുണ്ടാർ                            49) അഡ്വ. രമേശ് കൂട്ടാല
38) ശ്രീ. തഴവാ സഹദേവൻ                                 50) ശ്രീ. അമ്പോറ്റി കോഴഞ്ചേരി

39) ശ്രീ. പുഞ്ചക്കരി സുരേന്ദ്രൻ                          51) ശ്രീ. കെ. പ്രഭാകരൻ
40) ശ്രീ. എം. എൻ. ജയചന്ദ്രൻ                       52) ശ്രീ. എം.എസ്.നാരായണൻ
41) ശ്രീ. ടി. ജയചന്ദ്രൻ                                               53) ശ്രീമതി. ബിന്ദുമോഹൻ
42) ശ്രീമതി. നിഷാ സോമൻ                                 54) ശ്രീ. ജി. മോഹനൻ നായർ
43) ശ്രീ. സി. പി. വിജയൻ                                    55) ശ്രീ. ഇ. ജി. മനോജ്
44) അഡ്വ. ബി. എൻ. ബിനീഷ് ബാബു     56) ശ്രീ. എം.വി.മധുസൂദനൻ
45) ശ്രീ. ടി. വി. രാമൻ                                    57) ശ്രീ. വി.സുരേഷ് -കൊല്ലം
46) ശ്രീ. കെ. ഹരീന്ദ്രകുമാർ




















2016, ഏപ്രിൽ 12, ചൊവ്വാഴ്ച

എൻഡിഎയെ വിജയിപ്പിക്കാൻ ഹിന്ദുഐക്യവേദി ആഹ്വാനം

കേരളരാഷ്ട്രീയം ഹിന്ദുധ്രുവീകരണത്തിന്റെ പാതയിൽ
- എം. രാധാകൃഷ്ണൻ

കേരളരാഷ്ട്രീയത്തിൽ ഇന്ന് ശക്തമായ ഹിന്ദുധ്രുവീകരണം നടന്നുകൊണ്ടി രിക്കുകയാണെന്ന് ആര്‍.എസ്സ്.എസ്സ്. സഹപ്രാന്തകാര്യവാഹക് എം. രാധാകൃഷ്ണൻ പറഞ്ഞു. ചാലക്കുടി വ്യാസവിദ്യാനികേതന്‍ സ്‌കൂളിൽ നടന്ന ഹിന്ദു ഐക്യവേദി സംസ്ഥാന സമ്മേളനത്തിന്റെ സമാപന സമ്മേളനത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം. ഹിന്ദു ഐക്യവേദിയുടെ ഒരു വ്യാഴവട്ടത്തെ പ്രവര്‍ത്തനമാണ് കേരളത്തില്‍ ഇതിന് കളമൊരുക്കിയത്. ദേശവിരുദ്ധ പ്രവര്‍ത്തനങ്ങളെ പരാമര്‍ശിക്കുമ്പോള്‍ വ്യക്തിയുടെ മൗലികാവകാശത്തെകുറിച്ച് വാചാലരാകുന്നവര്‍ ഭരണഘടനയില്‍ രാഷ്ട്രത്തിന്റെ അഖണ്ഡതയ്ക്കുവേണ്ടി ഒരു പൗരന്‍ അനുഷ്ഠിക്കേണ്ട കടമകളെ കുറിച്ചു പറയുന്നുണ്ടെന്ന് മറക്കണ്ട.
കേരളത്തിലെ ഹിന്ദുസമൂഹം അനുഭവിക്കുന്ന വിഷയങ്ങളെ അധികരിച്ച് പ്രമേയങ്ങള്‍ അവതരിപ്പിച്ചു. ഈ വരുന്ന തിരഞ്ഞെടുപ്പില്‍ എന്‍.ഡി.എ. സഖ്യത്തെ വിജയിപ്പിക്കണമെന്ന് പ്രമേയം ആവശ്യപ്പെട്ടു. 2012-ലെ ഹിന്ദു അവകാശ പത്രിക പൂര്‍ണ്ണമായും അവഗണിച്ചിരിക്കുകയാണെന്നും പ്രമേയത്തില്‍ പറഞ്ഞു. കേരളത്തിലെ ക്ഷേത്രഭരണം ഹിന്ദു വിശ്വാസികളെ ഏല്‍പ്പിക്കണമെന്ന് രണ്ടാമത്തെ പ്രമേയം ആവശ്യപ്പെട്ടു. പട്ടികജാതി പട്ടികവര്‍ഗ്ഗങ്ങളെ സംബന്ധിച്ചുള്ള പ്രമേയത്തില്‍ ഇന്ന് നിലനില്‍ക്കുന്ന സംവരണത്തെ അട്ടിമറിക്കുന്ന തരത്തില്‍ സംവരണ പട്ടികയിലേക്ക് കൂടുതല്‍ സമുദായങ്ങളെ ഉള്‍പ്പെടുത്തരുതെന്ന് പ്രമേയം ആവശ്യപ്പെട്ടു. വ്യാജ സര്‍ട്ടിഫിക്കറ്റിലൂടെ 1800-ളം പേര്‍ ഇപ്പോള്‍ സര്‍ക്കാര്‍ ജോലിയില്‍ തുടരുന്നുണ്ടെന്നും പ്രമേയത്തില്‍ പറഞ്ഞു. മെത്രാന്‍ കായല്‍ പതിച്ചുനല്‍കുകയും സന്തോഷ് മാധവനും സംഘടിത മതവിഭാഗങ്ങള്‍ക്കും ഏക്കര്‍ കണക്കിന് ഭൂമി പതിച്ചുനല്‍കുന്നതിനെയും പ്രമേയം എതിര്‍ത്തു. 
സംസ്ഥാന സമ്മേളനത്തില്‍ പുതിയ ഭാരവാഹികളെ പ്രഖ്യാപിച്ചു. രക്ഷാധികാരികള്‍ എം.കെ. കുഞ്ഞോല്‍, കെ.എന്‍. രവീന്ദ്രനാഥ്, പ്രസിഡന്റ് കെ.പി. ശശികല ടീച്ചര്‍, വര്‍ക്കിംഗ് പ്രസിഡന്റ് കെ.ടി. ഭാസ്‌കരന്‍, സംഘടനാ സെക്രട്ടറി സി. ബാബു, സഹസംഘടനാ സെക്രട്ടറി വി.സുശികുമാര്‍, ജനറല്‍ സെക്രട്ടറിമാര്‍ ആര്‍.വി. ബാബു, കെ.പി. ഹരിദാസ്, വി.ആര്‍. സത്യവാന്‍, ബ്രഹ്മചാരി ഭാര്‍ഗ്ഗവറാം, ട്രഷറര്‍ അരവിന്ദാക്ഷന്‍ നായര്‍, വൈസ് പ്രസിഡന്റുമാരായി പി.കെ. ഭാസ്‌കരന്‍, പി.ആര്‍. ശിവരാജന്‍, എം.കെ. വാസുദേവന്‍, അഡ്വ. പദ്മനാഭന്‍, കെ.വി. ശിവന്‍, കല്ലറ പ്രശാന്ത്, അഡ്വ.കെ. ഹരിദാസ്, പി.ജി. ശശികല ടീച്ചര്‍, എം.പി. അപ്പു, പി.ജ്യോതീന്ദ്രകുമാര്‍, കൈനകരി ജനാര്‍ദ്ദനന്‍, ക്യാപ്റ്റന്‍ കെ. സുന്ദരന്‍: സെക്രട്ടറിമാരായി ആര്‍.എസ്സ്. അജിത്കുമാര്‍, പി.വി. മുരളീധരന്‍, തെക്കടം സുദര്‍ശനന്‍, എ.ശ്രീധരന്‍, പി.സുധാകരന്‍, കെ.പി.സുരേഷ്, വി.എസ്.പ്രസാദ്, പുത്തൂര്‍ തുളസി, കിളിമാനൂര്‍ സുരേഷ്, ശശി കമ്മട്ടേരി, അഡ്വ.എ.സി. അംബിക എന്നിവരെ തിരഞ്ഞെടുത്തു. യോഗത്തില്‍ ബ്രഹ്മചാരി ഭാര്‍ഗ്ഗവറാം സ്വാഗതവും സംസ്ഥാന കമ്മിറ്റിയംഗം മധുസൂദനന്‍ കളരിക്കല്‍ നന്ദിയും പറഞ്ഞു.
  

വെടിക്കെട്ട് നിരോധിക്കണം; മുൻകൈയെടുക്കും – ഹിന്ദു ഐക്യവേദി

വെടിക്കെട്ട് നിരോധിക്കണം; മുന്‍കൈയെടുക്കും

ഹിന്ദു ഐക്യവേദി



പരവൂര്‍ പുറ്റിങ്ങല്‍ ദേവീക്ഷേത്രത്തിലെ വെടിക്കെട്ട് ദുരന്തത്തിന്റെ പശ്ചാ ത്തലത്തില്‍ വെടിക്കെട്ട് നിയമം മൂലം നിരോധിക്കണമെന്ന് ഹിന്ദുഐക്യവേദി സംസ്ഥാന ജനറല്‍ സെക്രട്ടറി കെ.പി. ഹരിദാസ് ആവശ്യപ്പെട്ടു.
ദുരന്തത്തിന് പിന്നില്‍ അട്ടിമറി ഉണ്ടോ എന്ന് പരിശോധിക്കണം. ദുരന്തത്തില്‍ മരണപ്പെട്ടവര്‍ക്ക് 25 ലക്ഷം രൂപയും പരിക്കേറ്റവര്‍ക്ക് 10 ലക്ഷം രൂപയും നഷ്ടപരിഹാരം നല്‍കുവാന്‍ സംസ്ഥാന സര്‍ക്കാര്‍ തയ്യാറാകണം. കൂടാതെ ദുരന്തത്തില്‍ മരണപ്പെട്ടവരുടെയും ഗുരുതരമായി പരിക്കേറ്റവരുടെയും ആശ്രിതര്‍ക്ക് ജോലി നല്‍കുന്നതിന് കേന്ദ്ര സംസ്ഥാന സര്‍ക്കാരുകള്‍ തയ്യാറാകണം. ദുരന്തമുണ്ടായ പുറ്റിങ്ങല്‍ ക്ഷേത്രവും മരണമടഞ്ഞവരുടെ കുടുംബാംഗങ്ങളെയും സന്ദര്‍ശിച്ച ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
കേരളത്തില്‍ ക്ഷേത്ര ഉത്സവങ്ങളോടനുബന്ധിച്ച് നടക്കുന്ന ധൂര്‍ത്ത് അവസാ നിപ്പിക്കുന്നതിന് ഭക്തജനങ്ങള്‍ മുന്നിട്ടിറങ്ങണം. ആനയെഴുന്നെള്ളത്തു പോലുള്ള വിഷയങ്ങളില്‍ നിരോധനം ഏര്‍പ്പെടുത്തുന്നതിനുവേണ്ടി ഹിന്ദുനേതൃയോഗം സംഘടിപ്പിക്കുവാന്‍ ഹിന്ദു ഐക്യവേദി മുന്‍കൈ എടുക്കും. ഇതിനായി സന്ന്യാസിമാര്‍, ഹിന്ദുസംഘടനാ നേതാക്കന്മാര്‍, സമുദായനേതാക്കള്‍, തന്ത്രി മുഖ്യന്മാര്‍ എന്നിവരുടെ യോഗം വിളിക്കുമെന്ന് കെ.പി. ഹരിദാസ് പറഞ്ഞു.
ദുരന്തത്തില്‍പ്പെട്ടവര്‍ക്ക് എന്തു സഹായവും ചെയ്യുവാന്‍ കേന്ദ്രസര്‍ക്കാര്‍ തയ്യാറായ സ്ഥിതിക്ക് അത് ലഭിക്കുവാന്‍ വേണ്ട നടപടി സംസ്ഥാന സര്‍ക്കാര്‍ സ്വീകരിക്കണം. ക്ഷേത്ര എഴുന്നെള്ളത്ത് ചടങ്ങുകള്‍ക്ക് ആനയെ ഒഴിവാക്കാന്‍ തയാറാകുന്ന ക്ഷേത്രങ്ങള്‍ക്ക് എഴുന്നെള്ളത്തിനായി രഥം നിര്‍മിക്കുന്നതിന് സംസ്ഥാന സര്‍ക്കാര്‍ സാമ്പത്തിക സഹായം നല്‍കുവാന്‍ തയാറാകണം. ഇതിനായി കേന്ദ്ര-സംസ്ഥാന സാംസ്‌കാരിക വകുപ്പുകളുടെ സഹായങ്ങള്‍ ലഭ്യമാക്കുവാന്‍ നടപടി സ്വീകരിക്കണം.
പരവൂര്‍ വെടിക്കെട്ട് ദുരന്തത്തില്‍ മരിച്ചവര്‍ക്ക് ആദരാഞ്ജ ലികളര്‍പ്പിച്ചുകൊണ്ടുള്ള പ്രാര്‍ഥനായോഗം നാളെ വൈകിട്ട് അഞ്ചിന് പരവൂരില്‍ നടക്കും.



2016, ഏപ്രിൽ 11, തിങ്കളാഴ്‌ച

ശബരിമല സ്ത്രീ പ്രവേശന൦ ഹിന്ദു സമൂഹം പുനർവിചിന്തനത്തിന് തയ്യാറാകണം.


ഹൈന്ദവസമൂഹം കാലാനുസൃതമായ മാറ്റങ്ങള്‍ക്ക് തയ്യാറാകണം : 

ആര്‍. ഹരി




ഹൈന്ദവ സമൂഹം കാലാനുസൃതമായ മാറ്റങ്ങള്‍ക്ക് തയ്യാറാക്കണമെന്ന് ആര്‍എസ്എസ് മുന്‍ അഖിലേന്ത്യ ബൗദ്ധിക് പ്രമുഖ് ആര്‍.ഹരി പറഞ്ഞു. ചാലക്കുടി വ്യാസ വിദ്യാനികേതന്‍ സ്‌കൂള്‍ ഓഡിറ്റോറിയത്തില്‍ നടന്ന ഹിന്ദുഐക്യവേദി സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.ഹിന്ദു സമൂഹം പലപ്പോഴും മാറ്റങ്ങള്‍ക്ക് വിധേയമായിട്ടുണ്ടെന്നും ഇന്ന് കാണുന്ന പലാചാരങ്ങളും അനുഷ്ഠാനങ്ങളും കാലഘട്ടങ്ങളിലെ മനുഷ്യ നിര്‍മ്മിതമാണെന്നും അദ്ദേഹം പറഞ്ഞു. 

മനുഷ്യ നിര്‍മ്മിതമായ ആചാരങ്ങളുടേയും, അനുഷ്ഠാനങ്ങളുടെയും പേരില്‍ വിശ്വാസികളായ ഹിന്ദുസമൂഹത്തിലെ സ്ത്രീ പുരുഷ ഭേദമെന്യേ ഒരാള്‍ക്കും ക്ഷേത്ര പ്രവേശനം നിഷേധിക്കുന്നത് ശരിയല്ല.അതിന്റെ ഏറ്റവും വലിയ മാറ്റമാണ് മുംബൈയിലെ ശനിക്ഷേത്രത്തില്‍ നടന്നത്. ഇതിന്റെ അടിസ്ഥാനത്തില്‍ ശബരിമല സ്ത്രീ പ്രവേശനത്തെക്കുറിച്ച് ഹിന്ദു സമൂഹം പുനര്‍വിചിന്തനത്തിന് തയ്യാറാക്കണം. ഇതിന് പുറമെ ക്ഷേത്രങ്ങളിലെ ഉത്സവങ്ങളുടെ ഭാഗമായി കാണന്ന പല പല ധൂര്‍ത്തും അവസാനിപ്പിക്കേണ്ട സമയം അതിക്രമിച്ചിരിക്കുകയാണ്.

കരിയും കരിമരുന്നും നമ്മുടെ ക്ഷേത്രങ്ങളില്‍ നിന്ന് അകറ്റണമെന്നും ആ പണം ഉപയോഗിച്ച് ഹിന്ദു സമൂഹത്തിന്റെ ഉന്നമനത്തിനായി ചിലവാക്കണമെന്നും അദ്ദേഹം അഭിപ്രായപ്പെട്ടു. ദളിത് വിഭാഗത്തെ ഹിന്ദുസമൂഹത്തില്‍നിന്ന് അടര്‍ത്തിമാറ്റാനുള്ള ശ്രമവും വളരെ ഗൗരവത്തോടെ കാണേണ്ടതാണ്.നൂറ്റാണ്ടുകള്‍ക്ക് മുന്‍പ് അവരോട് ചെയ്ത അന്യായങ്ങള്‍ക്ക് ഹിന്ദുസമൂഹം പ്രായ്ശ്ചിത്തം ചെയ്യണം.

അവരെ ഉന്നത സ്ഥാനങ്ങളിലേക്ക് കൈപിടിച്ച് ഉയര്‍ത്താനുള്ള ശ്രമം ഹിന്ദു സമൂഹത്തിന്റെ ഇടയില്‍ നിന്നും ഉണ്ടാക്കണമെന്നും അദ്ദേഹം പറഞ്ഞു.
സംസ്ഥാന അദ്ധ്യഷ കെ.പി.ശശികല ടീച്ചര്‍ അദ്ധ്യഷത വഹിച്ചു.സംസ്ഥാന ജനറല്‍ സെക്രട്ടറി വി.ആര്‍.സത്യവാന്‍ പ്രസംഗിച്ചു. കൊല്ലം വെടിക്കെട്ടപകടത്തില്‍ മരിച്ചവര്‍ക്കും കഴിഞ്ഞ വര്‍ഷം നമ്മെ വിട്ടുപിരിഞ്ഞ പ്രമുഖര്‍ക്കും ആദരാഞ്ജലി അര്‍പ്പിച്ചു.
സംസ്ഥാന ജനറല്‍ സെക്രട്ടറി ഇ.എസ്.ബിജു സ്വാഗതവും, സംസ്ഥാന സമിതിയംഗവും സ്വാഗത സംഘം ചെയര്‍മാനുമായ അഡ്വ.രമേശ് കൂട്ടാല നന്ദിയും പറഞ്ഞു.