ഹിന്ദുത്വം സമഗ്ര മാനവദര്‍ശനം – ഇ.എസ്.ബിജു
ഹിന്ദുത്വം സമഗ്ര മേഖലയെയും
സ്പര്‍ശിക്കുന്ന, ലോകസമൂഹത്തിന് ദിശാബോധം നല്‍കുന്ന മാനവദര്‍ശനമാണെന്ന് ഹിന്ദു
ഐക്യവേദി സംസ്ഥാന ജനറല്‍ സെക്രട്ടറി ഇ.എസ്.ബിജു പറഞ്ഞു. തിരുവനന്തപുരം പ്രസ്‌ക്ലബ്
ഹാളില്‍ നടന്ന ഹിന്ദു നേതൃസംഗമത്തിൽ മുഖ്യപ്രഭാഷണം നടത്തുകയായിരുന്നു ഇ.എസ്.ബിജു. ലോകമതങ്ങളുടെ
മാതാവായി വിവിധ ദര്‍ശനങ്ങളെ ആശ്ലേഷിക്കുവാൻ തയ്യാറായ മതമെന്ന നിലയിലും സ്വത്വ ബോധമെന്ന നിലയിലും ഹിന്ദുത്വം സര്‍വ്ലാശേഷിയായി
വിരാജിക്കുന്നു. സംഘര്‍ഷ പൂരിതമായ ലോകത്തിനു സമാധാനത്തിന്‍റെ സന്ദേശം പകര്‍ന്നു നല്കിയതും ഹിന്ദു മതമാണ്‌.
ഹിന്ദു ധര്‍മ്മത്തെ
ആചാരമെന്നും ധാര്‍മ്മികതയെന്നും സംസ്കൃതിയെന്നും വ്യക്തിത്വമെന്നും പൂര്‍വ്വസൂരികൾ വിശേഷിപ്പിക്കുന്നു.
ഹിന്ദുത്വം ജീവിതരീതിയും മഹത്തരമായ ഈ നാടിന്‍റെ സംസ്കാരവുമാണ്‌. ഇതിനെ കേവലം
സെമറ്റിക് മതസങ്കല്‍പ്പവുമായി താരതമ്യം ചെയ്യുന്നത് മൂഢത്വമാണെന്ന് ഇ.എസ്.ബിജു കുറ്റപ്പെടുത്തി.
ഹിന്ദുമതത്തിന്‍റെ
ആധികാരിക ഗ്രന്ഥങ്ങളായ വേദങ്ങൾ ഉപനിഷത്തുകൾ
പുരാണങ്ങള്‍ ശാസ്ത്രങ്ങൾ ഇതിനെയെല്ലാം വിസ്മരിച്ചു കൊണ്ട് ഹിന്ദുത്വത്തെ
വൈദേശിക മതസങ്കല്‍പ്പങ്ങളുമായി താരതമ്യം ചെയ്യുവാനാണ് പിണറായി ശ്രമിച്ചത്. ഇത്
ഹിന്ദു ധര്‍മ്മത്തെ കുറിച്ച് ശരിയായ ദിശയിൽ വിലയിരുത്തുവാന്‍ തയ്യാറാകാത്തതിന്‍റെ
ഫലമാണ്. സാമൂഹ്യനവോത്ഥാന ത്തില്‍ യാതൊരു പങ്കും വഹിച്ചിട്ടില്ലാത്ത ഹിന്ദുധര്‍മ
വിരുദ്ധർ ഹിന്ദു ധര്‍മ്മത്തെ കുറിച്ച് ഉദ്ഘോഷിക്കുന്നത് വിരോധാഭാസമാണ്.
സാമുഹ്യ നവോത്ഥാനത്തിനു
നേതൃത്വം നല്‍കിയ ഹിന്ദുധര്‍മാചാര്യന്മാരെ
വൈദേശിക ആശയത്തിന്‍റെ തൊഴുത്തിൽ കെട്ടുവാനാണ് പിണറായി ശ്രമിച്ചതെന്നും
ഇ.എസ്.ബിജു പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ