2015, ഡിസംബർ 30, ബുധനാഴ്‌ച

ഹിന്ദുഐക്യവേദി സര്‍ക്കാരിന് സമര്‍പ്പിച്ച200ലധികം ആവശ്യങ്ങളടങ്ങിയ ഹിന്ദു അവകാശ പത്രിക ചര്‍ച്ചചെയ്യാന്‍ ജനുവരി 6ന് 3 പി.എം ന്. മുഖ്യമന്ത്രിയുടെ കോഫ്രന്‍സ് ഹാളില്‍ മുഖ്യമന്ത്രിയുടെ നേതൃത്വത്തില്‍ ഹിന്ദുസംഘടനാ നേതാക്കളുമായി ഔദ്യോഗിക ചര്‍ച്ചനടക്കും.


ഹിന്ദുഅവകാശ പത്രിക  : സര്‍ക്കാര്‍ തലചര്‍ച്ച 
                          ജനു.6 ന്  തിരുവനന്തപുരത്ത്



    ഹിന്ദുഐക്യവേദി സര്‍ക്കാരിന് സമര്‍പ്പിച്ച200ലധികം ആവശ്യങ്ങളടങ്ങിയ ഹിന്ദു അവകാശ പത്രിക ചര്‍ച്ചചെയ്യാന്‍ ജനുവരി 6ന് 3 പി.എം ന്. മുഖ്യമന്ത്രിയുടെ കോഫ്രന്‍സ് ഹാളില്‍ മുഖ്യമന്ത്രിയുടെ നേതൃത്വത്തില്‍ ഹിന്ദുസംഘടനാ നേതാക്കളുമായി ഔദ്യോഗിക ചര്‍ച്ചനടക്കും. മുന്നോക്ക-പിന്നോക്ക- പട്ടികജാതി -പട്ടികവര്‍ഗ്ഗ -തീരദേശ-ക്ഷേത്രആഭ്യന്തരസുരക്ഷ വിദ്യാഭ്യസ മേഖലയിലെ വിഷയങ്ങളിലാണ് ചര്‍ച്ചനടക്കുത്. ഇതിന് മുന്‍പ് നടന്ന ചര്‍ച്ചകളിലും എടുത്ത തീരുമാനങ്ങളില്‍ നടപ്പിലാക്കാന്‍ കാലതാമസം വരുത്തിയ തീരുമാനങ്ങളും ചര്‍ച്ചചെയ്യും. ഹിന്ദു സംഘടനാപ്രതിനിധികളായ ഹിന്ദു ഐക്യവേദി സംസ്ഥാന ജനറല്‍ സെക്ര'റിമാരായ ഇ.എസ്സ്.ബിജു, ബ്രഹ്മചാരി ഭാര്‍ഗ്ഗവറാം, സഹസംഘടനാ സെക്ര'റി വി. സുശികുമാര്‍,  നാഷണല്‍ ആദിവാസി ഫെഡറേഷന്‍ പ്രസിഡന്റ് പി.കെ. ഭാസ്‌ക്കരന്‍, കെ.പി.എം.എസ്സ്. സംസ്ഥാനപ്രസിഡന്റ് എന്‍. നീലകണ്ഠന്‍ മാസ്റ്റര്‍,ട്രഷറര്‍ തുറവൂര്‍ സുരേഷ്, ആള്‍ ഇന്‍ഡ്യ  വീരശൈവസഭാ പ്രസിഡന്റ് ടി.പി. കുഞ്ഞുമോന്‍,ജനറല്‍ സെക്ര'റി കെ.വി.ശിവന്‍, മലയാള ബ്രാഹ്മണ സമാജം രക്ഷാധികാരി  തോ'ംനാരായണന്‍ നമ്പൂതിരി, ചേരമര്‍ സര്‍വ്വീസ് സൊസൈറ്റി ജനറല്‍ സെക്ര'റി കെ.റ്റി.ഭാസ്‌കരന്‍, വനവാസി വികാസകേന്ദ്രം പ്രസിഡന്റ് പള്ളിയറരാമന്‍, അഖിലേന്‍ഡ്യാ നാടാര്‍ അസ്സോസിയേഷന്‍  സംഘടനാ സെക്ര'റി പുഞ്ചക്കരി സുരേന്ദ്രന്‍, പാണര്‍ സമുദായസംഘടനാ രക്ഷാധികാരി തഴവ സഹദേവന്‍, കേരളാ കുടുംബി ഫെഡറേഷന്‍ ജനറല്‍ സെക്ര'റി  എസ്സ്. സുധീര്‍, അഖില കേരള  പണ്ഡിതര്‍ മഹാജന സഭ ജനറല്‍ സെക്ര'റി വി.എന്‍.അനില്‍കുമാര്‍ എിവരെ ഹിന്ദുസംഘടനാനേതൃയോഗം ചര്‍ച്ചയ്ക്ക് ചുമതലപ്പെടുത്തി.

2015, ഡിസംബർ 29, ചൊവ്വാഴ്ച

ചെമ്പിലരയനെ എന്തുകൊണ്ടാണ് അംഗീകരിക്കാതിരുന്നത് എന്ന ഒരു ചോദ്യവുമായി രാഷ്ട്രീയക്കാരും സാംസ്‌കാരിക നായകന്മാരും മുന്നോട്ടുവന്നില്ല. എന്തിനേറെ സ്വന്തം സമുദായത്തിന്റെ ഒരു ഉജ്വലനായ ധീരസേനാനിയെ, കേരള സ്വാതന്ത്ര്യസമര ചരിത്രത്തിലെ ആ ഇതിഹാസ നായകനെ സമുദായത്തിന്റെ പേരില്‍ സംവരണവും വോട്ടുകച്ചവടവും നടത്തുന്നവര്‍ പോലും മറന്നു. പക്ഷേ ഓര്‍ത്തിരിക്കേണ്ടതായ ചില സുവര്‍ണ നിമിഷങ്ങളുണ്ട്. അത് കാലം തങ്കലിപിയില്‍ രേഖപ്പെടുത്തിയിരിക്കുന്നു. ഇനിയും വൈകിയിട്ടില്ല, ചെമ്പില്‍ വലിയ അരയനെ നമുക്ക് സ്മരിക്കാന്‍, ആദരിക്കാന്‍

വിസ്മരിക്കാമോ ഈ സാമ്രാജ്യത്വ വിരുദ്ധ പോരാളിയെ?

\

കോട്ടയം ജില്ലയിലെ വൈക്കം താലൂക്കില്‍ ചെമ്പില്‍ തൈലംപറമ്പില്‍ വീട്ടില്‍ ഈച്ചരന്‍-കാളി ദമ്പതികളുടെ പുത്രനായിട്ടാണ് ചെമ്പിലരയന്റെ ജനനം. 922 മകരമാസത്തില്‍. അരയന്റെ പിതാവ് വില്ലേജ് സര്‍വേയറായിരുന്നു. എല്ലാവിധ ആയുധമുറകളുടെയും അഭ്യാസകേന്ദ്രമായിരുന്നു തൈലംപറമ്പ്. തറവാട്ടിലെ സ്ത്രീകള്‍പോലും അഭ്യാസികളായിരുന്നു. സ്വന്തം രാജ്യത്തെ പാരതന്ത്ര്യത്തില്‍നിന്ന് മോചിപ്പിക്കാന്‍ വേണ്ടി ജീവത്യാഗംചെയ്ത ആ ചരിത്ര നായകനെ സ്മരിക്കാന്‍ നാം എന്തുകൊണ്ടോ വൈകിപ്പോയി.
ഇല്ലാത്ത കോലാഹലങ്ങള്‍ സൃഷ്ടിച്ച് ചെയ്യാത്ത കാര്യങ്ങള്‍ ചെയ്തു എന്നുധരിപ്പിച്ച് ഓരോ സംഘടനകള്‍ക്കും നേതാക്കന്മാരെ സൃഷ്ടിക്കാന്‍ വെമ്പല്‍കൊള്ളുന്ന ഇന്നത്തെ തലമുറക്കും രാഷ്ട്രീയ നായകന്മാര്‍ക്കും ഈ ഇതിഹാസ നായകനെ മറവിയിലേക്ക് തള്ളിവിടാന്‍ കഴിഞ്ഞു. കാലം മാപ്പുകൊടുക്കാത്ത തെറ്റ്.
ബ്രിട്ടീഷ് സാമ്രാജ്യത്തിന്റെ അധര്‍മത്തിനെതിരെ ചരിത്രത്തിലെ ആദ്യത്തെ പോരാട്ടം നടത്തിയ ഐതിഹാസിക നായകനായ ചെമ്പില്‍ വലിയ അരയന്‍  കുങ്കുമാരന്‍ വലിയ പടത്തലവന്‍ എന്ന ധീരധീവര നായകനെ ഇപ്പോള്‍ ആര് സ്മരിക്കുന്നു! ചെമ്പില്‍ അരയന്റെ രക്തസാക്ഷിത്വത്തിന് ഇന്ന് 212 വയസ്സ് തികയുന്നു.
ബാലരാമവര്‍മ രാജാവ് കേരളം ഭരിച്ചിരുന്ന കാലത്തായിരുന്നു ചെമ്പില്‍ വലിയ അരയന്റെ പോരാട്ടം. വേലുത്തമ്പി ദളവയായിരുന്നു തിരുവിതാംകൂറിന്റെ ഭരണകാര്യങ്ങള്‍ നിര്‍വഹിച്ചിരുന്നത്. വേലുത്തമ്പിയെ ഭരണകാര്യങ്ങള്‍ ഏല്‍പ്പിച്ചത് അന്നത്തെ ബ്രിട്ടീഷ് ഭരണാധികാരിയായ മെക്കാളെ പ്രഭുവിന് ഇഷ്ടമായിരുന്നില്ല. ബ്രിട്ടീഷുകാര്‍ ഇവിടെ വന്ന സമയത്ത് നമ്മുടെ നാട്ടുരാജ്യങ്ങളെ സംരക്ഷിക്കേണ്ടതായ ഉത്തരവാദിത്വംകൂടി അവര്‍ ഏറ്റെടുത്തിരുന്നുവല്ലോ? അങ്ങനെ നാട്ടുരാജ്യങ്ങളെ സംരക്ഷിക്കുന്നതിന് ഒരു തുക നല്‍കിയിരുന്നു. അതിന് കപ്പം എന്നുപറയും. നമ്മളെ സംരക്ഷിക്കുവാനുള്ള കരുത്ത് നമ്മളില്‍തന്നെയുള്ള കഴിവുള്ളവരെ ഏല്‍പ്പിക്കുവാനുള്ള ചിന്ത നമ്മുടെ വലിയ നാട്ടുരാജാക്കന്മാര്‍ക്കില്ലാതെ പോയി.
വേലുത്തമ്പി ദളവയെ ഭരണാധികാരം ഏല്‍പ്പിച്ചത് മെക്കാളെ പ്രഭുവിന് ദഹിച്ചിരുന്നില്ല. അദ്ദേഹം തിരുവിതാംകൂറിന്റെ കപ്പം ഇരട്ടിയായി ഉയര്‍ത്തി. ഈ നികുതിഭാരം താങ്ങാതെ ജനങ്ങള്‍ കടുത്ത ദാരിദ്ര്യത്തിനടിമകളായിത്തീര്‍ന്നു. ധീരനായ വേലുതമ്പി കപ്പം നിര്‍ത്തലാക്കിക്കൊണ്ട് ബ്രിട്ടീഷ് മേല്‍ക്കോയ്മ അവസാനിപ്പിക്കാന്‍ തീരുമാനമെടുത്തു. ബ്രിട്ടീഷുകാര്‍ക്കെതിരായി യുദ്ധംചെയ്യാന്‍ വേലുതമ്പി അന്നത്തെ തിരുവിതാംകൂര്‍ സേനയുടെ നായകനായിരുന്ന ചെമ്പില്‍ വലിയ അരയനെ ചുമതലപ്പെടുത്തി. ഇന്നത്തെ ബോള്‍ഗാട്ടി പാലസായിരുന്നു മെക്കാളെ പ്രഭുവിന്റെ കോട്ട. 1808 ഡിസംബര്‍ 29 ന് ഓടിവള്ളങ്ങളുമായി അരയന്റെ നേതൃത്വത്തില്‍ സൈന്യം കോട്ടയിലേക്ക് കടന്നുകയറി. സൈന്യത്തിന്റെ ഹുങ്കാരം കേട്ട് മെക്കാളെ പലായനം ചെയ്തു.
മെക്കാളെ പ്രഭു രക്ഷപ്പെട്ടു എങ്കിലും മറ്റു സൈന്യാധിപന്മാര്‍ അരയനെ വളഞ്ഞ് കോടതിയില്‍ ഹാജരാക്കി. ഈ സമയത്ത് അവസാന ആഗ്രഹം ചോദിച്ച സമയത്ത് മകളെ കാണണം എന്നുപറഞ്ഞു.
മകള്‍ വന്നു. അച്ഛനെ ഞങ്ങള്‍ വധിക്കുകയാണ് എന്നറിയിച്ചപ്പോള്‍ അച്ഛനെ വധിച്ചാല്‍ അച്ഛന്‍ തുടങ്ങിവച്ചതിനായി ഞാന്‍ പോരാടും എന്ന് ധൈര്യശാലിയായ മകള്‍ ‘കോമച്ചി’ പറഞ്ഞു. ഈ ധീരതയ്ക്കുമുന്നില്‍ ബ്രിട്ടീഷ് ഭരണാധികാരികള്‍ക്ക് തലകുനിക്കാതിരിക്കാനായില്ല. ചെമ്പില്‍ അരയന്‍ നടത്തിയ പോരാട്ടം ചരിത്രത്തിലെ നാഴികക്കല്ലാണ്.
ചെമ്പില്‍ അരയന്റെ പിന്‍മുറക്കാര്‍ ഡിസംബര്‍ 29 ചെമ്പില്‍ വലിയ അരയന്‍ കുങ്കുമാരന്‍ രക്തസാക്ഷി ദിനമായി ആചരിക്കണമെന്ന് സര്‍ക്കാരിനോട് ആവശ്യപ്പെട്ടിരുന്നു. ചില നടപടികള്‍ ഉണ്ടായി എങ്കിലും അതിന് തുടര്‍ച്ചയുണ്ടായില്ല. അരയനെ നാം വിസ്മരിച്ചുകൂടാ, ഇനിയെങ്കിലും. ആ ധീരയോദ്ധാവിനെ ആദരിക്കുവാന്‍ നാം തയ്യാറാവണം.
ആ ധീരരക്തസാക്ഷിയുടെ പേരില്‍ ഒരു സ്മാരകവും അവിടെ ഉയര്‍ന്നില്ല. വലിയ അരയനെ എന്തുകൊണ്ടാണ് അംഗീകരിക്കാതിരുന്നത് എന്ന ഒരു ചോദ്യവുമായി രാഷ്ട്രീയക്കാരും സാംസ്‌കാരിക നായകന്മാരും മുന്നോട്ടുവന്നില്ല. എന്തിനേറെ സ്വന്തം സമുദായത്തിന്റെ ഒരു ഉജ്വലനായ ധീരസേനാനിയെ, കേരള സ്വാതന്ത്ര്യസമര ചരിത്രത്തിലെ ആ ഇതിഹാസ നായകനെ സമുദായത്തിന്റെ പേരില്‍ സംവരണവും വോട്ടുകച്ചവടവും നടത്തുന്ന സമുദായ നേതാക്കള്‍പോലും മറന്നു. പക്ഷേ ഓര്‍ത്തിരിക്കേണ്ടതായ ചില സുവര്‍ണ നിമിഷങ്ങളുണ്ട്.  അത് കാലം തങ്കലിപിയില്‍ രേഖപ്പെടുത്തിയിരിക്കുന്നു. ഇനിയും വൈകിയിട്ടില്ല, ചെമ്പില്‍ വലിയ അരയനെ നമുക്ക് സ്മരിക്കാന്‍, ആദരിക്കാന്‍.
ചന്ദ്രിക ഹരിദാസ്

കടപ്പാട്: ജന്മഭുമി 

ഏറ്റവും കൂടുതല്‍ ഇരകളാകുന്നത് കേരളത്തിലെ ദളിത്‌ പിന്നോക്ക വിഭാഗത്തില്‍ പെടുന്ന സ്ത്രീകളാണ്. അവര്‍ക്ക് വേണ്ട നിയമപരിരക്ഷ സര്‍ക്കാരിന്‍റെ ഭാഗത്ത് നിന്നും നാളിതുവരെ ലഭിച്ചിട്ടില്ല

സ്ത്രീകള്‍ക്ക് നേരെ വര്‍ദ്ധിച്ചു വരുന്ന അതിക്രമങ്ങള്‍ക്കെതിരെ മഹിളാ ഐക്യവേദി സെക്രട്ടറിയേറ്റ് ധര്‍ണ്ണ നടത്തി 


തിരു : സ്ത്രീകള്‍ക്ക് നേരെ വര്‍ദ്ധിച്ചു വരുന്ന അതിക്രമങ്ങള്‍ക്കെതിരെ മഹിളാ ഐക്യവേദി സെക്രട്ടറിയേറ്റ് ധര്‍ണ്ണ നടത്തി. ധര്‍ണ്ണ ഹിന്ദു ഐക്യവേദി സംസ്ഥാന ഉപാധ്യക്ഷ പി.ജി ശശികല ടീച്ചര്‍ ഉദ്ഘാടനം ചെയ്തു. സ്ത്രീ പീഡനങ്ങളില്‍ ഏറ്റവും കൂടുതല്‍ ഇരകളാകുന്നത് കേരളത്തിലെ ദളിത്‌ പിന്നോക്ക വിഭാഗത്തില്‍ പെട്ട സ്ത്രീകളാണ്. അവര്‍ക്ക് വേണ്ട നിയമപരിരക്ഷ സര്‍ക്കാരിന്‍റെ ഭാഗത്ത് നിന്നും നാളിതുവരെ ലഭിച്ചിട്ടില്ല.
                          ഉത്തരേന്ത്യയില്‍ നിരന്തരം നടക്കുന്ന അതിക്രമങ്ങളില്‍ ചിലത് മാത്രം രാഷ്ട്രീയ മുതലെടുപ്പിനായി ഉയര്‍ത്തിക്കാട്ടി വാര്‍ത്താ വിസ്പോഡനനങ്ങള്‍ സൃഷ്ടിച്ച് പാര്‍ലമെന്റിനെ പോലും സ്തംഭിപ്പിച്ച കേരളത്തിലെ രാഷ്ട്രീയ നേതൃത്വങ്ങളും സാംസ്കാരിക അസഹിഷ്ണുതാ വാദികളും വനിതാ സംഘടനകളും ആരും തന്നെ അടൂര്‍,കോന്നി,കിളിരൂര്‍ പെണ്‍കുട്ടികളുടെ ദുരവസ്ഥയ്ക്ക് എതിരെ ഒരു പ്രസ്താവന പോലും ഇറക്കുവാന്‍ തയ്യാറായില്ല എന്ന് ഓര്‍ക്കുമ്പോള്‍ സാക്ഷര-സാംസ്കാരിക കേരളം എവിടെ നില്‍ക്കുന്നു ?
                         അമ്മ എന്ന ഏറ്റവും മഹത്വവും തേജസ്സുള്‍ക്കൊള്ളുന്ന വ്യക്തിത്വത്തെ,പ്രപഞ്ചത്തിന്‍റെ താളവും, കുടുംബങ്ങളുടെ ഊഷമളതയും നിലനിര്‍ത്തുന്ന അമ്മ മനസ്സിനെ അറിയുവാന്‍ വിമുഖത കാണിക്കുന്ന അധികാരത്തിന്‍റെ സുഖശീതളിമയില്‍ അമരുന്ന ഇച്ഛാശക്തിയില്ലാത്ത ഭരണ സാരഥികള്‍ക്ക് ഇനിയും ആ സുവര്‍ണ്ണ കാലത്തെക്കുറിച്ച്  സ്വപ്നം കാണുവാനേ കഴിയൂ എന്ന് ധര്‍ണ്ണ ഉദ്ഘാടനം ചെയ്തു കൊണ്ട് ഹിന്ദു ഐക്യവേദി സംസ്ഥാന ഉപാധ്യക്ഷ പി.ജി ശശികല ടീച്ചര്‍ പറഞ്ഞു.

2015, ഡിസംബർ 28, തിങ്കളാഴ്‌ച

ലണ്ടന്‍ ഹിന്ദു ഐക്യവേദി സത്സംഗം ഹൃദ്യമായി

ലണ്ടന്‍ ഹിന്ദു ഐക്യവേദി സത്സംഗം ഹൃദ്യമായി



സമാനതകള്‍ ഇല്ലാത്ത ആഘോഷരാത്രി, ഭഗവത് ഭക്തിയുടെ അനിര്‍വചനീയമായ പരമാനന്ദം, ലണ്ടന്‍ ഹിന്ദു ഐക്യവേദിയുടെ സത്സംഗം തികച്ചും ദീപ്തമായ ഒരു സന്ധ്യയായി. ശരണം വിളികളാല്‍ സമ്പന്നമായ ദീപാരാധനയില്‍ ശ്രീധര്‍മ്മശാസ്താവിനെ കണ്‍കുളിരെ കണ്ടു ഭക്തജനസഞ്ചയം സായുജ്യമടഞ്ഞു. കേരളത്തിലെ പോലെ ഇഗ്ലണ്ടിലും ഇത് രണ്ടാം തവണയും തിരുവാതിര കൊണ്ടാടി.
ക്രോയ്ടനിലെ വെസ്റ്റ് ത്രോണ്‍ണ്ടന്‍ കമ്മ്യൂണിറ്റി സെന്ററില്‍ വൈകീട്ട് 5.45 ഓടെ ലണ്ടന്‍ ഹിന്ദു ഐക്യവേദി ബാലവേദിയുടെ ഭജനയോടെ പരിപാടികള്‍ ആരംഭിച്ചു. അതിനുശേഷം ലണ്ടന്‍ ഹിന്ദു ഐക്യവേദി ഭജന സംഘത്തിന്റെ ഊഴമായിരുന്നു. ഏകദേശം രണ്ടു മണിക്കൂറിലധികം നീണ്ടുനിന്ന ഭജന തിങ്ങിനിറഞ്ഞ ഭക്തര്‍ക്ക് നവ്യാനുഭവം ആയിരുന്നു. പങ്കെടുത്തവര്‍ എല്ലാവരും ചേര്‍ന്ന് നടത്തിയ നാമസങ്കീര്‍ത്തനം ഉല്‍കൃഷ്ടമായ ഈശ്വര ഭക്തിയുടെ മകുടോദാഹരണമായി. ഭജനക്കുശേഷം മിനി വിജയകുമാര്‍ എന്താണ് തിരുവാതിര, തിരുവാതിര വ്രതത്തിന്റെ പ്രാധാന്യം എന്നിവയെ കുറിച്ച് പ്രഭാഷണവും നടത്തി. അതിനുശേഷം ശ്രീപരമേശ്വരനെ സ്തുതിച്ചു തിരുവാതിരകളി നടന്നു. ‘യാമി യാമി’ എന്നുതുടങ്ങുന്ന അതിമനോഹരമായ കീര്‍ത്തനമാണ് തിരുവാതിരകളിക്ക് തിരഞ്ഞെടുത്തിരുന്നത്.
ഭഗവാന്‍ ശ്രീഗുരുവയൂരപ്പന് ദീപാരാധന നടത്തി കഴിഞ്ഞതിന്നു ശേഷം, ശ്രീധര്‍മ്മശാസ്തവിനായി പ്രത്യേകം തയാറാക്കിയ താല്‍കാലിക ക്ഷേത്രത്തില്‍ പടിപൂജ നടത്തി. സന്തോഷ് കുമാറിന്റെ നേതൃത്വത്തില്‍ നടന്ന പടിപാട്ട് ഭക്തിനിര്‍ഭരമായിരുന്നു, പടിപാട്ടിനുശേഷം മംഗളാരതി നടത്തി.
ഹരിഗോവിന്ദന്‍ നമ്പൂതിരി ഹരിവരാസനം പാടി ചടങ്ങുകള്‍ പൂര്‍ണമാക്കി. തിരുവാതിര പ്രമാണിച്ച് അന്നദാനത്തിനായി പ്രത്യേകം തയാറാക്കിയ കഞ്ഞിയും പുഴുക്കും ആയിരുന്നു ഭക്തര്‍ക്ക് നല്‍കിയത്. കേരളിത്തില്‍നിന്നും കൊണ്ടുവന്ന കമുങ്ങില്‍ പാള കൊണ്ട് ഉണ്ടാക്കിയ പാത്രത്തിലാണ് കഞ്ഞി വിളമ്പിയത്. പൂജകള്‍ക്ക് മുരളി  നേതൃത്വം നല്‍കി.


കടപ്പാട്:  ജന്മഭൂമി: 

2015, ഡിസംബർ 25, വെള്ളിയാഴ്‌ച

ധനുമാസത്തിലെ തിരുവാതിര കൊണ്ടാടുന്നതിനുള്ള തയ്യാറെടുപ്പിലാണ് മലയാളക്കര. പഴയ തനിമ നഷ്ടപ്പെടുപോയെങ്കിലും കൈമോശം വരാതെ ചിലരെങ്കിലും ആ പാരമ്പര്യം കാത്തു സൂക്ഷിക്കുന്നുണ്ട്. വരുന്ന 26 നാണ് മങ്കമാര്‍ നോമ്പുനോറ്റ് തിരുവാതിര അനുഷ്ഠിക്കുന്നത്. തിരുവാതിരയുമായി ബന്ധപ്പെട്ട വിശേഷങ്ങളിലേക്ക്...

തിരുവാതിരവിശേഷം




ലോകൈകനാഥനും പ്രപഞ്ച സ്രഷ്ടാവുമായ ശ്രീപരമേശ്വരന്റെ ജന്മനക്ഷത്രമായ ധനുമാസത്തിലെ തിരുവാതിര ആര്‍ദ്രാവ്രതമായും ആചാരാനുഷ്ഠാനങ്ങളില്‍ മഹാപുണ്യദിനമായും ഹൈന്ദവര്‍ ആചരിച്ചുവരുന്നു.ഭാരതീയ സംസ്‌കാരത്തെ മാറോട്‌ചേര്‍ത്ത് സര്‍വ്വൈശ്വര്യ- സന്തോഷപ്രദവുമായ ദാമ്പത്യസുഖ ജീവിതത്തെ ഓര്‍മ്മിക്കലാണ് തിരുവാതിരയാഘോഷത്തിന്റെ പ്രധാന ഉദ്ദേശം.
ശ്രീശിവശങ്കരന്റെ ആയുരാരോഗ്യത്തിനായി പ്രാര്‍ത്ഥിച്ച് തിരുവാതിര വ്രതം ആദ്യമായി അനുഷ്ഠിച്ചത്  ശ്രീപാര്‍വ്വതി ദേവിയായിരുന്നുവെന്നാണ് ഐതിഹ്യം.
പാര്‍വ്വതി ദേവിയുമായുള്ള വിവാഹത്തിന് ശ്രീപരമേശ്വരന്‍ അനുമതിയരുളിയത് ധനുമാസത്തിലെ തിരുവാതിരയിലാണെന്നതാണ് മറ്റൊരു പ്രത്യേകത. ശ്രീപാര്‍വ്വതിദേവി ഭഗവാന്റെ അനുഗ്രഹത്തിന് വ്രതമെടുക്കുന്ന ദിവസമെന്ന പ്രത്യേകതയുള്ളതുകൊണ്ട് ഈ പുണ്യദിനത്തില്‍ വ്രതമനുഷ്ഠിച്ചാല്‍ ഭഗവാന്റെ അനുഗ്രഹം വളരെകൂടുതല്‍ ലഭിക്കുമെന്നാണ് വിശ്വാസം.
തിരുവാതിരവ്രതത്തില്‍ മകയിരം വ്രതത്തിന് വളരെ പ്രാധാന്യമുണ്ട്. ഈ നക്ഷത്രത്തിലാണ് കാമദേവന്റെ ദഹനം നടന്നത്. തിരുവാതിര നാളിലാണ് പുനര്‍ജീവന്‍ ലഭിച്ചതെന്ന് പുരാണങ്ങളില്‍ വ്യക്തമാക്കിയിട്ടുണ്ട്. കാമദേവദഹനമറിഞ്ഞ് കാമദേവപത്‌നി രതീദേവി ദുഃഖിതയും, അന്നപാനാദികള്‍ വെടിഞ്ഞ് വിലപിച്ച് പ്രാര്‍ത്ഥനയും വ്രതവുമായി കഴിഞ്ഞു. മറ്റു ദേവീമാരെല്ലാവരും ഒത്തൊരുമിച്ച് ഇതില്‍ പങ്കുചേര്‍ന്നു. ഇതെല്ലാം അറിഞ്ഞ ശ്രീപരമേശ്വരന്‍ കാമദേവന് പുനര്‍ജീവന്‍ നല്‍കി. ഇതിന്റെ സ്മരണ മകയിരം വ്രതത്തെ പ്രാധാന്യമുള്ളതാക്കി.
ശിവാലയങ്ങളില്‍ വിശേഷാല്‍ പൂജകള്‍, നാമമന്ത്രകീര്‍ത്തനം, ലക്ഷാര്‍ച്ചന, ദ്രവ്യകലശപൂജ, കലശാഭിഷേകം, ശിവസ്തുതിളോടെ നടത്തുന്ന തിരുവാതിരകളി എന്നിവ ഈ പുണ്യദിനത്തെ മഹനീയമാക്കുന്നു.തൃശൂര്‍ വടക്കുന്നാഥക്ഷേത്രത്തില്‍ ആതിരമഹോത്സവമായിട്ടാണ് ആഘോഷിക്കുന്നത്.
ബ്രാഹ്മണ-ഉപാസകഗൃഹങ്ങളില്‍ പൂജയും തിരുവാതിരകളിയുമായി ഈ പൗര്‍ണ്ണമിദിനം ആചരിക്കുന്നു. ഗൃഹസ്ഥനായി കുടുംബസമേതം കഴിയുന്ന ശ്രീശങ്കരനെ ഈ മഹാപുണ്യദിനത്തില്‍ വ്രതശുദ്ധിയോടെ ആരാധിച്ചാല്‍ കുടുംബജീവിതം ഏറ്റവും സന്തോഷപ്രദമാകുമെന്നാണ് വിശ്വാസം.
ഉപവാസം-ഒരിക്കല്‍-പഞ്ചാക്ഷരമന്ത്രജപം എന്നിവയാണ് തിരുവാതിരദിനത്തില്‍ പ്രധാനമായും അനുഷ്ഠിക്കുക. ശിവസഹസ്രനാമം – ശിവപുരാണപാരായാണം എന്നിവ ഈ വിശിഷ്ടദിനത്തില്‍ പാരായണം  ചെയ്താല്‍ ഓംകാരമൂര്‍ത്തിയുടെ അനുഗ്രഹം വളരെ വേഗം ലഭിക്കുമെന്നും വിശ്വാസമുണ്ട്. ശിവക്ഷേത്രത്തില്‍ ജലധാര, ഇളനീര്‍ധാര, കുവളത്തിലകൊണ്ട് പുഷ്പാഞ്ജലി, ശംഖാഭിഷേകം, മൃതുഞ്ജയ പുഷ്പാഞ്ജലി, മൃത്യുഞ്ജയഹോമം, നെയ്യഭിഷേകം എന്നിവ യഥാശക്തിപ്രകാരം ചെയ്യുന്നത് വളരെ ഉത്തമം. കുടുംബിനികള്‍ ഭര്‍ത്താവിന്റെ ആയുസ്സ്, ആരോഗ്യം, യശസ്സ്,  എന്നിവയ്ക്കുവേണ്ടി പ്രാര്‍ത്ഥിക്കുകയും കന്യകമാര്‍ സല്‍ഗുണസമ്പന്നരായ ഭര്‍ത്താക്കന്മാരെ ലഭിയ്ക്കുന്നതിനുവേണ്ടിയും തിരുവാതിര വ്രതാനുഷ്ഠാനംകൊണ്ട് പ്രധാനമായും ഉദ്ദേശിക്കുന്നത്.
തിരുവാതിരദിനത്തില്‍ രാത്രിയില്‍ ദശപുഷ്പങ്ങള്‍കൊണ്ട് പാതിരപ്പൂചൂടലും തളിര്‍വെറ്റിലകൊണ്ട് മുറുക്കുന്നതും ഒരു മുഖ്യചടങ്ങായി പഴമക്കാര്‍ ആചരിച്ചുവന്നിരുന്നു. രാത്രിയില്‍ വിടരുന്ന കൊടുവേലിപ്പൂവിനോടൊപ്പം കറുക, കഞ്ഞുണ്ണി, തിരുതാളി, മുയല്‍ചെവിയന്‍, പൂവാംകുറുന്നില, മുക്കുറ്റി, നിലപ്പന, വിഷ്ണുക്രാന്തി, ഉഴിഞ്ഞ, ചെറുള എന്നീ ദശപുഷ്പങ്ങളും ചേര്‍ന്നുള്ളത് ത്രിജടയെന്ന നാമധേയത്തില്‍ പ്രസിദ്ധമാണ്.
ആരാധനാ സമ്പദായത്തില്‍ ദശപുഷ്പങ്ങളില്‍ ഓരോന്നിനും ഓരോ ദേവതകളുമായി ബന്ധമുള്ളതിനാല്‍ ഫലസിദ്ധിയുണ്ടെന്നാണ് വിശ്വാസം. മിഥുന സംക്രമദിവസം ദശപുഷ്പങ്ങള്‍ വീട്ടുമുറ്റത്ത് നട്ടുവളര്‍ത്തുന്നത് വളരെ നല്ലതാണ്. ഔഷധഗുണമുള്ള സസ്യജാലങ്ങള്‍ നട്ടുവളര്‍ത്തി പരിപാലിക്കുന്നത് ഐശ്വര്യവും ആയുരാരോഗ്യവുമാണ് പ്രദാനം ചെയ്യുക. കര്‍ക്കിടകത്തില്‍ ശ്രീഭഗവതിയ്ക്കായി സമര്‍പ്പിക്കുന്ന അഷ്ടമംഗല്യത്തില്‍ ദശപുഷ്പങ്ങളുള്‍പ്പെടും.
തിരുവാതിരയോടനുബന്ധിച്ച് പാണനും പാട്ടിയും ഒത്തുചേര്‍ന്ന് ദേശാടനത്തിലൂടെ വീടുകള്‍തോറും സഞ്ചരിച്ച് നടത്തുന്ന തുകിലുണര്‍ത്തുപാട്ടും, വള്ളുവനാട്ടിലെ ചോഴികെട്ടിവരവും, വടക്കന്‍ കേരളത്തില്‍ പുറാട്ടുകാരന്റെ വേഷംവരവും ഈ പുണ്യദിനത്തിന്റെ പ്രാധാന്യം തുറന്നുകാട്ടുന്നു.
ശ്രീപാര്‍വ്വതിദേവിയുടെ പരമഭക്തവിവാഹം കഴിഞ്ഞ് നാലാം നാള്‍ വിധവയായി. തന്റെ പ്രിയ ഭക്തയ്ക്കു  നേരിട്ട മഹാദുരന്തത്തിന്റെ തീവ്രത ശ്രീപാര്‍വ്വതി ദേവി ശ്രീപരമേശ്വരനെ സങ്കടരൂപേണ അറിയിച്ചു. ഉടനെതന്നെ ശ്രീപരമേശ്വരന്‍ യമധര്‍മ്മനെ വിളിച്ച് പ്രിയഭക്തയുടെ ഭര്‍ത്താവിന്റെ ജീവാത്മാവിനെ തിരികെയെത്തിക്കാന്‍ ആവശ്യപ്പെട്ടു, പുന:സംഗമം സിദ്ധിച്ച ഭക്തദമ്പതികളെ ശ്രീപാര്‍വ്വതി ദേവി അനുഗ്രഹിക്കുന്ന കഥയാണ് മംഗല ആതിരയെന്ന പേരില്‍ പ്രസിദ്ധമായ കീര്‍ത്തനം.
തിരുവാതിരയുടെ തലേദിവസം മുതല്‍ വ്രതമെടുത്ത് ശരീരശുദ്ധിയും മന:ശുദ്ധിയും വരുത്തി ക്ഷേത്രദര്‍ശനവും പ്രാര്‍ത്ഥനയുമായി കഴിയണം. അരിഭക്ഷണം ഒഴിവാക്കി ഗോതമ്പുകൊണ്ടുള്ള ഭക്ഷണവും, കാവത്തും കിഴങ്ങും പയറും ചേര്‍ത്ത് തേങ്ങചിരവിയതുമിട്ട് കഴിയ്ക്കുകയുമാവാം. തിരുവാതിരയ്ക്ക് വാഴപ്പഴം (ചെറുപഴം)പ്രധാനപ്പെട്ട വിഭവമായി ഉപയോഗിച്ചുവരുന്നു.
തിരുവാതിരയുടെ തലേദിവസം മകയിരം വ്രതമെടുത്താല്‍ മക്കള്‍ക്ക് അഭിവൃദ്ധി, ആയുരാരോഗ്യം എന്നിവയുണ്ടാകുമെന്നും വിശ്വാസമുണ്ട്. ജാതകപ്രകാരം ദാമ്പത്യകലഹം, ഭര്‍തൃവിയോഗം വിധിക്കപ്പെട്ടവര്‍ക്കുപോലും തിരുവാതിരദിനത്തിലെ ശിവപാര്‍വ്വതി ആരാധനയിലൂടെ ദീര്‍ഘമാംഗല്യവും സന്തുഷ്ട കുടുംബജീവിതവും ലഭിക്കുന്നുവെന്നാണ് വിശ്വാസം.

ശബരിമല: കാനനവാസനായ ധർമശാസ്താവിന് ചാർത്താനുള്ള തങ്കയങ്കിയുമായുള്ള ഘോഷയാത്ര ശനിയാഴ്ച സന്നിധാനത്തെതും അന്നു വൈകിട്ട് തങ്കയങ്കി ചാര്‍ത്തിയുള്ള ദീപാരാധന നടക്കും. തങ്കയങ്കിയെ വരവേല്‍ക്കുവാനുള്ള ഒരുക്കങ്ങള്‍ സന്നിധാനത്ത് തുടങ്ങി

ശബരിമല മണ്ഡലപൂജ : തങ്കയങ്കി നാളെയെത്തും; ഭക്തര്‍ക്ക്‌ നിയന്ത്രണം 



ശബരിമല: കാനനവാസനായ ധർമശാസ്താവിന് 
ചാർത്താനുള്ള  തങ്കയങ്കിയുമായുള്ള  ഘോഷയാത്ര ശനിയാഴ്ച സന്നിധാനത്തെതും ന്നു വൈകിട്ട് തങ്കയങ്കി ചാര്‍ത്തിയുള്ള  ദീപാരാധന നടക്കും. തങ്കയങ്കിയെ വരവേല്‍ക്കുവാനുള്ള ഒരുക്കങ്ങള്‍ സന്നിധാനത്ത് തുടങ്ങി. തങ്കയങ്കിയെത്തുന്ന 26 ന് ഉച്ചയ്ക്ക് 12.30 വരെ മാത്രമേ പമ്പയില്‍ നിന്ന് ഭക്തരെ മല ചവിട്ടാന്‍ അനുവദിക്കുകയുള്ളു. ഉച്ചപൂജയ്ക്കു ശേഷം ദീപാരാധന വരെ പതിനെട്ടാംപടി കയറാന്‍ അനുവദിക്കില്ല. വൈകിട്ട് വടക്കേനടവഴി ദീപാരാധന തൊഴാന്‍ സോപാനത്തിലേക്ക് കടത്തിവിടും. ഉച്ചയ്ക്ക് 12.30മുതല്‍ ഘോഷയാത്ര മരക്കൂട്ടത്ത് എത്തുന്ന സമയംവരെ പമ്പയില്‍നിന്നും പ്രവേശനമുണ്ടാവില്ല. ഘോഷയാത്ര പതിനെട്ടാംപടി കയറി സോപാനത്തിങ്കല്‍ എത്തിയശേഷം മാത്രമേ മരക്കൂട്ടത്തുനിന്നും തീര്‍ത്ഥാടകരെ സന്നിധാനത്തേക്ക് കടത്തിവിടുകയുള്ളു. മണ്ഡല പൂജ ദിവസമായ 27ന് ആവശ്യമെങ്കില്‍ നിയന്ത്രണം തുടരും.

2015, ഡിസംബർ 24, വ്യാഴാഴ്‌ച

അയ്യപ്പന്മാരെ മര്‍ദ്ദിച്ച പോലീസുകാര്‍ക്കെതിരെ നടപടികള്‍ സ്വീകരിക്കണം: ഹിന്ദുഐക്യവേദി

അയ്യപ്പന്മാരെ മര്‍ദ്ദിച്ച പോലീസുകാര്‍ക്കെതിരെ

നടപടികള്‍ സ്വീകരിക്കണം: ഹിന്ദുഐക്യവേദി



മ്പയില്‍ അയ്യപ്പന്മാരെയും ശരംകുത്തിയില്‍ ദേവസ്വം ജീവനക്കാരെയും മര്‍ദ്ദിച്ച പോലീസുകാര്‍ക്കെതിരെ സത്വര നടപടികള്‍ സ്വീകരിക്കണമെന്ന് ഹിന്ദുഐക്യവേദി സംസ്ഥാന സെക്രട്ടറി പി.വി. മുരളീധരന്‍ ആവശ്യപ്പെട്ടു.  അയ്യപ്പദര്‍ശനത്തിനായി ശബരിമലയിലെത്തുന്ന ഭക്തര്‍ക്കെതിരെയുള്ള പോലീസ് അതിക്രമം പ്രതിഷേധാര്‍ഹമാണ്. ദര്‍ശനത്തിനായി മണിക്കൂറുകളോളം കാത്തുനില്‍ക്കുന്ന ഭക്തജനങ്ങള്‍ക്ക് അടിസ്ഥാന സൗകര്യങ്ങള്‍ ഒരുക്കുന്നതില്‍ ദേവസ്വം ബോര്‍ഡ് വരുത്തിയിട്ടുള്ള വീഴ്ചകള്‍ തീര്‍ത്ഥാടനത്തെ അലങ്കോലപ്പെടുത്തുന്നു. ക്യൂവില്‍ നില്‍ക്കുന്ന ഭക്തര്‍ക്ക് ചുക്കുവെള്ളവും ബിസ്‌ക്കറ്റും നല്‍കുമെന്ന് പ്രസ്താവനകളല്ലാതെ വിതരണം നടക്കുന്നില്ല.
ദര്‍ശനം കഴിഞ്ഞെത്തുന്ന ഭക്തര്‍ക്ക് വിരിവച്ചുറങ്ങുവാനുള്ള സൗകര്യംപോലും ലഭ്യമാക്കാന്‍ ദേവസ്വം ബോര്‍ഡിന് കഴിയുന്നില്ല. മരക്കൂട്ടം മുതല്‍ സന്നിധാനം വരെയുള്ള ക്യൂവില്‍ ദുരിതമനുഭവിക്കുന്ന അയ്യപ്പന്മാര്‍ക്കുനേരെ കേരളപോലീസ് അവരുടെ കായികബലം കാട്ടുകയാണ്. മണിക്കൂറുകളോളം സാധാരണ ഭക്തര്‍ ക്യൂവില്‍ നില്‍ക്കുമ്പോള്‍ പോലീസുകാരുടെ സുഹൃത്തുക്കള്‍ക്കും ബന്ധുക്കള്‍ക്കും വിഐപി പരിഗണന നല്‍കി കടത്തിവിടുന്ന സമീപനം ഭക്തരെ രോഷാകുലരാക്കുവാന്‍ സാഹചര്യമൊരുക്കും.
തീര്‍ത്ഥാടനകാലത്ത് ഓര്‍ഡിനറി സര്‍വ്വീസുകള്‍ നിര്‍ത്തിവച്ച് അമിതനിരക്ക് ഈടാക്കുന്നതിനായി ഫാസ്റ്റ് പാസഞ്ചര്‍ സര്‍വ്വീസുകള്‍ നടത്തുന്ന കെഎസ്ആര്‍ടിസിയും ഭക്തരെ കൊള്ളയടിക്കുകയാണ്. സംസ്ഥാന സര്‍ക്കാരിന്റെ വിവിധ വകുപ്പുകളും ദേവസ്വം ബോര്‍ഡും പോലീസും ചേര്‍ന്ന് അയ്യപ്പന്മാര്‍ക്കെതിരെ നടത്തുന്ന ദ്രോഹനടപടികള്‍ അവസാനിപ്പിക്കണമെന്നും മുരളീധരന്‍ പത്രക്കുറുപ്പില്‍ ആവശ്യപ്പെട്ടു.

സാമൂഹ്യ നവോത്ഥാനത്തിന് സ്ത്രീ ശക്തി അനിവാര്യം: 


ഹിന്ദുഐക്യവേദി സംസ്ഥാന അദ്ധ്യക്ഷ 

കെ.പി. ശശികല ടീച്ചര്‍.


സാമൂഹ്യ നവോത്ഥാനത്തിന് സ്ത്രീ ശക്തി അനിവാര്യമാണെന്നും അത് ബാലഗോകുലങ്ങളിലൂടെ ഭഗിനിമാര്‍ക്ക് സാധിക്കുമെന്നും ഹിന്ദുഐക്യവേദി സംസ്ഥാന അദ്ധ്യക്ഷ കെ.പി. ശശികല ടീച്ചര്‍. പതിനാറാമത് ബാലഗോകുലം സംസ്ഥാന ഭഗിനി ശില്‍പ്പശാല മാന്നാര്‍ ശ്രീഭുവനേശ്വരി എച്ച്എസ്എസ്സില്‍ ഉദ്ഘാടനം ചെയ്ത് സംസാരിക്കുകയായിരുന്നു ടീച്ചര്‍.
നാല് പതിറ്റാണ്ടായി പ്രവര്‍ത്തിക്കുന്ന ബാലഗോകുലത്തിന്റെ വിജയം ഇല്ലാതാക്കാന്‍ പല ശക്തികളും നാനാഭാഗത്തുനിന്നും ്ര്രശമിച്ചിരുന്നു. എന്നാല്‍ ഇന്ന് ബാലഗോകുലം മുന്നോട്ടു വെച്ച ആശയങ്ങള്‍ എതിര്‍ത്തവര്‍പോലും ഏറ്റെടുക്കുകയാണ്. ഇതില്‍ ഭഗിനിമാരുടെ പങ്ക് വളരെ വലുതാണ്. സ്ത്രീകള്‍ മറ്റുള്ളവര്‍ക്ക് വെളിച്ചം വീശാന്‍ സ്വയം ഉരുകി തീരുന്ന മെഴുക് തിരികളാകാതെ പ്രഭചൊരിയുന്ന കെടാവിളക്കായി മാറണം.
കുടുബത്തില്‍ നിന്നുമാണ് ഏത് സാമൂഹിക മാറ്റതിനും അടിത്തറയുണ്ടാകുന്നത്. മുന്‍കാലങ്ങളില്‍ പിടിപെട്ട അധാര്‍മ്മികത ഇല്ലാതാക്കി സാമൂഹിക പരിവര്‍ത്തനത്തിന് ചുക്കാന്‍ പിടിച്ചത് അമ്മമാരാണ്. അവര്‍ നിര്‍ണ്ണായക ഘട്ടങ്ങളില്‍പോലും സ്വന്തം ധര്‍മ്മവും, വിശ്വാസവും കാത്തുസൂക്ഷിച്ചു. ഇന്ന് നടക്കുന്ന അനാചാരങ്ങളോട് പ്രതികരിക്കാന്‍ സ്ത്രീശക്തി ജാഗരണം അനിവാര്യമാണ്. സ്വാതന്ത്യം ആവശ്യമാണ് എന്നാല്‍ അത് മൂല്യബോധത്തോടെയായിരിക്കണം.
വിദ്യാര്‍ത്ഥിനികള്‍ അടക്കമുള്ള സ്ത്രീകള്‍ വിളക്ക് കണ്ട് ആകൃഷ്ടരായിപോകുന്ന ഈയാംപാറ്റകളാകരുത്. മുന്‍പില്‍ ഉണ്ടാകുന്ന വിപത്ത് കണ്ട് പിന്തിരിയാന്‍ സാധിക്കണം. സ്വയവും, മറ്റുള്ളവരെയും ധാര്‍മ്മികതയിലേക്ക് നയിക്കുവാന്‍ ബാലഗോകുലങ്ങളിലെ ഭഗിനിമാര്‍ക്ക് സാധിക്കുമെന്നും ടീച്ചര്‍ പറഞ്ഞു.

പരാജയം ഭയന്ന് "ക്ഷേത്രങ്ങളിലെ സര്‍ക്കാര്‍ ഭരണവും വരുമാനവും സംബന്ധിച്ച സംവാദത്തില്‍ നിന്ന് വി.ഡി. സതീശന്‍ എംഎല്‍എ പിന്മാറി"സംഘപരിവാര്‍ സംഘടനകളിലെ ഏത് സംസ്ഥാന നേതാവുമായും സംവാദത്തിന് തയ്യാറാണെന്ന് പ്രഖ്യാപിച്ചിരുന്ന വി.ഡി. സതീശന്റെ വെല്ലുവിളി ഹിന്ദു ഐക്യവേദി ഏറ്റെടുക്കുകയും സംസ്ഥാന ജനറല്‍ സെക്രട്ടറി ആര്‍.വി. ബാബുവിനെ സംവാദത്തിന് അയക്കാമെന്ന് വ്യക്തമാക്കുകയും ചെയ്തിരുന്നു. എന്നാല്‍ ബിജെപിയുടെ സംസ്ഥാന നേതാക്കളോട് മാത്രമേ സംവാദത്തിനുള്ളുവെന്നാണ് വി.ഡി. സതീശന്റെ ഇപ്പോഴത്തെ നിലപാട്.

പരാജയം ഭയന്ന്   "ക്ഷേത്രങ്ങളിലെ സര്‍ക്കാര്‍ ഭരണവും വരുമാനവും സംബന്ധിച്ച സംവാദത്തില്‍ നിന്ന് വി.ഡി. സതീശന്‍ എംഎല്‍എ പിന്മാറി"

 
 ആര്‍.വി. ബാബു                         വി.ഡി. സതീശന്‍

ക്ഷേത്രങ്ങളിലെ സര്‍ക്കാര്‍ ഭരണവും വരുമാനവും സംബന്ധിച്ച സംവാദത്തില്‍ നിന്ന് വി.ഡി. സതീശന്‍ എംഎല്‍എ പിന്മാറി. സംഘപരിവാര്‍ സംഘടനകളിലെ ഏത് സംസ്ഥാന നേതാവുമായും സംവാദത്തിന് തയ്യാറാണെന്ന് പ്രഖ്യാപിച്ചിരുന്ന വി.ഡി. സതീശന്റെ വെല്ലുവിളി ഹിന്ദു ഐക്യവേദി ഏറ്റെടുക്കുകയും സംസ്ഥാന ജനറല്‍ സെക്രട്ടറി ആര്‍.വി. ബാബുവിനെ സംവാദത്തിന് അയക്കാമെന്ന് വ്യക്തമാക്കുകയും ചെയ്തിരുന്നു. എന്നാല്‍ ബിജെപിയുടെ സംസ്ഥാന നേതാക്കളോട് മാത്രമേ സംവാദത്തിനുള്ളുവെന്നാണ് വി.ഡി. സതീശന്റെ ഇപ്പോഴത്തെ നിലപാട്.
സംസ്ഥാന പ്രസിഡണ്ട് കുമ്മനം രാജശേഖരനോ ബിജെപിയുടെ മറ്റ് മുതിര്‍ന്ന നേതാക്കളോ സംവാദത്തില്‍ പങ്കെടുക്കണമെന്നാണ് സതീശന്റെ ആവശ്യം. ഇന്നലെ ഫോണില്‍ ബന്ധപ്പെട്ട ഹിന്ദു ഐക്യവേദി നേതാക്കളോട് സതീശന്‍ ഇക്കാര്യം വ്യക്തമാക്കി. സംഘപരിവാര്‍ സംഘടനകളിലെ ഏത് സംസ്ഥാന നേതാവിനോടും സംവാദത്തിന് തയ്യാറാണെന്നായിരുന്നു സതീശന്‍ നേരത്തെ പത്രക്കുറിപ്പില്‍ വ്യക്തമാക്കിയിരുന്നത്. ഇതിന് വിരുദ്ധമാണ് ഇപ്പോഴത്തെ നിലപാട്. സതീശനുമായി സംവാദത്തിന് ഹിന്ദു ഐക്യവേദി തയ്യാറാണെന്ന് ആര്‍.വി. ബാബു പറഞ്ഞു.
ദേവസ്വം ഭരണം സംബന്ധിച്ച് നിയമസഭയില്‍ സതീശനും ദേവസ്വം മന്ത്രിയും നടത്തിയ നാടകത്തിന് ശേഷം ഇരുവരുടെയും വാദങ്ങള്‍ പൊളിക്കുന്ന നിരവധി വിവരങ്ങള്‍ പുറത്ത് വന്നിരുന്നു. ഈ സാഹചര്യത്തിലാണ് സതീശന്റെ പിന്മാറ്റം.

2015, ഡിസംബർ 19, ശനിയാഴ്‌ച

ന്യൂനപക്ഷങ്ങള്‍ക്ക് ആനുകൂല്യം:മന്ത്രിയുടെ വാദം അടിസ്ഥാനരഹിതം-ഹിന്ദുഐക്യവേദി

............................................................................................................

കോട്ടയം: ന്യൂനപക്ഷങ്ങള്‍ക്ക് അനര്‍ഹമായി ഒരാനുകൂല്യവും നല്‍കുന്നില്ലെന്ന പിന്നോക്ക മന്ത്രി എം.പി. അനില്‍കുമാറിന്റെ നിയമസഭയിലെ മറുപടി അടിസ്ഥാനരഹിതമാണെന്ന് ഹിന്ദുഐക്യവേദി സംസ്ഥാന ജനറല്‍ സെക്രട്ടറി ഇ.എസ്. ബിജു പറഞ്ഞു. സര്‍ക്കാര്‍ ആനുകൂല്യങ്ങളെല്ലാം ഹിന്ദുക്കള്‍ക്ക് നല്‍കുന്നതായുള്ള മന്ത്രിയുടെ പ്രസ്താവനയും വസ്തുതാവിരുദ്ധമാണ്.
22 കാബിനറ്റ് മന്ത്രിമാരില്‍ 12 പേര്‍ ന്യൂനപക്ഷത്തില്‍പ്പെട്ടവരാണ്. 21 മന്ത്രിമാര്‍ക്കായി വീതിച്ചുനല്‍കിയ 117 വകുപ്പുകളില്‍ ഭൂരിപക്ഷം വകുപ്പുകളും ന്യൂനപക്ഷ മന്ത്രിമാരുടെ കൈവശമാണ്. അഞ്ചാം മന്ത്രി വിവാദം ഉയര്‍ത്തി വകുപ്പുകള്‍ പുനര്‍നിര്‍ണയിച്ചപ്പോഴും ഒരു വകുപ്പ് ആര്യാടന് കൂടുതല്‍ ലഭിച്ചു. രണ്ട് രാജ്യസഭാ എംപി സ്ഥാനവും ന്യൂനപക്ഷ നേതാക്കള്‍ക്കാണ് ലഭിച്ചത്. ഗവ. പ്ലീഡര്‍മാരെ നിയമിച്ചതില്‍ ന്യൂനപക്ഷ സമൂഹത്തിന് 80 ശതമാനം സ്ഥാനവും ഹൈക്കോടതി, ജില്ലാകോടതി, പ്രാദേശിക കോടതി എന്നിവിടങ്ങളില്‍ ലഭിച്ചു. ബോര്‍ഡ്, കോര്‍പ്പറേഷന്‍ സ്ഥാനങ്ങള്‍ വീതംവച്ചപ്പോഴും 80 ശതമാനം സ്ഥാനങ്ങളും ന്യൂനപക്ഷത്തിനാണ് നല്‍കിയത്.
ജില്ലാ ആസൂത്രണസമിതികളില്‍ 14ല്‍ 13നും ന്യൂനപക്ഷ സമൂഹത്തിലുള്ളവരാണ് അദ്ധ്യക്ഷന്മാര്‍. അഞ്ച് യൂണിവേഴ്‌സിറ്റി സിന്‍ഡിക്കേറ്റുകളില്‍ 25 ശതമാനം അംഗങ്ങള്‍ പോലും ഹിന്ദുക്കള്‍ക്കില്ല. വിദ്യാഭ്യാസ വകുപ്പിന്റെ കീഴിലുള്ള എല്ലാ ഡിപ്പാര്‍ട്ടുമെന്റുകളുടേയും തലവന്മാര്‍ ന്യൂനപക്ഷത്തില്‍നിന്നാണ്. സ്‌കൂളുകള്‍ക്കും കോളേജുകള്‍ക്കും ന്യൂനപക്ഷ പദവി നല്‍കുന്നത് മാനേജ്‌മെന്റിന്റെ മതംനോക്കിയാണ്. സംസ്ഥാന സര്‍ക്കാര്‍ അണ്‍ എയ്ഡഡ് ഉള്‍പ്പെടെയുള്ള ന്യൂനപക്ഷ വിദ്യാലയങ്ങള്‍ക്ക് ഓരോന്നിനും 50 ലക്ഷം രൂപ നല്‍കി.
മലപ്പുറം ജില്ലയില്‍ മുപ്പത് ന്യൂനപക്ഷവിദ്യാലയങ്ങള്‍ക്ക് ഫണ്ട് ലഭിച്ചു. വിദ്യാഭ്യാസ സ്ഥാപനങ്ങളില്‍ സ്‌കൂള്‍ 94.5 ശതമാനം ആര്‍ട്‌സ് ആന്റ് സയന്‍സ് കോളേജ് 84.15 ശതമാനം, ടീച്ചേഴ്‌സ് 62 ശതമാനം പ്രൊഫസര്‍മാര്‍ 76 ശതമാനം, സ്വാശ്രയകോളേജ് 74.35 ശതമാനം ന്യൂനപക്ഷങ്ങളുടെ കൈകളിലാണ് ഇതെല്ലാം കേരളസര്‍ക്കാര്‍ ന്യൂനപക്ഷത്തിന് നല്‍കിയ ആനുകൂല്യങ്ങളല്ലേ എന്ന് മന്ത്രി വ്യക്തമാക്കണം.
കേരളത്തിലെ റവന്യൂ ഭൂമികളില്‍ 8216 ഏക്കര്‍ ഭൂമി ന്യൂനപക്ഷത്തിനു പതിച്ചുനല്‍കിയപ്പോള്‍ നായര്‍, ഈഴവ സമൂഹത്തിനും ക്ഷേത്രങ്ങള്‍ക്കും പതിച്ചുനല്‍കിയത് 141 ഏക്കര്‍ ഭൂമിയാണ്. ആനുകൂല്യങ്ങളില്‍ ന്യൂനപക്ഷ വിദ്യാര്‍ത്ഥികള്‍ക്ക് 1000 രൂപ നല്‍കുമ്പോള്‍ എസ് സി/എസ്ടി സമൂഹത്തിന് ലംപ്‌സം ഗ്രാന്റ് 250 രൂപയാണ്. പ്രത്യേക വിദ്യാഭ്യാസ സഹായനിധി 500 രൂപ നല്‍കുമ്പോള്‍ ഹിന്ദുക്കള്‍ക്ക് ലഭ്യമല്ല. വിദ്യാഭ്യാസ വായ്പ ന്യൂനപക്ഷത്തിന് 3 ശതമാനം പലിശയും ഹിന്ദുവിന് 12.5 ശതമാനം പലിശയുമാണ്. മദ്രസ നവീകരണത്തിന് 20 ലക്ഷം രൂപ നല്‍കുന്നു.
മദ്രസകളെ സിബിഎസ്ഇ സ്‌കൂളിന് തുല്യമാക്കിയതും ഈ സര്‍ക്കാരാണ്. ന്യൂനപക്ഷ വിധവകള്‍ക്ക് വീടുവയ്ക്കാന്‍ 2.5 ലക്ഷം രൂപ നല്‍കുമ്പോള്‍ ഹിന്ദുവിധവകള്‍ക്ക് ഇത് നിക്ഷേധിച്ചതിലൂടെ കടുത്ത മതവിവേചനമാണ് സര്‍ക്കാര്‍ കാട്ടിയത്. ന്യൂനപക്ഷ കൂട്ടായ്മയകള്‍ക്ക് 25 ലക്ഷം രൂപ 3 ശതമാനം പലിശയ്ക്ക് നല്‍കിയപ്പോള്‍ ഹിന്ദുക്കൂട്ടായ്മകള്‍ക്ക് ഇത് നിഷേധിച്ചു.  ഇ.എസ്ബിജു പറഞ്ഞു

2015, ഡിസംബർ 4, വെള്ളിയാഴ്‌ച

ചീഫ് സെക്രട്ടറിയെ എത്രയും വേഗം പുറത്താക്കി മുഖ്യമന്ത്രി മാതൃക കാട്ടിയില്ലെങ്കില്‍ ഹിന്ദു സമൂഹം പ്രതികരിക്കുമെന്ന് ഹിന്ദു ഐക്യവേദി സംസ്ഥാന പ്രസിഡന്റ് ശശികല ടീച്ചര്‍

കേരളത്തെ ക്രൈസ്തവവല്‍ക്കരിക്കാന്‍ ആഹ്വാനം ചെയ്ത ചീഫ് സെക്രടറി ജിജി തോംസനെ പുറത്താക്കണമെന്നാവശ്യപ്പെട്ടു ഹിന്ദു ഐക്യവേദിയുടെ നേതൃത്വത്തില്‍ നിയമസഭയിലേക്ക്
നടത്തിയ മാര്‍ച്ച് സംസ്ഥാന അധ്യക്ഷ കെ പി ശശികല ടീച്ചര്‍ ഉദ്ഘാടനം ചെയ്തു 


തിരുവനന്തപുരം: ചീഫ് സെക്രട്ടറിയെ എത്രയും വേഗം പുറത്താക്കി മുഖ്യമന്ത്രി മാതൃക കാട്ടിയില്ലെങ്കില്‍ ഹിന്ദു സമൂഹം പ്രതികരിക്കുമെന്ന് ഹിന്ദു ഐക്യവേദി സംസ്ഥാന പ്രസിഡന്റ് ശശികല ടീച്ചര്‍
മിഷണറിമാര്‍ പോലും തുറന്ന് പറയാന്‍ മടിക്കുന്ന കാര്യങ്ങളാണ് ഉത്തരവാദപ്പെട്ട ചുമതലയില്‍ ഇരുന്ന് ചീഫ് സെക്രട്ടറി ജിജി തോംസണ്‍ പറയുന്നത്.
ചീഫ് സെക്രട്ടറിയുടെ മനസ്സില്‍ ഇത്തരം ചിന്തയാണെങ്കില്‍ ഫയലുകള്‍ നോക്കുമ്പോഴും ഇത് പ്രതിഫലിക്കുമെന്ന് അവര്‍ പറഞ്ഞു. ഹിന്ദുഐക്യവേദിയുടെ നിയമസഭാ മാര്‍ച്ച് ഉദ്ഘാടനം ചെയ്യുകയായിരുന്നു അവര്‍.
മെത്രാന്‍ ചീഫ് സെക്രട്ടറിയായിരിക്കുന്ന ഭാരതത്തിലെ ആദ്യത്തെ സംസ്ഥാനം കേരളമായിരിക്കും. സഭയുടെ നോമിനിയായി അധികാരത്തിലേറിയ ജിജി തോംസണ്‍ മതംമാറ്റത്തിന് ഒത്താശചെയ്യുന്നതില്‍ അത്ഭുതമില്ല. ജിജി തോംസണെ പുറത്താക്കി മുഖ്യമന്ത്രി ചുമതല നിര്‍വ്വഹിക്കണമെന്നും ശശികല ടീച്ചര്‍ ആവശ്യപ്പെട്ടു. അക്ബര്‍ ചക്രവര്‍ത്തിയേ പോലെ മുഖ്യമന്ത്രി ഉമ്മന്‍ ചാണ്ടിയും മതേതര വാദിയെന്നാണ് അവകാശപ്പെടുന്നത്. അക്ബര്‍ ചക്രവര്‍ത്തി അന്തപുരത്തില്‍ ജാതി മത വ്യത്യസമില്ലാതെ സ്ത്രീകളെ താമസിപ്പിച്ചിരുന്നു.
ഉമ്മന്‍ചാണ്ടിയും ഇതെ മാതൃകയില്‍ ജാതിയും മതവും പ്രദേശവും നോക്കാതെ സരിതമാരെ ഒപ്പം താമസ്സിപ്പിക്കുകയാണ്. മാലിന്യം ഭക്ഷിക്കുന്ന, ഉച്ചകഞ്ഞിയുടെ മിച്ചം ശേഖരിച്ച് കുടുംബം പുലര്‍ത്തുന്നവര്‍ എന്നിങ്ങനെ ദിനം പ്രതി ആദിവാസികളുടെ പ്രശ്‌നങ്ങള്‍ മാധ്യമങ്ങളില്‍ ചര്‍ച്ചയാകുകയാണ്. വെറും മൂന്ന് സെന്റ് ഭൂമി അനുവദിക്കണമെന്ന് ആവശ്യപ്പെട്ടാണ് ആദിവാസികള്‍ നില്‍പ്പ്‌സമരം നടത്തിയത്. എന്നാല്‍ മുഖ്യമന്ത്രി ഇവര്‍ക്ക് ചാക്ക് വാക്ദാനങ്ങള്‍ മാത്രമാണ് നല്‍കിയത്.
അതേസമയം മാനന്തവാടിയിലെ സെന്റ് ജോര്‍ജ് ഫെറാനോയിലെ ബിഷപ്പ് ചോദിച്ച് അഞ്ചാം ദിവസം 13.67 ഏക്കര്‍ ഭൂമിയാണ് മുഖ്യമന്ത്രിയും ചീഫ് സെക്രട്ടറിയും കൂടി പതിച്ച് നല്‍കിയത്. ഭൂപരിഷ്‌കരണം നടന്ന കേരളത്തില്‍ 50 ഏക്കറിനു മുകളില്‍ ഭൂമിയുള്ള 814 എസ്റ്റേറ്റ് ഉടമകള്‍ ഉണ്ട്. വെള്ളാപ്പള്ളിയെ അറസ്റ്റ് ചെയ്താല്‍ കേരളത്തിലെ ഹിന്ദു സമൂഹത്തിന്റെ ശക്തി ഭരണവര്‍ഗം തിരിച്ചറിയുമെന്നും ടീച്ചര്‍ പറഞ്ഞു.
ഹിന്ദുഐക്യവേദി നേതാക്കളായ സി. ബാബു, പുഞ്ചക്കരി സുരേന്ദ്രന്‍, അരവിന്ദാക്ഷന്‍ നായര്‍, കെ. പ്രഭാകരന്‍, കിളിമാനൂര്‍ സുരേഷ്, ജോതീന്ദ്രകുമാര്‍, എന്‍.കെ. രത്‌നകുമാര്‍, സന്ദീപ്‌ തമ്പാനൂര്‍, Dr.വിജയകുമാര്‍, അനില്‍ മേലാറന്നൂര്‍, വഴയില ഉണ്ണി ആര്‍എസ്എസ് വിഭാഗ്കാര്യവാഹ് സന്തോഷ്, വിഭാഗ് സദസ്യരായ പി. സുധാകരന്‍, കൃഷ്ണകുമാര്‍, ബിജെപി സംസ്ഥാന വൈസ്പ്രസിഡന്റ് ഡോ. പി.പി. വാവ, വക്താവ് വി.വി. രാജേഷ്, യുവമോര്‍ച്ച സംസ്ഥാന പ്രസിഡന്റ് അഡ്വ. പി. സുധീര്‍, ജില്ല പ്രസിഡന്റ് അഡ്വ. എസ്. സുരേഷ്, കേരളക്ഷേത്രസംരക്ഷണ സമിതി ജില്ല പ്രസിഡന്റ് സുരേന്ദ്ര കുറുപ്പ്, ജില്ല സെക്രട്ടറി ഷാജു, എന്‍.കെ. വിനോദ്, യു.എന്‍. ഹരിദാസ്, എന്‍.കെ. പ്രദീപ് തുടങ്ങിയവര്‍ സംസാരിച്ചു.


2015, ഡിസംബർ 3, വ്യാഴാഴ്‌ച

കേരളത്തെ ക്രൈസ്തവവല്‍ക്കരിക്കാന്‍ ആഹ്വാനം ചെയ്ത ചീഫ് സെക്രട്ടറി ജിജി തോംസനെ സര്‍വീസില്‍ നിന്നും പുറത്താക്കണമെന്ന് ആവിശ്യപ്പെട്ടു കൊണ്ട് ഹിന്ദു ഐക്യവേദി നടത്തിയ പടുകൂറ്റന്‍ നിയമസഭാ മാര്‍ച്ച്.

.
ഹിന്ദു ഐക്യവേദിയുടെ ആരാധ്യയായ സംസ്ഥാന അദ്ധ്യക്ഷ ശ്രീമതി.കെ.പി.ശശികല ടീച്ചര്‍ മാര്‍ച്ച്‌ ഉദ്ഘാടനം ചെയ്തു.







2015, ഒക്‌ടോബർ 19, തിങ്കളാഴ്‌ച

ഹിന്ദുത്വതാല്പര്യങ്ങള്‍ സംരക്ഷിക്കുന്നവര്‍ക്ക് വോട്ടുനല്‍കണം - ഹിന്ദുഐക്യവേദി
.........................................................................


ഏറ്റുമാനുര്‍ : ആസന്നമായ ത്രിതല പഞ്ചായത്ത് തദ്ദേശസ്വയംഭരണ സ്ഥാപനങ്ങളിലേക്കുളള തെരഞ്ഞെടുപ്പുകള്‍  ഹിന്ദുതാല്പര്യങ്ങള്‍ സംരക്ഷിക്കുവാന്‍ തയ്യാറാവുന്നവര്‍ക്ക് വോട്ടുചെയ്യണമെന്നും ഹിന്ദുവിരുദ്ധ നടപടികളെ പിന്‍പറ്റുന്നവര്‍ക്ക് ഉചിതമായ താക്കീതും നല്‍കുന്ന സമീപനമാണ് അനിവാര്യമെന്നും ഹിന്ദുഐക്യവേദി സംസ്ഥാന സമിതി. ഏറ്റുമാനൂര്‍ മഹാക്ഷേത്രത്തിന് സമീപം മഹാദേവ സംരക്ഷണസമിതി കാര്യാലയത്തില്‍ നടന്ന സംസ്ഥാന സമിതി യോഗത്തിന്റേതാണ് ഈ ആഹ്വാനം. അധസ്ഥിത പിന്നോക്ക ദരിദ്രജനതയുടെ പൗരാവകാശങ്ങളും സാമൂഹ്യനീതിയും പാടെ നിരാകരിച്ചുകൊണ്ട് മതമൗലികവാദികള്‍ക്കും മാഫിയാകള്‍ക്കും വേണ്ടി നിലകൊള്ളുന്ന സംവിധാനമാണ് ഇന്ന് കേരളീയ രാഷ്ട്രീയ രംഗം അടക്കിഭരിച്ചുകൊണ്ടിരിക്കുന്നത്. കയ്യേറ്റഭൂമിക്ക് പട്ടയം നല്‍കിയും തീവ്രവാദികളെ പ്രീണിപ്പിച്ചും സ്വജനപക്ഷപാതം നടത്തിയും ഉമ്മന്‍ചാണ്ടി സര്‍ക്കാര്‍ മുന്നോട്ട് പോകുമ്പോള്‍ പ്രതിപക്ഷ കക്ഷികള്‍ ന്യൂനപക്ഷപ്രീണനത്തിനായി അതിരൂക്ഷമായി ഹിന്ദുത്വാവഹേളനങ്ങള്‍ നടത്തുകയാണ്. ഹിന്ദുജനതയുടെ അസംഘടിത സാഹചര്യം മാറിവരുന്നതില്‍ അങ്കലാപ്പിലാകുന്ന കപടമതേതരത്വം     ഇപ്പോള്‍ നുണപ്രചരണങ്ങളുടെ പിന്നാലെയാണ്. ഹിന്ദുക്ഷേത്രങ്ങള്‍ കൈയടക്കിവച്ചിരിക്കുന്ന മതേതരസര്‍ക്കാര്‍ ഹിന്ദുവിന്റെ പൗരാവകാശങ്ങള്‍ ലംഘിക്കുകയാണ്. വീണ്ടും ഒരു ശബരിമല തീര്‍ത്ഥാടനകാലംകൂടി സമാഗതമായിരിക്കെ ദേവസ്വം ബോര്‍ഡും കേരളസര്‍ക്കാരിന്റെ വിവിധ വകുപ്പുകളും ഇതിനെ ചൂഷണത്തിനുള്ള സാഹചര്യമായി കാണുകയാണ്. ഇത്തരം ചൂഷണങ്ങള്‍ അവസാനിപ്പിക്കേണ്ടതുണ്ട്. ശബരിമല കേന്ദ്രീകരിച്ചുള്ള ഗതാഗത-ആരോഗ്യമേഖലകളിലെ സൗകര്യവര്‍ദ്ധനവിലെ ബോധപൂര്‍വ്വമായ വീഴ്ചകള്‍ അവസാനിപ്പിക്കണം. കെ.എസ്.ആര്‍,ടി,സി. ബോധപൂര്‍വ്വം നടത്തുന്ന അയ്യപ്പവിരുദ്ധ ഉത്തരവുകള്‍ പിന്‍വലിക്കണം. ഇതരസംസ്ഥാനങ്ങളില്‍നിന്നും വരുന്ന അയ്യപ്പന്മാരില്‍നിന്നും സംസ്ഥാന അതിര്‍ത്തി കടക്കുന്നതിന് തുക ഈടാക്കുന്ന രീതി അവസാനിപ്പിച്ച് യാത്ര സൗജന്യമാക്കണം. ഹജ്ജ് തീര്‍ത്ഥാടകര്‍ക്ക് സബ്‌സിഡിയും എയര്‍പോര്‍ട്ടിലേക്ക് സൗജന്യയാത്രയും ചട്ടംകെട്ടുന്ന സര്‍ക്കാരിന് ഹിന്ദുവിനോടുമാത്രം വിവേചനപരമായ നയമാണ്. അയ്യപ്പന്മാരുടെ വിരിവെക്കാനുള്ള സൗകര്യങ്ങള്‍ ഉറപ്പുവരുത്തേണ്ടതാണ്. നാലുവര്‍ഷമായിട്ടും പ്രവര്‍ത്തനസജ്ജമാകാത്ത സ്വീവേജ് പ്ലാന്റ് പ്രവര്‍ത്തനസജ്ജമാക്കണം. കുന്നാര്‍ ഡാം ഉയരംകൂട്ടി അയ്യപ്പന്മാര്‍ക്ക് ശുദ്ധജല ലഭ്യത ഉറപ്പുവരുത്തണം. പമ്പയിലേക്ക് മാലിന്യം തള്ളുന്ന എല്ലാ സങ്കേതങ്ങളും അടച്ചു പൂട്ടണം. ശബരിമലയിലേക്കുള്ള പാതകള്‍ അടിയന്തിരമായി ഗതാഗതയോഗ്യമാക്കണം. പോലീസ് സംവിധാനത്തിന്റെ ഭാഗത്തുനിന്നും മാന്യമായ പെരുമാറ്റം ഉറപ്പുവരുത്തണം. മുഴുവന്‍ അയ്യപ്പന്മാര്‍ക്കും സൗജന്യമായി ആഹാരം ലഭിക്കുന്നതിനുളള സന്നദ്ധസംഘടനകളുടെ ശ്രമങ്ങളെ തടയുവാനായി ദേവസ്വം ബോര്‍ഡ് നടത്തുന്ന നീക്കം അവസാനിപ്പിക്കുക.   ശബരിമല അഴിമതികള്‍ കേന്ദ്രഏജന്‍സി  അന്വേഷിക്കുക. എരുമേലി മുസ്ലീംപള്ളി മാലിന്യം പമ്പയിലേക്ക് തള്ളുന്നത് അവസാനിപ്പിക്കണം. എരുമേലി പേട്ട തുള്ളുന്ന പാത സുരക്ഷിതമാക്കണം. പുല്‌മേട് ദുരന്തഅന്വേഷണകമ്മിഷന്‍ റിപ്പോര്‍ട്ട് പരസ്യപ്പെടുത്തണം. എന്നീ ആവശ്യങ്ങളും പ്രമേയ രൂപേണ യോഗത്തില്‍ ഉന്നയിക്കപ്പെട്ടു.
വിഴിഞ്ഞം തുറമുഖ പദ്ധതിയുടെ നഷ്ടപരിഹാര പാക്കേജില്‍ കാട്ടുന്ന വര്‍ഗ്ഗീയ വിവേചനം അവസാനിപ്പിക്കണം. ഭൂമിയും തൊഴിലും നഷ്ടപ്പെടുന്ന എല്ലാവര്‍ക്കും മതപരിഗണന കൂടാതെ തുല്യമായി നഷ്ടപരിഹാരം ഉറപ്പ് വരുത്തണം. പട്ടിക വിഭാഗങ്ങള്‍ക്ക് 10% സംവരണം നടപ്പിലാക്കണം എന്നീ ആവശ്യങ്ങളും പ്രമേയങ്ങളില്‍ ഉന്നയിക്കപ്പെട്ടു. പട്ടികജാതിക്കാരെ അവഹേളിക്കുന്ന രീതിയിലുള്ള ഉപലോകായുക്തയുടെ പരാമര്‍ശങ്ങളെ യോഗം ശക്തിയായി അപലപിച്ചു.
രാവിലെ 10 മണിക്ക് സമാരംഭിച്ച സംസ്ഥാന സമിതി യോഗത്തില്‍ ഹിന്ദുഐക്യവേദി സംസ്ഥാന അദ്ധ്യക്ഷ ശ്രീമതി ശശികല ടീച്ചര്‍ അദ്ധ്യക്ഷത വഹിച്ചു. വര്‍ക്കിംഗ് പ്രസിഡന്റ് ശ്രീ കെ.ടി. ഭാസ്‌കരന്‍ ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി കെ.പി. ഹരിദാസ് സ്വാഗതം പറഞ്ഞു. സംസ്ഥാന ജനറല്‍ സെക്രട്ടറിമാരായ കുമ്മനം രാജശേഖരന്‍. ഇ.എസ്. ബിജു, ആര്‍. വി ബാബു, ബ്രഹ്മചാരി ഭാര്‍ഗ്ഗവറാം. സംഘടനാ സെക്രട്ടറി സി. ബാബു, സഹസംഘടനാ സെക്രട്ടറി വി. സുശികുമാര്‍ എന്നിവര്‍ മാര്‍ഗ്ഗദര്‍ശനം നല്‍കി. സംസ്ഥാന നേതാക്കളായ പി.വി. മുരളീധരന്‍, പി. സുധാകരന്‍. തഴവ സഹദേവന്‍, എം.എന്‍. ജയചന്ദ്രന്‍ തുടങ്ങിയവര്‍ സംസാരിച്ചു. സംസ്ഥാന ജനറല്‍ സെക്രട്ടറി വി.ആര്‍. സത്യവാന്‍ കൃതജ്ഞത പ്രകാശിപ്പിച്ചു.

ഓഫീസ് സെക്രട്ടറി
9744046458

2015, ഒക്‌ടോബർ 15, വ്യാഴാഴ്‌ച

വിഴിഞ്ഞം പാക്കേജിലെ മത വിവേചനത്തിനെതിരെ 
ശക്തമായ പ്രക്ഷോഭം സംഘടിപ്പിക്കും 
                                                    -- കുമ്മനം രാജശേഖരന്‍ 





വിഴിഞ്ഞം പാക്കേജിലെ മത വിവേചനത്തിനെതിരെ ശക്തമായ പ്രക്ഷോഭം സംഘടിപ്പിക്കുമെന്ന് ഹിന്ദു ഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരന്‍. ഹിന്ദു ഐക്യവേദിയുടെ നേതൃത്വത്തില്‍ ഹൈന്ദവ സംഘടനാ നേതാക്കളോടൊപ്പം പദ്ധതി പ്രദേശം സന്ദര്‍ശിച്ച ശേഷം പ്രതികരിക്കുകയായിരുന്നു അദ്ദേഹം. വിഴിഞ്ഞം പുനരധിവാസ പാക്കേജില്‍ ഹിന്ദു സമൂഹത്തോട് സര്‍ക്കാര്‍ കടുത്ത അവഗണനയാണ് കാട്ടിയിരിക്കുന്നത്. സംഘടിത മതസമൂഹങ്ങള്‍ക്ക് അനര്‍ഹമായ ആനുകൂല്യം വാരിക്കോരി നല്‍കുമ്പോള്‍  ഹിന്ദു സമൂഹത്തോട് നീതികേടും പക്ഷപാതപരവുമായ സമീപനമാണ് സംസ്ഥാന സര്‍ക്കാര്‍ സ്വീകരിച്ചിരിക്കുന്നതെന്ന് കുമ്മനം ആരോപിച്ചു. പ്രദേശ വാസികളായ ഹിന്ദുമത വിഭാഗക്കാരെ പാക്കേജിലും അവഗണിച്ചു. ലത്തീന്‍ കത്തോലിക്ക സഭയ്ക്കും ജമാഅത് നേതൃത്വത്തിനും വിഴിഞ്ഞം പാക്കേജിന്റെ പേരില്‍ സര്‍ക്കാര്‍ കോടികള്‍ വാരിക്കോരി കൊടുത്തു. ന്യൂനപക്ഷ പ്രീണനത്തിന് വസ്തുവിന് നഷ്ടപരിഹാരം കൊടുക്കുന്നത് ഇരട്ടി തുക. സെന്റിന് മൂന്നര ലക്ഷം ഹിന്ദുക്കള്‍ക്ക് നല്‍കുമ്പോള്‍ മുസ്ലീം ക്രൈസ്തവ വിഭാഗത്തിന് നല്‍കിയതു എഴര ലക്ഷവും അതില്‍ കൂടുതലും. ക്രൈസ്തവരും മുസ്ലീം മതമേലധ്യക്ഷന്‍മാരും തീരുമാനിച്ച പാക്കേജാണ് സര്‍ക്കാര്‍ നടപ്പാക്കുന്നതെന്ന് കുമ്മനം കുറ്റുപ്പെടുത്തി. പാക്കേജ് പ്രഖ്യാപിക്കുന്നതിന് മുമ്പ് നടത്തിയ ചര്‍ച്ചകളിലൊന്നും ഹൈന്ദവരുടെ പ്രതിനിധികളെ ഉള്‍പ്പെടുത്തിയില്ല. തങ്ങളുടെ പ്രശ്‌നങ്ങള്‍ നിവേദനമായി നല്‍കാനെത്തിയവരെ മുഖ്യമന്ത്രിയും മന്ത്രി കെ. ബാബുവും കളക്ടറും അവഹേളിച്ച് ഇറക്കി വിട്ടു. വിഴിഞ്ഞം പദ്ധതിയുടെ പേരില്‍ തൊഴില്‍ നഷ്ടപ്പെട്ട എല്ലാവരെയും ഒരേ മനസോടെ പുനരധിവസിപ്പിക്കണം. ക്രൈസ്തവരും, മുസ്ലിം വിഭാഗവും കൂടുതലുള്ള പ്രദേശങ്ങള്‍ക്ക് കോടികള്‍ അനുവദിച്ചപ്പോള്‍ മീന്‍ പിടിക്കുന്ന, കക്കവാരി ഉപജീവനം നയിക്കുന്ന ഹൈന്ദവര്‍  താമസിക്കുന്ന പ്രദേശങ്ങളെ അവഗണിച്ചു. വിഴിഞ്ഞം പദ്ധതി പ്രദേശത്തെ ഏഴോളം ക്ഷേത്രങ്ങളുടെ സംരക്ഷണത്തിലും സര്‍ക്കാര്‍ കണ്ണടച്ചു. വിഴിഞ്ഞം തുറമുഖത്തിന് തൊട്ടടുത്ത് സര്‍ക്കാര്‍ പുറമ്പോക്കില്‍ ഉള്ള ഖബര്‍സ്ഥാന് മേല്‍പ്പാലം നിര്‍മിക്കാന്‍ ഏഴര കോടിയാണ് പാക്കേജില്‍ മാറ്റി വച്ചത്. എന്നാല്‍ എഴ് ക്ഷേത്രങ്ങളുടെ സംരക്ഷണത്തിന് ഒരു നാണയത്തുട്ട് പോലും സര്‍ക്കാര്‍ മാറ്റിവച്ചിട്ടില്ലെന്നും കുമ്മനം ആരോപിച്ചു. വിഴിഞ്ഞത്തെ മത്സ്യത്തൊഴിലാളികള്‍, പിന്നാക്കക്കാര്‍, ഹോട്ടലിലെ ജീവനക്കാര്‍, ഡ്രൈവര്‍മാര്‍ എന്നിവര്‍ പട്ടിണിയിലായിരിക്കുകയാണ്. ടൂറിസം പ്രധാന വരുമാന മാര്‍ഗ്ഗമാക്കിയ സര്‍ക്കാര്‍ ഈ മേഖലയിലെ തൊഴില്‍ നഷ്ടപ്പെട്ടവരുടെ പുനരധിവാസത്തിന് നയാപൈസ നീക്കി വച്ചിട്ടില്ല.   സൂസപാക്യവും ഇമാമുമാരും പറയുന്നത് മാത്രം കേട്ടാണ് സര്‍ക്കാര്‍ പ്രവര്‍ത്തിക്കുന്നത്. വിഴിഞ്ഞം പദ്ധതിയില്‍ സര്‍ക്കാര്‍ കാട്ടുന്ന നീതി നിഷേധത്തിനെതിരെ ബഹുജന മുന്നേറ്റം ഉണ്ടാകും.  മുഖ്യമന്ത്രി അടിയന്തരമായി ഇടപെടണം. പരിഹാരം കാണാന്‍ സര്‍ക്കാന്‍ തയ്യാറായില്ലെങ്കില്‍ ഹിന്ദു ഐക്യവേദിയുടെ നേതൃത്വത്തില്‍ പ്രതിഷേധം സംഘടിപ്പിക്കുമെന്നും കുമ്മനം മുന്നറിയിപ്പു നല്‍കി. 

2015, ഒക്‌ടോബർ 13, ചൊവ്വാഴ്ച

നവരാത്രി വിശേഷം

വി.പി. ഭാനുമതിയമ്മ


 

കന്നിമാസത്തിലെ അമാവാസിയെ ‘മഹാലയ അമാവാസി’ എന്നു പറയുന്നു. പൗര്‍ണമികഴിഞ്ഞ് അമാവാസിവരെയുള്ള 15 ദിവസങ്ങള്‍ പിതൃക്കള്‍ ഭൂമിയിലിറങ്ങുന്ന ദിവസങ്ങളാണത്രെ! ആ കാലങ്ങളില്‍ പിതൃതര്‍പ്പണം ചെയ്യുന്നത് വളരെ വിശേഷമാണെന്ന് പറയുന്നു. അമാവാസി കഴിഞ്ഞ് പ്രഥമ മുതല്‍ നവമി വരെയുള്ള ദിവസങ്ങളെയാണ് ‘നവരാത്രി’എന്നു പറയുന്നത്. നവരാത്രി ആഘോഷങ്ങള്‍ക്കായി , മച്ചിന്‍ മുകളിലെ പഴയ വലിയ മരപ്പെട്ടികളില്‍ ഉറങ്ങിക്കിടക്കുന്ന “”ബൊമ്മക്കൊലുകള്‍” വീണ്ടും പുറത്തെടുക്കാറായി. എന്തൊക്കെ മാറിയിട്ടും വര്‍ഷങ്ങളായിട്ടുള്ള ആ ശീലം ഇന്നും മാറുന്നില്ല. പലതും നഷ്ടപ്പെട്ടിട്ടും ഇന്നും കൈയ്യിലുള്ളത് ഈ മരപ്പെട്ടിയും കൊലുവും മാത്രമാണ്. നവരാത്രി കാലമായാല്‍ കൂട്ടം കൂട്ടമായി ഓരോ വീടും സന്ദര്‍ശിച്ച് “ബൊമ്മക്കൊല്ലു” കാണല്‍ പതിവായിരുന്നു. വരുന്ന വരെയെല്ലാം ദേവീയാണെന്നു സങ്കല്‍പിച്ച്, പൂജിച്ച് അവര്‍ക്ക് നാളികേരം, വസ്ത്രം, പൂവ് , കുങ്കുമം എന്നിവ നല്‍കി ദേവീ പ്രീതി നേടുമായിരുന്നു. നവരാത്രി സന്ധ്യകള്‍ എന്നും സംഗീത സാന്ദ്രമായിരുന്നു. നവരാത്രിയ്ക്ക് കീര്‍ത്തനങ്ങള്‍ പാടാനായിരുന്നു അന്ന് പാട്ട് പഠിപ്പിച്ചിരുന്നത്. ഇന്നും സംഗീതം പഠിക്കുന്നുണ്ട്, പഠിപ്പിക്കുന്നുമുണ്ട്, പക്ഷെ അത് മത്സരങ്ങള്‍ക്കാണെന്നു മാത്രം! നിത്യവും ‘ദേവീമാഹാത്മ്യ’ പാരായണവും ലളിതാസഹസ്രനാമം രണ്ടുനേരം ജപിയ്ക്കുകയും ചെയ്യും. കൂടാതെ ദേവീപ്രീതിയ്ക്കായി ശ്രീ വ്യാസമഹര്‍ഷിയാല്‍ എഴുതപ്പെട്ട “ദേവീ ഭാഗവതം” 9 ദിവസം കൊണ്ട് പാരായണം ചെയ്ത് സമര്‍പ്പിക്കുകയും ചെയ്യും. പണ്ട് സത്രാജിത്തിന്റെ അനിയനെ (പ്രസേനനെ) കൃഷ്ണന്‍ കൊന്നു എന്ന അപവാദം കേട്ട് ഭഗവാന്‍ ശ്രീകൃഷ്ണന്‍ ആ പ്രസേനനെ അന്വേഷിച്ച് ദ്വാരകയില്‍ നിന്നും പോയി. എന്നാല്‍ ദിവസങ്ങള്‍ കഴിഞ്ഞിട്ടും പുത്രന്‍ തിരിച്ചു വരാത്തതില്‍ ദു:ഖിതരായ ദേവകീ വാസുദേവര്‍ ശ്രീനാരദമഹര്‍ഷിയോട് മകന്‍ തിരിച്ചുവരാത്തതിലുള്ള ദു:ഖം പറഞ്ഞ്, ഇനിയെന്തു ചെയ്യണമെന്ന് അന്വേഷിച്ചു. അതുകേട്ട ശ്രീനാരദര്‍ “ദേവീ മാഹാത്മ്യത്താല്‍ ദേവിയെ ഭജിയ്ക്കു വാസുദേവരേ”, എന്നു പറഞ്ഞു. അതിന് വാസുദേവന്‍ ശരിയാണ്, കംസന്റെ കാരാഗൃഹത്തില്‍ കിടക്കുമ്പോള്‍ അന്ന് ഗര്‍ഗ്ഗ മഹര്‍ഷിയും വന്ന് ഞങ്ങളോട് പറയുകയുണ്ടായി- “ദുര്‍ഗാദേവീയെ ശരണം പ്രാപിയ്ക്കൂ” എന്ന്. എന്നാല്‍ കംസന്റെ കാരാഗൃഹത്തില്‍ കിടക്കുന്ന ഞങ്ങള്‍ക്ക് വിധിയാം വണ്ണം പൂജ ചെയ്യാന്‍ സാധിക്കാത്തതിനാല്‍ ഗര്‍ഗ്ഗ മഹര്‍ഷി തന്നെ ഞങ്ങള്‍ക്കുവേണ്ടി വിന്ധ്യാപര്‍വ്വതത്തില്‍ പോയി പൂജ ചെയ്തു തരണേ എന്ന് ഞങ്ങള്‍ അഭ്യര്‍ത്ഥിച്ചു. അതുപ്രകാരം, ശ്രീനാരാദമഹര്‍ഷി വിധിയാംവണ്ണം മാര്‍ക്കണ്ഡേയപുരാണത്തിലെ “ദേവീ മാഹാത്മ്യം” വായിച്ച് , നവാക്ഷരി മന്ത്രം ജപിച്ച് ദേവീ പൂജകള്‍ ചെയ്തു. പൂജയുടെ അവസാനം ശ്രീകൃഷ്ണന്‍ ജാംബവതിയോടും “സ്യമന്തകം മണി യോടുകൂടി ദ്വാരകയില്‍ തിരിച്ചു വന്നു എന്ന് “സ്‌കന്ദപുരാണം” നമുക്ക് പറഞ്ഞു തരുന്നു. ദു:ഖങ്ങള്‍ തീരാന്‍ ദുര്‍ഗാ പൂജയാണ് ഏറ്റവും ഉത്തമമെന്ന് പുരാണങ്ങള്‍ ഘോഷിക്കുന്നു. കന്നിമാസത്തിലെ അമാവാസി കഴിഞ്ഞാല്‍ പ്രഥമ മുതല്‍ നവമിവരെയാണ് നവരാത്രി കാലം. ചണ്ഡികാ രൂപിണിയായ ദുര്‍ഗാദേവിയെയാണ് പൂജ ചെയ്യുന്നത്. പ്രഥമ മുതല്‍ മൂന്നു ദിവസം ദുര്‍ഗ്ഗാരൂപിണിയായ കാളിയെ പൂജിയ്ക്കുന്നു. നാലാം ദിവസം മുതല്‍ ആറാം ദിവസം വരെ ഐശ്വര്യ സ്വരൂപിണിയായ മഹാലക്ഷ്മിയേയും, സപ്തമി മുതല്‍ അഷ്ടമി, നവമിവരെ വിദ്യാ സ്വരൂപിണിയായ സരസ്വതിയേയും പൂജിക്കുന്നു. പിന്നീട് ദശമിനാളില്‍ ഈ മൂന്നു ദേവിമാരും ചേര്‍ന്ന് “ത്രിപുരസുന്ദരി”യായി ആരാധിക്കുന്നു. ഇതിനെ “വിജയദശമി” എന്നു വിശേഷിപ്പിക്കുന്നു. നവരാത്രി പൂജയ്ക്ക് ആദ്യം കലശം വെച്ച് അലങ്കരിയ്ക്കുന്നു. പിന്നീട് ഓരോ ദിവസവും ഓരോ പടികള്‍ വെച്ച് അതില്‍ ബൊമ്മകള്‍ വെയ്ക്കുന്നു. ആദ്യം ശ്രീരാമചരിതം അനുസ്മരിപ്പിക്കുന്ന ബൊമ്മകളാണ്. അതു തന്നെയാണ് ഏറ്റവും പ്രധാനം എന്തെന്നാല്‍ ആദ്യം ശ്രീരാമചന്ദ്രസ്വാമിയാണത്രെ നവരാത്രി വ്രതമെടുത്തത്. ഒമ്പതു പടികള്‍ നിറയെ കമനീയമായി അലങ്കരിച്ച് വിവിധതരം ബൊമ്മകള്‍, ഏറ്റവും മുകളിലായി ദുര്‍ഗയും, മഹാലക്ഷ്മിയും സരസ്വതിയും, പിന്നെ അതിമനോഹരമായ സിംഹവാഹിനിയും ആയ ഭുവനേശ്വരിയും! അഷ്ടമിയ്ക്ക് ആയുധം , പുസ്തകവും, പേനയും , അവരവരുടെ പണി ആയുധങ്ങളും വെച്ച് പൂജ ആരംഭിച്ച് നവമിയില്‍ കെടാവിളക്ക് കൊളുത്തി മൂന്നു നേരവും പൂജിച്ച് ദശമിനാളില്‍ വെളുത്ത പുഷ്പങ്ങളാല്‍ അര്‍പ്പിച്ച് പാല്‍ പായസം നൈവേദ്യം സമര്‍പ്പിയ്ക്കും. അമ്മമ്മ പറയാറുണ്ട് ശ്രദ്ധയോടെ ഭജിച്ച് അജ്ഞാനം ഇല്ലാതാക്കി,ജ്ഞാനം വര്‍ദ്ധിപ്പിയ്ക്കൂ, ദു:ഖങ്ങള്‍ ഇല്ലാതാകും തീര്‍ച്ച എന്ന്. അതിനായിരിയ്ക്കട്ടെ ഈ നവരാത്രി വ്രതങ്ങളും. വ്രതം എന്നാല്‍ ദുര്‍വിചാരങ്ങളെ മാറ്റി നിര്‍ത്തി മനസ്സിനെ ഈശ്വരങ്കല്‍ സമര്‍പ്പിയ്ക്കലാണ്. ദുര്‍വ്വിചാരങ്ങള്‍ എന്നാല്‍ കാമവും (ആഗ്രഹം) ക്രോധവും തന്നെ! ഈ രണ്ടുമാണ് ദു:ഖങ്ങളുടെ കാരണങ്ങളും മനസ്സിനെ നിയന്ത്രിക്കാനായാണ് വ്രതങ്ങളും. 
ജന്മഭൂമി: 

2015, ഒക്‌ടോബർ 7, ബുധനാഴ്‌ച

സ്വാമി സത്യാനന്ദ സരസ്വതിയുടെ 80-ാം ജന്മദിനം സദ്ഭാവനാ ദിനമായി ആചരിച്ചു

ഹിന്ദു ഐക്യവേദിയുടെ സ്ഥാപകനും ചെങ്കോട്ടുകോണം ശ്രീരാമദാസ ആശ്രമ മഠാധിപതിയുമായ സ്വാമി സത്യാനന്ദ സരസ്വതിയുടെ 80-ാം ജന്മദിനം ഹിന്ദുഐക്യവേദി സദ്ഭാവനാ ദിനമായി ആചരിച്ചു.
ഹിന്ദു ഐക്യവേദിയുടെ സ്ഥാപകനും ചെങ്കോട്ടുകോണം ശ്രീരാമദാസ ആശ്രമ മഠാധിപതിയുമായ സ്വാമി സത്യാനന്ദ സരസ്വതിയുടെ 80-ാം ജന്മദിനം ഹിന്ദുഐക്യവേദി സദ്ഭാവനാ ദിനമായി ആചരിച്ചു. പ്രസ് ക്ലബ് ഹാളില്‍ നടന്ന സദ്ഭാവന സമ്മേളനം സംസ്ഥാന സെക്രട്ടറി പുഞ്ചക്കരി സുരേന്ദ്രന്‍ ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി ഇ.എസ്. ബിജു മുഖ്യപ്രഭാഷണം നടത്തി. കേരളത്തിലെ ജാതിവ്യവസ്ഥയെ ഇല്ലാതാക്കാന്‍ ശ്രീനാരായണ ഗുരു,ചട്ടമ്പിസ്വാമികള്‍ തുടങ്ങിയവരാണ് നേതൃത്വം നല്‍കിയത്. എന്നാല്‍ സിപിഎം അതിന്റെ പിതൃത്വം ഏറ്റെടുക്കുകയാണ് ചെയ്തത്, ഇ.എസ്. ബിജു പറഞ്ഞു. അടിച്ചമര്‍ത്തപ്പെട്ട ഹിന്ദുസമൂഹത്തിനുവേണ്ടിയാണ് സ്വാമി നിലകൊണ്ടതെന്നും ബിജു അഭിപ്രായപ്പെട്ടു. സംസ്ഥാന സമിതി അംഗം പ്രഭാകരന്‍, ജ്യോതീന്ദ്രകുമാര്‍, കോവളം ബാബു, കെ.കെ. ഉദയന്‍ തുടങ്ങിയവര്‍ സംസാരിച്ചു.

2015, ഒക്‌ടോബർ 6, ചൊവ്വാഴ്ച

ജഗത്ഗുരു സ്വാമിസത്യാനന്ദസരസ്വതി തൃപ്പാദങ്ങളുടെ ജന്മസ്ഥലത്ത് പുഷ്പാര്‍ച്ചന നടത്തി



തിരു: ഹിന്ദുഐക്യവേദിയുടെ സ്ഥാപക നേതാവും ചേങ്കോട്ടുകോണം ശ്രീരാമദാസ ആശ്രമ മഠാധിപതിയുമായ ജഗത്ഗുരു സ്വാമി സത്യാനന്ദസരസ്വതികളുടെ 80-)ം ജയന്തി ആഘോശത്തോടനുബന്ധിച്ച് അദ്ദേഹത്തിന്റെ ജന്മസ്ഥലത്ത് ഹിന്ദുഐക്യവേദി സംസഥാന സംഘടനാ സെക്രട്ടറി സി.ബാബു പുഷ്പാര്‍ച്ചന നടത്തി.

കണ്ണൂര്‍ പാലുകാച്ചിമല, പൂന്തുറ കലാപം, പാപ്പാവേദി സമരം, കൊല്ലം പുതിയ കാവ് ക്ഷേത്രം തുടങ്ങി ഹൈന്ദവ സമൂഹം നേരിട്ട നൂറുകണക്കിന് വെല്ലുവിളികളെ സധൈര്യം ഏറ്റെടുത്ത് സമരമുഖത്തേക്കിറങ്ങിയ സന്യാസിവര്യനാണ് ജഗത്ഗുരു സ്വാമിസത്യാനന്ദസരസ്വതി തൃപ്പാദങ്ങള്‍. അദ്ദേഹം തുടങ്ങിവച്ച ഹൈന്ദവ മുന്നേറ്റങ്ങള്‍ ഏറ്റെടുത്തുകൊണ്ടാണ് ഹിന്ദുഐക്യവേദി പ്രവര്‍ത്തിച്ചു വരുന്നത് എന്ന് സി.ബാബു പറഞ്ഞു.

സ്വാമിജിയുടെ 80-)ം ജയന്തി ആഘോഷം ഹിന്ദുഐക്യവേദി മുഴുവന്‍ സ്ഥാനീധ സമിതികളിലും ആഘോഷിക്കുന്നതിന്റെ ഭാഗമായി സ്വാമിജിയുടെ പണിമൂലക്കടുത്തുളള ജന്മസ്ഥലത്ത് നടന്ന സദ്ഭാവനാ സമ്മേളനത്തില്‍ സംസാരിക്കുകയായിരുന്നു അദ്ദേഹം.

സമ്മേളനത്തില്‍ ഹിന്ദുഐക്യവേദി തിരുവനന്തപുരം താലൂക്ക് പ്രസിഡന്റ് ഡോ. വിജയന്‍ അദ്ധ്യക്ഷത വഹിച്ചു. ഹിന്ദുഐക്യവേദി സംസ്ഥാന സമിതി അംഗം കെ. പ്രഭാകരന്‍, സ്വാമിജിയുടെ ഉറ്റ സുഹൃത്ത് രവീന്ദ്രന്‍ നായര്‍ തുടങ്ങിയവര്‍ സംസാരിച്ചു. ജില്ലാ സമിതി അംഗം വെണ്ണിയൂര്‍ ഹരി താലൂക്ക് നേതാക്കളായ മോഹനന്‍ നായര്‍, അഡ്വ. രാജേഷ്, ഗോപകുമാര്‍എന്നിവര്‍ പങ്കെടുത്തു.
 

ഇന്ന് ജഗത്ഗുരു സ്വാമി സത്യാനന്ദസരസ്വതി ജയന്തി



കൊല്ലവര്‍ഷം 1111 കന്നിമാസം 6നു പുണര്‍ഥം നക്ഷത്രത്തില്‍ ജനനം 
അപകര്‍ഷതയിലും അടിമത്വത്തിലും ആണ്ടു കിടന്നിരുന്ന ഹൈന്ദവ ജനതയുടെ ആത്മാഭിമാനത്തെ തട്ടിയുണര്‍ത്താന്‍ ശക്തമായ നേതൃത്വം നല്‍കിയ ധര്‍മ്മബോധത്തിന്‍റെ സിംഹ ഗര്‍ജ്ജനമായിരുന്നു ജഗത്ഗുരു സ്വാമി സത്യാനന്ദസരസ്വതി തിരുവടികള്‍.
ദൃഡവൃതനായ സാധകന്‍, ദീര്‍ഘദര്‍ശിയായ ഗുരുനാഥന്‍, ഭാരതീയ ദര്‍ശനങ്ങളുടെ ആധികാരിക ശബ്ദം, ധര്മ്മബോധത്തിന്‍റെയും ബോധാനത്തിന്‍റെയും ഉജ്ജ്വലത,  കരുത്തനായ നേതാവ്. സാമുഹ്യ പരിഷ്കര്‍ത്താവ്‌, ഗ്രന്ഥകാരന്‍ അങ്ങനെ നിസീമമായ കര്‍മ്മമണ്ടലത്തിനുടമയായിരുന്നു സ്വാമികള്‍.
നമ്മുടെ കാലഘട്ടത്തില്‍ ഹിന്ദു ധര്‍മ്മരക്ഷക്കായി അവതരിച്ച പുണ്യദേഹമാണ് ശ്രീരാമ സീതാ ആജ്ഞനേയ ഉപാസകനായിരുന്ന സ്വാമിതൃപ്പാദങ്ങള്‍.
ഗുരുവനുഗ്രഹം, കഠിനമായതപസ്യ, അനാദൃശ്യമായ ഇച്ഛാശക്തി, അന്ധവിശ്വാസങ്ങള്‍ക്കും, മാനസികാടിമത്തത്തിനും എതിരെ നടത്തിയ സന്ധിയില്ലാത്ത സമരം, അത്ഭുതകരമായ സരസ്വതീവിലാസം, ഏതുവിഷയവും യുക്തിയുക്തമായി അവതരിപ്പിക്കാനുള്ള സവിശേഷസാമര്‍ത്ഥ്യം, സര്‍വ്വോപരി സകലരേയും വാത്സല്യത്തോടെയും കാരുണ്യത്തോടും സ്വീകരിക്കുന്നതിലും അവരുടെ പ്രശ്നങ്ങള്‍ ക്ഷമാപൂര്‍വ്വം കേട്ട് പരിഹാരം നിര്‍ദ്ദേശിച്ചുകൊടുക്കുന്നതിലും കാട്ടിയ ആര്‍ദ്രഭാവം മറ്റ് സന്ന്യാസിമാരില്‍ നിന്നും വ്യതിരിക്തമായ ജീവിതശൈലി മുതലായവയാല്‍ കുറഞ്ഞ കാലം കൊണ്ട് തന്നെ സ്വാമിജി ലോക പ്രശസ്ഥനായി.
കേരളം കണ്ട മികച്ച പ്രഭാഷകരില്‍ ഒരാള്‍ ആയിരുന്നു സ്വാമിജി.
ഹിന്ദുമത തത്വങ്ങളേയും കാലിക പ്രശ്നങ്ങളേയും കുറിച്ച് യുക്തിഭദ്രമായ രീതിയില്‍ നര്‍മ്മം കലര്‍ന്നഭാഷയില്‍ വേണ്ടത്ര പ്രമാണങ്ങളുടെ പിന്‍ബലത്തോടെ മണിക്കൂറുകളോളം നടത്തുന്ന പ്രഭാഷണങ്ങള്‍ ജനസഹസ്രങ്ങളെ ആകര്‍ഷിച്ചു.
ശ്രീരാമദാസമിഷ്യന്‍ യൂണിവേഴ്സല്‍ സൊസൈറ്റി, 1991 മുതല്‍ തിരുവനന്തപുരത്ത് ആരംഭിച്ചു.
ഹിന്ദുമത മഹാസമ്മേളനം, ഹിന്ദുഐക്യവേദി മുതലായവ സ്വാമിജിയുടെ സംഘടനാപാടവത്തിന്‍റെ മികച്ച ഉദാഹരണങ്ങളാണ്.    

2015, ഒക്‌ടോബർ 5, തിങ്കളാഴ്‌ച

മസ്തിഷ്‌ക മരണം സംഭവിച്ച പാര്‍ട്ടിയാണ് സിപിഎം: സി.സദാനന്ദന്‍ മാസ്റ്റര്‍



പള്ളിക്കത്തോട്:മസ്തിഷ്‌കമരണം സംഭവിച്ച് മരണം കാത്തുകിടക്കുന്ന പാര്‍ട്ടിയാണ് സിപിഎമ്മെന്ന് എന്‍.ടി.യു. സംസ്ഥാന വൈസ് പ്രസിഡന്റ് സി. സദാനന്ദന്‍ മാസ്റ്റര്‍. കാലഹരണപ്പെട്ട കമ്മ്യൂണിസവും കാലാതിവര്‍ത്തിയായ ഗുരുദേവ ദര്‍ശനവും എന്ന വിഷയത്തില്‍ ഹിന്ദുഐക്യവേദി സംഘടിപ്പിച്ച സമ്മേളനത്തില്‍ സംസാരിക്കുകയായിരുന്നു അദ്ദേഹം.

എകെജിയെയും കൃഷ്ണപിള്ളയേയും മറന്ന സിപിഎം കാലാകാലങ്ങളായി ശ്രീനാരായണ ഗുരുദേവനപ്പോലെയുള്ള നവോത്ഥാനനായകരെ അപമാനിച്ചു കൊണ്ടിരിക്കുന്നു. ഗുരുദേവനെപ്പോലുള്ള മഹാത്മാക്കള്‍ ഈ നാട്ടില്‍ ഉണ്ടാക്കിയ നവോത്ഥാനത്തിന്റെ പിതൃത്വം അടിസ്ഥാനരഹിതമായി അവകാശപ്പെടുന്ന എട്ടുകാലി മമ്മൂഞ്ഞിന്റെ പിന്‍മുറക്കാരാണ് സിപിഎം. കമ്മ്യൂണിസ്റ്റ് പാര്‍ട്ടിക്ക് റഷ്യയിലും ബംഗാളിലും സംഭവിച്ച പതനം കേരളത്തിലും ആസന്നമായിക്കഴിഞ്ഞതായി സദാനന്ദന്‍ മാസ്റ്റര്‍ പറഞ്ഞു.

യോഗത്തില്‍ രാഷ്ട്രീയ സ്വയംസേവക സംഘത്തിന്റെ താലൂക്ക് സംഘചാലക് സി.എന്‍. പുരുഷോത്തമന്‍ അദ്ധ്യക്ഷത വഹിച്ചു. പി.എസ്. വിനോദ്, കെ.ആര്‍. രതീഷ്, കരുണ്‍ ഹരി എന്നിവര്‍ സംസാരിച്ചു.

ഗുരുദേവനെ അവഹേളിച്ചത് പാര്‍ട്ടിയുടെ വിനാശത്തിന് : തില്ലങ്കേരി


തിരുവനന്തപുരം: ആര്‍എസ്എസിനോട് പോരാടാന്‍ കമ്മ്യൂണിസ്റ്റ് പാര്‍ട്ടി ഗുരുദേവനെ അവഹേളിച്ചത് പാര്‍ട്ടിയുടെ വിനാശത്തിനാണെന്ന് ആര്‍എസ്എസ് പ്രാന്തീയ കാര്യകാര്യ സദസ്യന്‍ വത്സന്‍ തില്ലങ്കേരി പറഞ്ഞു. സിപിഎമ്മിന്റെ ഗുരുനിന്ദയ്‌ക്കെതിരെ ഹിന്ദുഐക്യവേദി പൂജപ്പുര നഗര്‍ മണ്ഡലത്തിന്റെ നേതൃത്വത്തില്‍ പൂജപ്പുര സരസ്വതി മണ്ഡപത്തില്‍ സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം.  ഭാരതത്തിലെ ആദ്ധ്യാത്മിക ആചാര്യന്മാരെ  നിന്ദിക്കുന്ന കമ്മ്യൂണിസ്റ്റുകളുടെ പ്രവണത ദേശീയതയെ തകര്‍ക്കുന്നതിനാണ്. കാവി കണ്ടാല്‍ വിറളി പിടിക്കുന്നവര്‍ ആചാര്യന്മാര്‍ക്കെതിരെയുള്ള പരസ്യ ആക്രമണം മാതാ അമൃതാനന്ദമയിയില്‍ നിന്നു തുടങ്ങി ഗുരുദേവനില്‍ വരെ എത്തിനില്‍ക്കുകയാണ്. അദൈ്വതത്തിന്റെ ഏകാത്മകതയില്‍ മനുഷ്യരെ ഒരുമിപ്പിക്കാനാണ് ഗുരുദേവനും ചട്ടമ്പിസ്വാമികളുമൊക്കെ പ്രവര്‍ത്തിച്ചത്.  അതേസമയം ഗുരുദേവ ദര്‍ശനങ്ങളെ വളച്ചൊടിച്ച് ദേശീയതയ്‌ക്കെതിരെ പ്രയോഗിക്കാനാണ് കമ്മ്യൂണിസ്റ്റുകാര്‍ ശ്രമിക്കുന്നത്. ഹിന്ദു ആചാരങ്ങളെ പ്രാകൃതമെന്നും അനാചാരമെന്നും വിളിച്ചിരുന്നവര്‍ ഇന്ന് അണികളെ നിലനിര്‍ത്താന്‍ ഹൈന്ദവ ആചാരങ്ങളെ മുറുകെ പിടിക്കുന്ന സാഹചര്യമാണുള്ളത്. സവര്‍ണ്ണ മേധാവികളെന്നാണ് ആര്‍എസ്എസ് പ്രവര്‍ത്തകരെ പാര്‍ട്ടി പറയുന്നത്. എന്നാല്‍  സവര്‍ണ്ണ മേധാവിത്വം ഭാരതത്തിലെ ജനങ്ങളില്‍ അടിച്ചേല്‍പ്പിക്കാനാണ് കമ്മ്യൂണിസ്റ്റുകാര്‍ ശ്രമിക്കുന്നത്. പാര്‍ട്ടിയുടെ പോളിറ്റ്ബ്യൂറോയില്‍ സവര്‍ണ്ണ മേധാവിത്വമാണുള്ളത്. ഒറ്റ ഒബിസിക്കാരന്‍ പോലുമില്ല. ആകെയുണ്ടായിരുന്ന അച്യുതാനന്ദനെ പുറത്താക്കിയ നിലയിലുമാണ്. ഇത്തരത്തില്‍ സവര്‍ണ്ണ മേധാവിത്വമുള്ള കമ്മ്യൂണിസ്റ്റ്കാരാണ് കേരളത്തിലെ അധഃസ്ഥിതരുടെ നവോത്ഥാനത്തിന് വേണ്ടി പോരാടിയതായി പറയുന്നത്. എന്നാല്‍ ഗാന്ധിജി, അയ്യങ്കാളി,  മന്നത്ത് പത്മനാഭന്‍ തുടങ്ങിയ മഹദ് വ്യക്തികള്‍ കേരളത്തിന്റെ നവോത്ഥാനത്തിന് വേണ്ടി സമരങ്ങള്‍ നയിച്ചപ്പോള്‍ കമ്മ്യൂണിസ്റ്റുകാര്‍ ഇല്ലായിരുന്നുവെന്ന് അദ്ദേഹം പറഞ്ഞു.എസ്എന്‍ഡിപി ജഗതി ശാഖാ മുന്‍വൈസ്പ്രസിഡന്റ് പ്രൊഫ. കെ.കെ. നാരായണന്‍ അദ്ധ്യക്ഷത വഹിച്ചു.  അനന്തസായി ബാലസദനം സെക്രട്ടറി ശശിധരന്‍ നായര്‍, നഗര്‍ സംഘചാലക് എന്‍.വിജയന്‍, ധര്‍മ്മജാഗരണ്‍ സമിതി സംയോജകന്‍ ജയശങ്കര്‍, ആര്‍എസ്എസ് ജില്ലാ കാര്യകാര്യ സദസ്യന്‍ കെ.വി.രാജേന്ദ്രന്‍, അനില്‍കുമാര്‍ എന്നിവര്‍ സംസാരിച്ചു.

കടപ്പാട്: ജന്മഭുമി