2012, ഡിസംബർ 21, വെള്ളിയാഴ്‌ച

ആറന്മുള വിമാനത്താവളം പാര്‍ലമെന്റ്‌ പ്രതിനിധി സംഘം ആറന്മുളയില്‍

           
Aaranmula-parthasarthi Temple

   ആറന്മുളയില്‍ നടക്കുന്ന ഭൂമികയ്യേറ്റത്തെപ്പറ്റിയും നെല്‍വയല്‍ നികത്തലിനെപ്പറ്റിയും പഠിക്കുന്നതിനും വിഷയം പാര്‍ലമെന്റിലും ദേശിയതലത്തിലും ഉയര്‍ത്തിക്കൊണ്ടുവരുന്നതിനും ഗതാഗത-വിനോദ-സാംസ്കാരിക വകുപ്പിന്റെ പാര്‍ലമെന്റ്‌ കമ്മറ്റി അംഗം രാകേഷ്‌ സിംഗ്‌ (രാജസ്ഥാന്‍), പ്രതിരോധ വകുപ്പിന്റെ പാര്‍ലമെന്റ്‌ കമ്മറ്റി അംഗം ഉദയസിംഗ്‌ (പൂന) എന്നീ എം.പി. മാര്‍ 2012 ഡിസംബര്‍ 23-ാ‍ം തീയതി ഞായറാഴ്ച രാവിലെ 9 മണിമുതല്‍ ആറന്മുള സന്ദര്‍ശിക്കും.
ആറന്മുള പൈതൃക ഗ്രാമ കര്‍മ്മസമിതിയുടെ മുഖ്യ രക്ഷാധികാരി കുമ്മനം രാജശേഖരന്റെ നേതൃത്വത്തില്‍ ലോക്സഭാ പ്രതിപക്ഷ നേതാവ്‌ സുഷമാ സ്വരാജിനെ കണ്ട്‌ നിവേദനം സമര്‍പ്പിച്ചതിന്റെ അടിസ്ഥാനത്തില്‍ നിയമിക്കപ്പെട്ട പ്രത്യേക പ്രതിനിധി സംഘമാണ്‌ ഞായറാഴ്ച ആറന്മുളയില്‍ എത്തുക. ഭൂമി കയ്യേറ്റം നടത്തിയ ആറന്മുളയിലെ പ്രദേശങ്ങള്‍ സംഘം സന്ദര്‍ശിച്ച്‌, കര്‍ഷകര്‍, കര്‍ഷകത്തൊഴിലാളികള്‍ തുടങ്ങിയവരെ നേരില്‍ കണ്ട്‌ പ്രശ്നങ്ങള്‍ പഠിച്ച്‌ റിപ്പോര്‍ട്ട്‌ കേന്ദ്രത്തിന്‌ സമര്‍പ്പിക്കും.

   മണ്ണിട്ടുനികത്തുന്നതുമൂലമുള്ള പാരിസ്ഥിതിക പ്രശ്നങ്ങള്‍, പട്ടികജാതിക്കാരുടെ കോളനികള്‍ നേരിടുന്ന കുടിയൊഴിപ്പിക്കല്‍ ഭീഷണി, ചരിത്രപ്രാധാന്യമുള്ള സാംസ്കാരിക കേന്ദ്രങ്ങളും പുരാതന നിര്‍മ്മിതികളും നശിപ്പിക്കുന്നതിനുള്ള ഗൂഢാലോചന എന്നിവയെ സംബന്ധിച്ചും സമിതി പഠിച്ച്‌ റിപ്പോര്‍ട്ട്‌ സമര്‍പ്പിക്കും. ആറന്മുളയില്‍ നടക്കുന്ന നിയമലംഘനങ്ങളെ സംബന്ധിച്ച്‌ ഇതുവരെ ലഭ്യമായ എല്ലാ രേഖകളും സമരസമിതി നേതാക്കള്‍ എം.പി. മാര്‍ക്ക്‌ കൈമാറും. പൈതൃക ഗ്രാമ കര്‍മ്മസമിതി രക്ഷാധികാരി കുമ്മനം രാജശേഖരന്‍, ജനറല്‍ കണ്‍വീനര്‍ പി.ആര്‍. ഷാജി, പള്ളിയോട പള്ളിവിളക്ക്‌ സംരക്ഷണ സമിതി ചെയര്‍മാന്‍ പി. ഇന്ദുചൂഡന്‍, പ്രകൃതി സംരക്ഷണ സൗഹൃദവേദി കണ്‍വീനര്‍ പ്രദീപ്‌ അയിരൂര്‍ എന്നിവര്‍ എം.പി.മാരെ അനുഗമിക്കും. പൊതുജനങ്ങള്‍ക്ക്‌ അവരുടെ പരാതി സമര്‍പ്പിക്കുന്നതിനുള്ള അവസരമുണ്ടായിരിക്കുന്നതാണെന്ന്‌ നേതാക്കള്‍ അറിയിച്ചു.

2012, നവംബർ 29, വ്യാഴാഴ്‌ച

ശബരിമല അപ്പം: അനാസ്ഥക്കെതിരെ കേസെടുക്കണം- ശശികല ടീച്ചര്‍




   ശബരിമല അപ്പത്തില്‍ പൂപ്പല്‍ പിടിക്കാന്‍ ഇടവരുത്തിയവര്‍ക്കെതിരെ കേസ്സെടുക്കണമെന്ന്‌ ഹിന്ദു ഐക്യവേദി സംസ്ഥാന അധ്യക്ഷ ശശികലടീച്ചര്‍ ആവശ്യപ്പെട്ടു. കല്‍പ്പറ്റയില്‍ ഹിന്ദു ഐക്യവേദി സംഘടിപ്പിച്ച ഹൈന്ദവ പൊതുയോഗത്തില്‍ ഉദ്ഘാടന പ്രഭാഷണം നടത്തുകയായിരുന്നു ടിച്ചര്‍. പ്രശ്നത്തിന്റെ ധാര്‍മ്മിക ഉത്തരവാദിത്തം ഏറ്റെടുത്ത്‌ ദേവസ്വം മന്ത്രി രാജിവെക്കണം. ശബരിമലക്കെതിരെ വര്‍ഷങ്ങളായി വന്‍ ഗൂഢാലോചനയാണ്‌ നടക്കുന്നത്‌. ഇത്‌ കണ്ടില്ലെന്ന്‌ നടിക്കാന്‍ ഇനിയും ഹൈന്ദവര്‍ തയ്യാറാകുമെന്ന്‌ കരുതുന്നത്‌ മൗഢ്യമാണ്‌. പ്രസാദമുണ്ടാക്കാന്‍ ഏല്‍പ്പിച്ചതിന്‌ പിന്നില്‍ വന്‍ അഴിമതിയാണ്‌ നടക്കുന്നതെന്ന്‌ നേരത്തെതന്നെ ആരോപണമുയര്‍ന്നിരുന്നു. കരാറുകാരെ തിരഞ്ഞെടുത്തത്‌ ദേവസ്വം ബോര്‍ഡും, വകുപ്പ്‌ മന്ത്രിയും ഉള്‍പ്പെട്ട സമിതിയാണ്‌. കഴിഞ്ഞ വര്‍ഷം മന്ത്രിയുടെ നേതൃത്വത്തില്‍ മുല്ലപ്പെരിയാര്‍ പ്രശ്നം ഉയര്‍ത്തികൊണ്ടുവന്ന്‌ തമിഴ്‌നാട്ടില്‍ നിന്നുള്ള ഭക്തര്‍ ശബരിമലയിലെത്തുന്നത്‌ തടസ്സപ്പെടുത്താന്‍ ക്രിസ്ത്യന്‍ വര്‍ഗ്ഗീയത മുതലെടുത്ത്‌ സര്‍ക്കാര്‍ ശ്രമിച്ചിരുന്നു. ഭഗവാന്‌ സമര്‍പ്പിക്കുന്ന അരവണ പ്രസാദത്തില്‍ പല്ലിയേയും പഴുതാരയേയും പിടിച്ചിട്ട്‌ ശബരിമല ഭക്തരെ അകറ്റിനിര്‍ത്താന്‍ ന്യൂനപക്ഷങ്ങളുടെ സഹായത്തോടെ സര്‍ക്കാരുകള്‍ മാറിമാറി ശ്രമിക്കുകയാണ്‌. ശബരിമലയില്‍ നടക്കുന്ന ഓരോ ദുര്യോഗത്തിനുപിന്നിലും ചില തല്‍പ്പരകക്ഷികളുടെ സാന്നിദ്ധ്യം ഉണ്ടെന്ന്‌ ഉറപ്പിച്ച്‌ പറയാന്‍ കഴിയും. രാഷ്ട്രീയ കക്ഷികളുടെ പിന്തുണയില്‍ അധികാരത്തിലേറുന്നവരെ ഉപയോഗിച്ച്‌ ശബരിമലയിലേക്ക്‌ ഭക്തരെത്തുന്നത്‌ തടയുകയാണ്‌ കേരളത്തിലെ ക്രിസ്ത്യന്‍-മുസ്ലീം മതങ്ങളുടെ നേതൃത്വത്തില്‍ ഭരണം നടത്തുന്നവര്‍ ചെയ്യുന്നത്‌. ന്യൂനപക്ഷങ്ങള്‍ പറയുന്നത്‌ കേട്ട്‌ ഏറാന്‍മൂളുന്ന ഭരണം എന്തിനും മൗനാനുവാദം നല്‍കുകയാണ്‌. ലോകാ സമസ്താ സുഖിനോ ഭവന്തു എന്നതിന്‌ അര്‍ത്ഥം ഹിന്ദു എല്ലാ നാശവും സഹിച്ചോളണമെന്നല്ലെന്ന്‌ ഭരണകൂടം ഇനിയെങ്കിലും ഓര്‍ക്കണമെന്ന്‌ ടീച്ചര്‍ പറഞ്ഞു.
                കറുപ്പുടുക്കുന്ന ഭക്തന്‍മാരെ സര്‍ക്കാര്‍ കറവപശുവാക്കുന്ന രീതി നിര്‍ത്തണം. സന്നിധാനത്ത്‌ നടത്തുന്ന പിരിവുകള്‍ എന്ത്‌ കൊണ്ട്‌ വാവാരുപള്ളിയില്‍ ഉണ്ടാകുന്നില്ലെന്ന്‌ ചോദിക്കാന്‍മാത്രം ഹിന്ദുവളര്‍ന്നു, ഈ വളര്‍ച്ചയില്‍ ചിലര്‍ക്ക്‌ അസൂയയുണ്ടെന്ന്‌ ഹിന്ദു ഐക്യവേദി മനസിലാക്കുന്നുണ്ട്‌. ഇസ്രായേലുകാര്‍ക്കെതിരെ നടത്തിയ ആക്രമണമാണ്‌ ബോംബെയില്‍ നടന്നത്‌ എന്നതുകൊണ്ടാണ്‌ അജ്മല്‍കസബിനെ തൂക്കിലിട്ടത്‌, അതിന്‌ മുമ്പ്തന്നെ ഇന്ത്യന്‍ പാര്‍ലമെന്റ്‌ അക്രമിച്ച കേസില്‍ കോടതി മരണശിക്ഷ വിധിച്ച അഫ്സല്‍ ഗുരുവിന്‌ ശിക്ഷ നടത്താന്‍ സര്‍ക്കാര്‍ ധൈര്യപെടാത്തത്‌ ആരെ പ്രീണിപ്പിക്കാനാണെന്ന്‌ വ്യക്തമാക്കണം. ജൂദര്‍ക്ക്‌ വേണ്ടി വിടുപണിചെയ്യുന്ന സര്‍ക്കാരായി ഭാരത സര്‍ക്കാര്‍ മാറിയെന്നാണ്‌ ഇതു കാണിക്കുന്നത്‌.
           അധികാരത്തിനുവേണ്ടി മുസ്ലീം ലീഗിനേയും ക്രിസ്ത്യന്‍ കോണ്‍ഗ്രസ്സിനെയും സഹിച്ച പിണറായിയും അച്യുതാനന്ദനും ഇനിയും അധികാരത്തില്‍ വരണമെന്നുണ്ടെങ്കില്‍ വരാന്‍ പോകുന്ന ഹിന്ദു ഐക്യത്തെയും സഹിക്കേണ്ടിവരുമെന്ന്‌ ടീച്ചര്‍ പറഞ്ഞു. യോഗത്തില്‍ എസ്‌.എന്‍.ഡി.പി.യൂത്ത്‌ സംസ്ഥാന നേതാവ്‌ ജയരാജന്‍ മാസറ്റര്‍ അദ്ധ്യക്ഷത വഹിച്ചു. പി.കെ.മുരളീധരന്‍ സ്വാഗതം പറഞ്ഞു. സി.പി.വിജയന്‍, എ.എം.ഉദയന്‍, ഇരുമട്ടൂര്‍ കുഞ്ഞാമന്‍, പരമേശ്വരന്‍ തുടങ്ങിയവര്‍ വേദിയില്‍ സന്നിഹിതരായിരുന്നു.

2012, നവംബർ 7, ബുധനാഴ്‌ച

സ്വാമി സത്യാനന്ദസരസ്വതിയെ അറിയുക




          ലോകചരിത്രം വിശകലനം ചെയ്താല്‍ ആക്രമണങ്ങളില്‍ കൂടിയോ മതപരിവര്‍ത്തനത്തില്‍കൂടിയോഹിന്ദുജനത സാമ്രാജ്യം വികസിപ്പിക്കുവാന്‍ ശ്രമിച്ചതായി കാണാനാവില്ല. എന്നാല്‍ ഏറ്റവും കൂടുതല്‍ ആക്രമണങ്ങള്‍ക്കും കൊള്ളയടിക്കലിനും വിധേയമായ സംസ്കാരം ഹിന്ദുവിന്റേതാണ്‌. ഒന്നുമില്ലാത്തവനെ ആരും കൊള്ളയടിക്കാറില്ല. അമൂല്യമായ ആധ്യാത്മികതയാണ്‌ ഹിന്ദുവിന്റെ സ്വത്ത്‌. പ്രപഞ്ചോല്‍പത്തി, നിലനില്‍പ്പ്‌, നാശം ഇവയെ ശാസ്ത്രീയമായി വിവരിക്കാന്‍ ഹിന്ദുധര്‍മത്തിനല്ലാതെ മറ്റേത്‌ മതത്തിന്‌ സാധിക്കും? സനാതനധര്‍മ്മം ദൈവികമാണ്‌. അതുകൊണ്ടാണ്‌ അനേകമനേകം പ്രതികൂല സാഹചര്യങ്ങളെ ധീരമായി തരണം ചെയ്ത്‌ സംസ്കാരങ്ങളുടെ മാതാവായി ഭാരതീയ സംസ്കാരം ഇന്നും തല ഉയര്‍ത്തിനില്‍ക്കുന്നത്‌. അപചയങ്ങള്‍ സംഭവിച്ചപ്പോഴൊക്കെ ധര്‍മ്മസംരക്ഷണാര്‍ത്ഥം അവതാരങ്ങളുമുണ്ടായി. നമ്മുടെ കാലഘട്ടത്തില്‍ ഹിന്ദുധര്‍മ്മ രക്ഷക്കായി അവതരിച്ചതായിരുന്നു സ്വാമി സത്യാനന്ദസരസ്വതി.

സന്യാസിസമൂഹത്തില്‍നിന്നുള്ള ഒളിച്ചോടലല്ല, മറിച്ച്‌ ധര്‍മ്മം പുലര്‍ന്നുകാണേണ്ട സമൂഹത്തിന്റെ സ്വത്താണ്‌ സന്യാസിയെന്ന്‌ അദ്ദേഹം കാട്ടിത്തന്നു. എപ്പോഴൊക്കെ ഹിന്ദുക്കള്‍ വെല്ലുവിളികള്‍ നേരിട്ടിരുന്നുവോ അപ്പോഴൊക്കെ ശക്തമായ നേതൃത്വം നല്‍കിക്കൊണ്ട്‌, ഹിന്ദുക്കളുടെ സംഘശക്തിയെ തട്ടിയുണര്‍ത്തി, ആ വെല്ലുവിളികളെ അമ്പേ പരാജയപ്പെടുത്തുവാന്‍ സ്വാമിജിക്ക്‌ സാധിച്ചു.ഹൈന്ദവ നവോത്ഥാനത്തിന്റെ ധര്‍മകാഹളം മുഴക്കി കന്യാകുമാരിയില്‍നിന്ന്‌ സ്വാമിജിയുടെ നേതൃത്വത്തില്‍ പാലുകാച്ചിമലയില്‍ പ്രതിഷ്ഠിക്കാനുള്ള വിഗ്രഹങ്ങളുമായി നടത്തിയ പ്രതിഷ്ഠാ ഘോഷയാത്ര ചരിത്രപ്രസിദ്ധമാണ്‌. കേരളത്തിന്റെ തെക്കേ അറ്റം മുതല്‍ വടക്കേ അറ്റംവരെ നൂറുകണക്കിന്‌ സ്വീകരണ യോഗങ്ങളില്‍ പങ്കെടുത്ത്‌ സ്വാമിജി തന്റെ വാഗ്ധോരണി കൊണ്ട്‌ ഹിന്ദുമനസ്സുകളെ തട്ടിയുണര്‍ത്തി. ഹിന്ദുവിന്റെ ആവേശമായി പാലുകാച്ചി മലയില്‍ എത്തി ശ്രീരാമ-സീത ആഞ്ജനേയ വിഗ്രഹങ്ങള്‍ പ്രതിഷ്ഠിച്ചു. ഉറങ്ങിക്കിടക്കുകയോ ഉറക്കം നടിക്കുകയോ ചെയ്തിരുന്ന ഹിന്ദുസമൂഹം സടകുടഞ്ഞെഴുന്നേറ്റു അതിനുശേഷമുള്ള മൂന്ന്‌ പതിറ്റാണ്ടുകളില്‍ കേരളം കണ്ട എല്ലാ ധര്‍മ്മസമരങ്ങളുടെയും നേതൃത്വം സ്വമിജിക്കായിരുന്നു. ഹിന്ദുസമാജത്തിന്റെ സങ്കീര്‍ണമായ പ്രശ്നങ്ങളെക്കുറിച്ച്‌ അവരെ ബോധ്യപ്പെടുത്തിയ അദ്ദേഹം അതിനുള്ള ശാസ്ത്രീയ പരിഹാരങ്ങള്‍ നിര്‍ദ്ദേശിച്ചു. സ്വാമിജി കാട്ടിയ ധൈര്യവും ഹിന്ദുത്വാഭിമാനവും ഹിന്ദുമനസ്സുകളില്‍ പരിവര്‍ത്തനവും ശക്തമായ സ്വാധീനവും ചെലുത്തി.ക്ഷേത്രങ്ങള്‍ സംരക്ഷിക്കുവാനും അന്യാധീനപ്പെട്ടവ പിടിച്ചെടുത്ത്‌ പുനര്‍നിര്‍മാണം ചെയ്യുവാനും ഹിന്ദുക്കളെ ആഹ്വാനം ചെയ്തുകൊണ്ടും അതിന്‌ നേതൃത്വം കൊടുത്തുമാണ്‌ കൊട്ടിയൂര്‍ പാലുകാച്ചിമലയില്‍ സ്വാമിജി ആയിരക്കണക്കിന്‌ ഗിരിജനങ്ങളുടെയും ഹരിജനങ്ങളുടെയും മറ്റ്‌ ഹൈന്ദവജനവിഭാഗങ്ങളുടെയും സാന്നിധ്യത്തില്‍ 1978 ജൂണ്‍ 8 ന്‌ ദേവവിഗ്രഹങ്ങള്‍ പ്രതിഷ്ഠിച്ചത്‌.പ്രതിഷ്ഠാകര്‍മ്മം കഴിഞ്ഞ്‌ 90 ദിവസങ്ങള്‍ കഴിഞ്ഞപ്പോള്‍ 1978 സപ്തംബര്‍ എട്ടിന്‌ ആസുരിക ശക്തികള്‍ ശ്രീരാമ-സീത-ആഞ്ജനേയ വിഗ്രഹങ്ങള്‍ അടിച്ചുടച്ച്‌ പര്‍ണശാലക്ക്‌ തീവെച്ചു. ഹൈന്ദവ മനസ്സാക്ഷിയെ ഇളക്കിമറിച്ചുകൊണ്ട്‌, ഉടഞ്ഞ വിഗ്രഹങ്ങള്‍ വഹിച്ചുകൊണ്ടുള്ള വിലാപയാത്ര 1978 ഒക്ടോബര്‍ രണ്ടിന്‌ സ്വാമിജിയുടെ നേതൃത്വത്തില്‍ കൊട്ടിയൂരില്‍നിന്ന്‌ കന്യാകുമാരിയിലേക്ക്‌ തിരിച്ചു. ആ തേരോട്ടത്തില്‍ സടകുടഞ്ഞെഴുന്നേറ്റ ഹിന്ദു മറ്റൊരു വിവേകാനന്ദനെ സ്വാമിജിയില്‍ ദര്‍ശിച്ചു. 1978 ഒക്ടോബര്‍ 11 ന്‌ കന്യാകുമാരിയിലെ ത്രിവേണി സംഗമത്തില്‍ ഉടഞ്ഞ വിഗ്രഹങ്ങള്‍ ആചാരപൂര്‍വം നിമജ്ജനം ചെയ്തു. വിഗ്രഹനിമജ്ജന വിലാപയാത്ര കൊട്ടിയൂരില്‍നിന്ന്‌ ആരംഭിക്കുമ്പോള്‍ ഏവരേയും അത്ഭുതപ്പെടുത്തിക്കൊണ്ട്‌ സ്വാമിജി ഒരു പ്രഖ്യാപനം നടത്തി. വിലാപയാത്ര തിരുവനന്തപുരം ജില്ലയിലേക്ക്‌ പ്രവേശിക്കുന്നതിന്‌ മുമ്പ്‌ ഈ അധര്‍മത്തിന്‌ എല്ലാ ഒത്താശയും ചെയ്തുകൊടുത്ത പി.കെ. വാസുദേവന്‍ നായരുടെ നേതൃത്വത്തിലുള്ള മന്ത്രിസഭ നിലംപതിക്കും. അല്ലാത്തപക്ഷം ഞാന്‍ ആശ്രമത്തില്‍ കാലുകുത്തുകയില്ല. കൊല്ലത്തെത്തുന്നതുവരെയും സ്വാമിജി പ്രഖ്യാപനം ആവര്‍ത്തിച്ചുകൊണ്ടിരുന്നു. കൊല്ലത്തെ സമാപനസമ്മേളനം കഴിഞ്ഞപ്പോള്‍ ഏവരേയും അത്ഭുതപ്പെടുത്തിക്കൊണ്ട്‌ അതുവരെയും പ്രകടമായ യാതൊരു ഭീഷണിയുമില്ലാതിരുന്ന പികെവിയുടെ നേതൃത്വത്തിലുള്ള മന്ത്രിസഭ നിലംപതിച്ചു. എ.കെ. ആന്റണി മന്ത്രിസഭക്കുള്ള പിന്തുണ പിന്‍വലിച്ചതായിരുന്നു കാരണം. 1979 മാര്‍ച്ച്‌ 30 ന്‌ പാലുകാച്ചിമലയിലെ പുനഃപ്രതിഷ്ഠ നിശ്ചയിച്ചുകൊണ്ട്‌, ശ്രീരാമ-സീത-ആഞ്ജനേയ വിഗ്രഹങ്ങള്‍ വഹിച്ച്‌ സ്വാമിജി കന്യാകുമാരിയില്‍നിന്ന്‌ കൊട്ടിയൂരിലേക്ക്‌ പ്രതിഷ്ഠാ ഘോഷയാത്ര നടത്തി. നിരോധനാജ്ഞ ലംഘിച്ചൂകൊണ്ട്‌ അദ്ദേഹം പാലുകാച്ചിമലയില്‍ വിഗ്രഹങ്ങള്‍ പുനഃപ്രതിഷ്ഠിച്ചു.

1983 മാര്‍ച്ച്‌ 24 ന്‌ ശബരിമല പൂങ്കാവനത്തില്‍പ്പെട്ട നിലക്കലില്‍ കുരിശ്‌ സ്ഥാപിച്ചു. ഈ വിവരം കുമ്മനം രാജശേഖരനില്‍നിന്നും ആദ്യമറിഞ്ഞപ്പോള്‍ സ്വാമിജി ഇങ്ങനെ പ്രതികരിച്ചു, "ആ കുരിശ്‌ വച്ചവര്‍തന്നെ എടുത്തുകൊണ്ടുപോകും. അതു വച്ചവനും കൂട്ടുനിന്നവനും അനുഭവിക്കുകയും ചെയ്യും."സ്വാമിജിയുടെ നിര്‍ദ്ദേശപ്രകാരം ഏപ്രില്‍ 14 ന്‌ നിലക്കലിലേക്ക്‌ നാമജപയാത്ര നടത്തി. ഏപ്രില്‍ 22 ന്‌ കേരളത്തിലെ എല്ലാ ഹിന്ദുസംഘടനകളുടെയും നേതാക്കളുടെ യോഗം നടന്നു. 27 ഹിന്ദുസംഘടനാ നേതാക്കള്‍ പങ്കെടുത്തു. സ്വാമിജി ചെയര്‍മാനും കുമ്മനം രാജശേഖരന്‍ ജനറല്‍ കണ്‍വീനറും ജെ. ശിശുപാലന്‍ കണ്‍വീനറുമായി 31 അംഗ നിലക്കല്‍ കര്‍മ്മസമിതി രൂപീകരിച്ചു. ശബരിമല പൂങ്കാവനം സത്യവും സെന്റ്‌ തോമസ്‌ കേരളത്തില്‍ വന്നു എന്നത്‌ കെട്ടുകഥയാണെന്നും ശബരിമല പൂങ്കാവനത്തില്‍ ഒരിടത്തും കുരിശുവെക്കാന്‍ ഹൈന്ദവജനത സമ്മതിക്കില്ലെന്നും കുരിശ്‌ ഉടനെ നീക്കം ചെയ്യണമെന്നും സ്വാമിജി പ്രഖ്യാപിച്ചു.കുരിശ്‌ സ്ഥാപിച്ച സ്ഥലത്ത്‌ 3 ഏക്കര്‍ ഭൂമി പള്ളിക്കനുവദിച്ചുകൊണ്ട്‌ കരുണാകരന്‍ സര്‍ക്കാര്‍ ഉത്തരവിട്ടു. പ്രതിഷേധസൂചകമായി ഏപ്രില്‍ 30 നിലക്കല്‍ ദിനമായി ആചരിച്ചു. മെയ്‌ 28 ന്‌ നിലക്കല്‍ കയ്യേറ്റ സ്ഥലത്തുനിന്നും ക്ഷേത്രത്തിന്റെ പടിഞ്ഞാറേ ഭാഗത്ത്‌ 300 മീറ്റര്‍ അകലെ കുരിശ്‌ മാറ്റി സ്ഥാപിച്ചു. കോട്ടയതത്‌ ചേര്‍ന്ന ആക്ഷന്‍ കൗണ്‍സില്‍ പുതിയതായി കണ്ടെത്തിയ സ്ഥലം അസ്വീകാര്യമാണെന്നും പൂങ്കാവനത്തിനുള്ളില്‍ ഒരിടത്തും പള്ളി സ്ഥാപിക്കാന്‍ അനുവദിക്കില്ലെന്നും അസന്ദിഗ്ധമായി പ്രഖ്യാപിച്ചു. ജൂണ്‍ 4 ന്‌ നിലക്കലില്‍ പുതിയ സ്ഥലത്തേക്ക്‌ 36 സന്യാസിശ്രേഷ്ഠന്മാരുടെ നേതൃത്വത്തില്‍ ഹിന്ദുക്കള്‍ മാര്‍ച്ചുചെയ്തു. വെടിവെപ്പ്‌ ഉള്‍പ്പെടെയുള്ള മര്‍ദ്ദനമുറകള്‍കൊണ്ട്‌ പോലീസ്‌ മാര്‍ച്ചിനെ നേരിട്ടു. സന്യാസിമാര്‍ ഉള്‍പ്പെടെ അനേകം പേര്‍ക്ക്‌ പരിക്കേറ്റു.

     അനവധിപേര്‍ അറസ്റ്റിലായി. ജൂണ്‍ 6 ന്‌ നിലക്കല്‍ പ്രക്ഷോഭം സര്‍ക്കാര്‍ നിരോധിച്ചു. സംസ്ഥാനത്ത്‌ അനേകായിരം ഹിന്ദുക്കള്‍ അറസ്റ്റ്‌ വരിച്ച്‌ ജയിലിലായി. പ്രക്ഷോഭം ശക്തമായതിനെത്തുടര്‍ന്ന്‌ സംസ്ഥാനത്തുണ്ടായ സംഘര്‍ഷാവസ്ഥ മനസ്സിലാക്കി, സര്‍വ്വോദയ നേതാവ്‌ എം.പി. മന്മഥന്‍ മധ്യസ്ഥശ്രമവുമായി സ്വാമിജിയെ സമീപിച്ചു. ഉപാധികളില്ലാതെ ചര്‍ച്ച നടത്തുവാന്‍ ക്രിസ്ത്യന്‍ സഭാ നേതാക്കള്‍ സമ്മതിച്ചു. ജൂണ്‍ 27 ന്‌ മന്മഥന്‍സാറിന്റെ മധ്യസ്ഥതയില്‍ ആദ്യയോഗം നടന്നു. ആ യോഗത്തില്‍ നിലക്കലില്‍നിന്ന്‌ കുരിശ്‌ മാറ്റാമെന്ന്‌ ക്രൈസ്തവ സഭകള്‍ സമ്മതിച്ചു. എവിടെ കുരിശ്‌ വെക്കണമെന്ന്‌ തര്‍ക്കമായി.

ക്രൈസ്തവ സഭാ നേതാക്കള്‍ ചെങ്കാട്ടുകോണം ആശ്രമത്തിലെത്തി സ്വാമിജിയുമായി ചര്‍ച്ച നടത്തി. ആഗസ്റ്റ്‌ ആദ്യവാരം ക്രൈസ്തവ-ഹൈന്ദവ നേതാക്കള്‍ നിലക്കലിന്‌ സമീപമുള്ള സ്ഥലങ്ങള്‍ സന്ദര്‍ശിച്ചു. ക്രൈസ്തവ നേതാക്കള്‍ ചൂണ്ടിക്കാട്ടിയ സ്ഥലങ്ങള്‍ സ്വാമിജിയുടെ നേതൃത്വത്തിലുള്ള ഹൈന്ദവ നേതൃത്വസംഘം നിരസിച്ചു.

         ആഗസ്റ്റില്‍ ശബരിമല പൂങ്കാവനത്തിന്റെ സ്കെച്ചും പ്ലാനും സ്വാമിജി മന്മഥന്‍ സാറിന്‌ കൈമാറുകയും പൂങ്കാവനത്തിനുള്ളില്‍ പള്ളി പണിയാന്‍ അനുവദിക്കുകയില്ലെന്ന്‌ അസന്ദിഗ്ധമായി പ്രഖ്യാപിക്കുകയും ചെയ്തു. ആഗസ്റ്റ്‌ 12 ന്‌ കോട്ടയം വടവാതൂര്‍ സെമിനാരിയില്‍ അടുത്ത യോഗം നടന്നു. ബിഷപ്പ്‌ യോഗത്തില്‍ പങ്കെടുക്കാത്തതില്‍ പ്രതിഷേധിച്ച്‌ സ്വാമിജിയുടെ നേതൃത്വത്തില്‍ ഹിന്ദുനേതാക്കള്‍ യോഗത്തില്‍നിന്ന്‌ ഇറങ്ങിപ്പോകുകയും, അന്ന്‌ രാത്രി 9 മണിക്ക്‌ കോട്ടയം ഇന്ദ്രപ്രസ്ഥം ഹാളില്‍ യോഗം ചേര്‍ന്ന്‌ സ്ഥിതിഗതികള്‍ വിലയിരുത്തുകയും ചെയ്തു. ആഗസ്റ്റ്‌ 26 ന്‌ ഗവര്‍ണര്‍ക്ക്‌ ഭീമഹര്‍ജി നല്‍കിക്കൊണ്ട്‌ പ്രക്ഷോഭം ശക്തിപ്പെടുത്താന്‍ തീരുമാനിച്ചു. ആഗസ്റ്റ്‌ 28 തിരുവോണ ദിവസം സ്വാമിജി ഉപവസിക്കാന്‍ തീരുമാനിച്ചു. ബിഷപ്പുമാരുടെ അഭ്യര്‍ത്ഥന മാനിച്ച്‌ സ്വാമിജി ഉപവാസം ഉപേക്ഷിച്ചു. പ്രശ്നം കൈവിട്ടുപോകുമെന്ന്‌ മനസിലാക്കിയ ബിഷപ്പുമാര്‍ ആഗസ്റ്റ്‌ 19 ന്‌ കൊല്ലത്ത്‌ യോഗം ചേര്‍ന്ന്‌ നിലക്കല്‍ ആക്ഷന്‍ കമ്മറ്റിയുടെ അതിര്‍ത്തിനിര്‍ണയ പ്ലാന്‍ അനുസരിച്ച്‌ കുരിശ്‌ മാറ്റി സ്ഥാപിക്കാന്‍ തീരുമാനിച്ചു. ഇതിന്റെ അടിസ്ഥാനത്തില്‍ നിലക്കല്‍ പ്രക്ഷോഭം താല്‍ക്കാലികമായി പിന്‍വലിച്ചു.

സ്വാമിജി നിര്‍ദ്ദേശിച്ച സ്ഥലത്തേക്ക്‌, ശബരിമല പൂങ്കാവനത്തിന്‌ വെളിയില്‍ കുരിശ്‌ മാറ്റിസ്ഥാപിച്ചു. അതുകൊണ്ടും സ്വാമിജി തൃപ്തനായില്ല. അദ്ദേഹം നിലക്കലില്‍ ലക്ഷാര്‍ച്ചന നടത്തി. നിലക്കല്‍ ശ്രീകോവിലില്‍, 18 കുടുംബങളിലെ പമ്പാതീര്‍ത്ഥം ശിവലിംഗ പ്രതിഷ്ഠയില്‍ സ്വാമിജി അഭിഷേകം നടത്തുമ്പോള്‍, വര്‍ഗീയ വിഷം വമിച്ച ആ കുരിശ്‌ ആരോരുമറിയാതെ, ഒരു ലോറിയില്‍ ക്ഷേത്രത്തിന്‌ മുന്‍പില്‍കൂടി കടന്നുപോയി.

ശ്രീരാമചന്ദ്രന്റെ ജന്മസ്ഥലമായ അയോധ്യയില്‍ രാമക്ഷേത്രം നിര്‍മിക്കണമെന്നുള്ളത്‌ സ്വാമിജിയുടെ ശപഥമായിരുന്നു. രാമക്ഷേത്ര പുനര്‍നിര്‍മാണസമിതിയില്‍ സ്വാമിജി ഒരു പരമോന്നത സ്ഥാനമാണ്‌ വഹിച്ചിരുന്നത്‌. ഈ സമിതിയുടെ അധ്യക്ഷനായിരുന്ന ശ്രീരാമചന്ദ്ര പരമഹംസന്‍ 2003 ല്‍ സമാധിയായപ്പോള്‍, ആ സന്യാസിവര്യന്റെ സ്മരണക്കായി സ്വാമിജി സ്ഥാപിച്ച ഫലകം ഒരു ചരിത്രസ്മാരകമായി ഇന്ന്‌ അയോധ്യയില്‍ ശ്രീരാമചന്ദ്ര പരമഹംസ സമാധിയില്‍ വിരാജിക്കുന്നു. ഈ ഫലകത്തില്‍, ശ്രീരാമചന്ദ്രപരമഹംസ പ്രശസ്തിയും ശ്രീരാമക്ഷേത്രം അയോധ്യയില്‍ നിര്‍മിക്കുന്ന കാര്യത്തിലുമുള്ള ജഗദ്ഗുരുവിന്റെ ശപഥവും അടങ്ങിയിട്ടുണ്ട്‌.

മാര്‍പ്പാപ്പ കേരളം സന്ദര്‍ശിച്ച സന്ദര്‍ഭത്തില്‍ പ്രസംഗിക്കാനായി ശംഖുമുഖത്ത്‌ സ്ഥാപിച്ച താല്‍ക്കാലിക വേദി ഒരു സ്ഥിരം സംവിധാനമാക്കാനുള്ള ഗൂഢശ്രമം, രാഷ്ട്രീയ നേതൃത്വങ്ങളുടെ ഒത്താശയോടെ ക്രിസ്ത്യന്‍ മതമേധാവികള്‍ നടത്തി. ശംഖുമുഖം ശ്രീപത്മനാഭന്റെ 'ആറാട്ടുകടവ്‌' ആണെന്നും അവിടെ പാപ്പാവേദി അനുവദിക്കില്ലെന്നും സ്വാമിജിയുടെ നേതൃത്വത്തില്‍ ഹൈന്ദവ നേതൃത്വം പ്രഖ്യാപിച്ചു. പ്രക്ഷോഭം ശക്തമാകുമെന്ന്‌ മനസ്സിലായപ്പോള്‍ സ്വാമിജിയുടെ നേതൃത്വത്തിലുള്ള ഹിന്ദുസംഘടനാ നേതാക്കളുമായി ആലോചിച്ച്‌ പാപ്പാവേദി പൊളിച്ചുമാറ്റാന്‍ ക്രിസ്തീയ മതനേതൃത്വം തീരുമാനിച്ചു.

ഗുരുവായൂര്‍, ശബരിമല ക്ഷേത്രങ്ങളില്‍ നടന്ന ക്ഷേത്രവിമോചന സമരങ്ങള്‍ക്ക്‌ സ്വാമിജി ശക്തമായ നേതൃത്വം നല്‍കി. പൂന്തുറയില്‍ നടന്ന മതതീവ്രവാദ ആക്രമണത്തില്‍ സാധു ഹിന്ദുജനതക്ക്‌ എല്ലാം നഷ്ടപ്പെട്ടപ്പോള്‍ സ്വാമിജി അവിടെ ഓടിയെത്തുകയും ആശ്രമത്തില്‍നിന്ന്‌ ഹിന്ദുജനതക്ക്‌ ആവശ്യമായ സാധനങ്ങള്‍ അവിടെ എത്തിക്കുകയും ചെയ്തു. ഇനി ഒരിക്കലും ഹിന്ദുവിന്‌ ഇങ്ങനെ ഒരു അനുഭവം ഉണ്ടാകാതിരിക്കാന്‍ വേണ്ടി 53 ഹിന്ദുസംഘടനകളെ ഉള്‍പ്പെടുത്തി 'ഹിന്ദു ഐക്യവേദി' രൂപീകരിക്കപ്പെട്ടു. ഹിന്ദുവിനെതിരെയുള്ള ഒരു ചെറിയ ആക്രമണംപോലും ചോദ്യംചെയ്യപ്പെടാതെ പോകരുതെന്നും, അവയെ ശക്തമായി ചെറുത്തുതോല്‍പ്പിക്കണമെന്നും ഹിന്ദു ഐക്യവേദി സ്ഥാപക ചെയര്‍മാന്‍സ്ഥാനം ഏറ്റെടുത്തുകൊണ്ട്‌ സ്വാമിജി പ്രഖ്യാപിച്ചു.

വൈക്കം ടിവിപുരം സെമിത്തേരിക്കെതിരെയുള്ള പ്രക്ഷോഭങ്ങളില്‍ ഹിന്ദുക്കള്‍ക്ക്‌ ശക്തമായ നേതൃത്വം അദ്ദേഹം നല്‍കി. വികാസ്ഭവന്‍ ഹനുമാന്‍ കോവിലിന്‌ സമീപമുള്ള സ്ഥലം സി.എച്ച്‌. മുഹമ്മദ്‌ കോയ ഫൗണ്ടേഷന്‌ നല്‍കാന്‍ കരുണാകര മന്ത്രിസഭ തീരുമാനിച്ചപ്പോള്‍ അതിനെ ശക്തമായി എതിര്‍ത്തുകൊണ്ട്‌ ആന്റണി മന്ത്രിസഭയെക്കൊണ്ട്‌ ആ നിര്‍ദ്ദേശം പിന്‍വലിപ്പിക്കുവാന്‍ അദ്ദേഹത്തിന്‌ സാധിച്ചു. കരുനാഗപ്പള്ളി പുതിയകാവ്‌ ദേവീക്ഷേത്ര മൈതാന വിമോചനസമരത്തിന്‌ ശക്തമായ നേതൃത്വം നല്‍കി. ആ ധര്‍മ്മസമരം വിജയപ്രാപ്തിയിലെത്തിക്കുവാന്‍ സ്വാമിജിക്ക്‌ സാധിച്ചു. ശ്രീ മൂകാംബികാ ക്ഷേത്രസന്നിധിയില്‍നിന്ന്‌ തുടങി, കേരളത്തിലെ വടക്കേ അറ്റം മുതല്‍ തെക്കേ അറ്റം വരെയും, കന്യാകുമാരി വരെയും സഞ്ചരിച്ച്‌ ഹിന്ദുവിന്റെ ആത്മാഭിമാനം തട്ടിയുണര്‍ത്തുന്ന ശ്രീരാമനവമി രഥയാത്രയും അതിനോടനുബന്ധിച്ചുള്ള ശ്രീരാമനവമി ഹിന്ദുസമ്മേളനവും സംഘടിപ്പിച്ചത്‌ സ്വാമിജിയുടെ നേതൃത്വത്തിലായിരുന്നു.

             ഹിന്ദു ജനസംഖ്യ വര്‍ധിപ്പിക്കേണ്ട ആവശ്യകത, ഹിന്ദു ബാങ്ക്‌, കൃഷി, വ്യവസായം എന്നിവയില്‍ ഹിന്ദുക്കള്‍ വഹിക്കേണ്ട പങ്ക്‌, ഹിന്ദു വ്യാപാരികള്‍ക്ക്‌ പ്രത്യേക സംഘടന, ഹിന്ദു കുടുംബ യുണിറ്റുകള്‍, ഹിന്ദു പെണ്‍കുട്ടികള്‍ക്കായുള്ള വിവാഹ ഇന്‍ഷുറന്‍സ്‌ പദ്ധതി, സനാതന സംസ്കാരത്തില്‍ അധിഷ്ഠിതമായ വിദ്യാഭ്യാസത്തിന്റെ മഹത്വം, ക്ഷേത്രങ്ങളുടെ അഭിവൃദ്ധി, ഹിന്ദുവിന്‌ ധര്‍മ്മാധിഷ്ഠിതമായ ജീവിതചര്യ, ഹിന്ദു പാര്‍ലമെന്റ്‌- ഇങ്ങനെ ഹിന്ദുവിന്റെ സമഗ്ര പുരോഗതിക്കാവശ്യമായ പദ്ധതികളെക്കുറിച്ച്‌ ചര്‍ച്ച ചെയ്യുകയും അത്‌ നടപ്പാക്കാന്‍ പരിശ്രമിക്കുകയും ചെയ്തു.

     ധര്‍മ്മപ്രചാരണത്തിനായി ശ്രീരാമദാസമിഷന്‍ യൂണിവേഴ്സല്‍ സൊസൈറ്റി സ്ഥാപിക്കുകയും അതിന്റെ മേല്‍നോട്ടത്തില്‍ അനേകം ക്ഷേത്രങ്ങള്‍ നിര്‍മിക്കുകയും, നാശോന്മുഖമായിക്കൊണ്ടിരുന്ന പല ക്ഷേത്രങ്ങളും ഏറ്റെടുത്ത്‌ പുനരുദ്ധാരണം നടത്തുകയും ചെയ്തു. കേരളത്തില്‍ മാത്രമല്ല, ഭാരതത്തിലെ മറ്റു സംസ്ഥാനങ്ങളിലും ക്ഷേത്രങ്ങളും ആശ്രമങ്ങളും സ്ഥാപിച്ചു. അനേകം വിദ്യാഭ്യാസ സ്ഥാപനങ്ങള്‍ തുടങ്ങി.

      ഹിന്ദുക്കള്‍ക്കായി അദ്ദേഹം മുന്നോട്ടുവെച്ച ഏറ്റവും ശ്രദ്ധേയവും സമഗ്രവുമായ ഒരു സംരംഭമായിരുന്നു ശബരിമല വികസനത്തിനായുള്ള 'ഹരിവരാസനം പ്രോജക്ട്‌.' അനേകം സാങ്കേതികവിദഗ്ധരുമായി ആലോചിച്ച്‌ അദ്ദേഹം രൂപകല്‍പ്പന ചെയ്തതായിരുന്നു ഈ പദ്ധതി.ആയുര്‍വേദത്തില്‍ അഗാധ പാണ്ഡിത്യമുണ്ടായിരുന്ന സ്വാമിജി സാഹിത്യം, കഥകളി, തുള്ളല്‍ തുടങ്ങിയ ക്ലാസിക്‌ കലകളുടെ ഉപാസകന്‍കൂടിയായിരുന്നു. ഹിന്ദുക്കളെ സംബന്ധിക്കുന്ന സമസ്ത മേഖലകളെക്കുറിച്ചും ഗഹനമായി ചിന്തിക്കുകയും പദ്ധതികള്‍ ആവിഷ്കരിക്കുകയും അത്‌ നടപ്പാക്കുകയും ചെയ്ത സ്വാമി സത്യാനന്ദസരസ്വതിയുടെ ആത്മാവ്‌ 2006 നവംബര്‍ 24 ന്‌ പരമധാമത്തില്‍ വിലയം പ്രാപിച്ചു.
ആധുനിക കേരളത്തിന്റെ യശസ്സിന്‌ 'ഭസ്മക്കുറി'യിട്ട സ്വാമി സത്യാനന്ദസരസ്വതിയുടെ അനുഭവസാക്ഷ്യം വരുംതലമുറക്ക്‌ പാഠവും വഴികാട്ടിയുമാണ്‌

നിലയ്ക്കല്‍ പ്രക്ഷോഭം






നിലയ്ക്കല്‍ പ്രക്ഷോഭം

ഹൈന്ദവസമൂഹത്തെയാകമാനം തട്ടിയുണര്‍ത്തുവാനും അവര്‍ക്ക് ആവേശം പകരുവാനും എക്കാലവും അവതാരപുരുഷന്മാര്‍ ഭാരതത്തില്‍ ഉണ്ടായിട്ടുണ്ട്. കേരളത്തില്‍ ശ്രീവിദ്യാധിരാജാ ചട്ടമ്പിസ്വാമികളും ശ്രീനാരായണഗുരുദേവനും ആദ്ധ്യാത്മിക സാമൂഹിക പരിവര്‍ത്തനങ്ങളുടെ ശംഖധ്വനി മുഴക്കിയ അവതാരപുരുഷന്മാരാണ്. അവര്‍ക്കുശേഷം ഹൈന്ദവജനതക്കാകമാനം ഊര്‍ജ്ജവും, ഉന്മേഷവും, ആശയവും, ആവേശവും, അറിവും, ആത്മവിശ്വാസവും പകരുവാന്‍ സ്വന്തം ജീവനും ശരീരവും യജ്ഞോപാധിയാക്കി മാറ്റിയ മഹാമനീഷിയാണ് ജഗദ്ഗുരു സ്വാമിസത്യാനന്ദസരസ്വതി. നിലയ്ക്കല്‍ പ്രശ്‌നപരിഹാരത്തിന് ആരാണ് ഹൈന്ദവര്‍ക്ക് നേതൃത്വം നല്‍കേണ്ടതെന്ന കാര്യത്തില്‍ ആര്‍ക്കും രണ്ട് അഭിപ്രായമുണ്ടായിരുന്നില്ല. അതിനുള്ള നേതൃത്വഗുണവും തന്റേടവും എല്ലാം ഹിന്ദുക്കളും കണ്ടത് ജഗദ്ഗുരു സ്വാമിസത്യാനന്ദസരസ്വതി തൃപ്പാദങ്ങളില്‍ തന്നെ. കേരളത്തിലെ ഹൈന്ദവസംഘടനകള്‍ യോഗം ചേര്‍ന്ന് നിലയ്ക്കല്‍ ആക്ഷന്‍ കൗണ്‍സില്‍ രൂപീകരിച്ച് ജഗദ്ഗുരുവിനെ ചെയര്‍മാനായി തെരഞ്ഞെടുത്തു. ഹൈന്ദവജനതയ്ക്ക് പുതിയ ആദ്ധ്യാത്മികനേതൃത്വവും ധൈര്യവും ആത്മവിശ്വാസവും പകര്‍ന്നു. അദ്ദേഹത്തിന്റെ വാഗ്‌ധോരണി കേരളമാകെ അലയടിച്ചു. അസംഘടിതമായി തമ്മിലടിച്ച് അകന്നു നിന്നിരുന്ന സമൂഹങ്ങളെയും സംഘടനകളെയും സ്വാമിജി തന്റെ വാക്കുകള്‍കൊണ്ട് കോര്‍ത്തെടുത്ത് സുന്ദരമായ മാല്യമാക്കി മാറ്റി. ഹൈന്ദവന്റെ മനോമണ്ഡലങ്ങളില്‍ അടിഞ്ഞു കൂടിക്കിടന്ന സ്പര്‍ദ്ധയുടെയും ജനവിദ്വേഷത്തിന്റെയും കാര്‍മേഘപടലങ്ങള്‍ സത്യാനന്ദകൊടുങ്കാറ്റില്‍ അപ്രത്യക്ഷമായി. ഹൈന്ദവരുടെ അപ്രതിഹത ശക്തിയില്‍ ക്രൈസ്തവ അപ്പോസ്തലന്മാരുടെ പദ്ധതികള്‍ പാളി ധൈര്യം ചോര്‍ന്നു. ജഗദ്ഗുരുസ്വാമി സത്യാനന്ദസരസ്വതിയും കുമ്മനം രാജശേഖരനും മാധ്യമങ്ങളില്‍ നിറഞ്ഞുനിന്നു. എങ്ങും ചര്‍ച്ച നിലയ്ക്കല്‍ പ്രശ്‌നം തന്നെ. രണ്ടു സമുദായങ്ങള്‍ തമ്മില്‍ ഏറ്റുമുട്ടുമോ? കേരളം രക്തപ്പുഴയാകുമോ? കുരിശും പള്ളിയും മാറ്റുവാന്‍ ക്രിസ്ത്യാനികള്‍ തയ്യാറാകുമോ? സര്‍ക്കാരിന് എങ്ങനെ പ്രശ്‌നം പരിഹരിക്കാന്‍ കഴിയും? പ്രശ്‌നം ഭാരതത്തിലുടനീളം ഭവിഷ്യത്തുവിന്റെ നേതൃത്വത്തില്‍ ആകാശം മുട്ടെ ഉയര്‍ന്നു. അവരുടെ ധര്‍മ്മബോധം ഉണര്‍ന്നു. രാഷ്ട്രീയത്തിന്റെ കോട്ടകൊത്തളങ്ങള്‍ തകര്‍ന്നു. ക്രൈസ്തവരുടെ കെട്ടിച്ചമച്ച വിശ്വാസപ്രമാണങ്ങള്‍ നയമാക്കിമാറ്റിയ ഇടതുവലതു ശക്തികള്‍ ആടിയുലഞ്ഞു. നിലയ്ക്കലില്‍ പള്ളി പണിയുവാന്‍ കത്തോലിക്കാസഭ ദശാബ്ദങ്ങളായി നടത്തിയ കുതന്ത്രപരമ്പരയ്ക്കും കുല്‍സിതശ്രമങ്ങള്‍ക്കും എന്നെന്നേക്കുമായി വിരാമം വന്നു. അവസാനം ക്ഷേത്രസമീപത്തുനിന്ന് പള്ളിയും കുരിശും മാറ്റേണ്ടിവന്നു. ഹൈന്ദവര്‍ ഒന്നിച്ചാല്‍ ഏതു വെല്ലുവിളിയും നേരിടാനുള്ള കര്‍മ്മശേഷി അവര്‍ക്കുണ്ടെന്ന് ജഗദ്ഗുരു അവരെ പഠിപ്പിച്ചു.

ധര്‍മ്മസമരം


നിലയ്ക്കല്‍ പ്രശ്‌നത്തില്‍ കെ.കരുണാകരന്‍ മുഖ്യമന്ത്രിയായുള്ള കേരളസര്‍ക്കാര്‍ ഹൈന്ദവവികാരങ്ങളെ തെല്ലും മാനിക്കാതെയും സന്യാസിമാര്‍ക്ക് പുല്ലുവില കല്‍പ്പിക്കാതെയും രാജധര്‍മ്മവും രാജ്യതന്ത്രജ്ഞതയും മറന്ന് ന്യൂനപക്ഷവിഭാഗമായ ക്രിസ്ത്യാനികള്‍ക്ക് ഓശാന പാടിയത് പ്രശ്‌നം സങ്കീര്‍ണമാക്കി. നിലയ്ക്കലില്‍ പള്ളിപണിയുവാന്‍ 2 ഹെക്ടര്‍ ഭൂമി നല്‍കിക്കൊണ്ടാണ് സര്‍ക്കാര്‍ ഹൈന്ദവവികാരങ്ങളെ തൃണവല്‍ഗണിക്കുവാനുള്ള പ്രാരംഭപ്രവര്‍ത്തനങ്ങള്‍ക്ക് തുടക്കം കുറിച്ചത്. ഇത് നിലയ്ക്കല്‍ പ്രശ്‌നം ആളിക്കത്തുവാന്‍ കാരണമായി. കേരളത്തിലെ എല്ലാ ഹൈന്ദവസംഘടനാപ്രതിനിധികളും പ്രമുഖരായ സന്യാസിവര്യന്മാരും സ്വാമിസത്യാനന്ദസരസ്വതി തൃപ്പാദങ്ങളുടെ നേതൃത്വത്തില്‍ അണിനിരന്ന് ഒരുമിച്ച് ശബ്ദിച്ചിട്ടും മുഖ്യമന്ത്രി അത് അംഗീകരിച്ചില്ല എന്നു മാത്രമല്ല സന്യാസിമാരെ അവഹേളിച്ചുകൊണ്ട് പ്രസ്താവിച്ചത് ഭാരതത്തിലെ അംഗീകരിക്കപ്പെടുന്ന മാതാചാര്യന്മാര്‍ പറയട്ടെ. തീരുമാനം പുനഃപരിശോധിക്കാം എന്നായിരുന്നു. ഈ പ്രസ്താവന സന്യാസിമാരുടെ നിലയ്ക്കല്‍ മാര്‍ച്ചിന് വഴിതെളിച്ചു. നിലയ്ക്കല്‍ അനധികൃതമായി പണിത പള്ളിയില്‍ തപസ്സനുഷ്ഠിക്കുമെന്ന് പ്രഖ്യാപിച്ചുകൊണ്ട് ഒരു വിഭാഗം സന്യാസിമാര്‍ സ്വാമി ഭൂമാനന്ദതീര്‍ത്ഥയുടെ നേതൃത്വത്തില്‍ നിലയ്ക്കലേക്ക് മാര്‍ച്ച് ചെയ്തു. ആയിരക്കണക്കിന് ഹൈന്ദവര്‍ അവരെ അനുഗമിച്ചു. നിലയ്ക്കലില്‍ വച്ച് മാര്‍ച്ചില്‍ പങ്കെടുത്ത സന്യാസിമാരെയും ഹൈന്ദവരെയും കരുണാകരന്റെ പോലീസ് തല്ലിച്ചതച്ച സന്യാസിമാരെയും ഹിന്ദുനേതാക്കന്മാരെയും അറസ്റ്റ് ചെയ്ത് തുറിങ്കിലടച്ചു. കേരളത്തിലെമ്പാടും പ്രതിഷേധകൊടുങ്കാറ്റ് ആഞ്ഞടിച്ചു. ഹിന്ദുനേതാക്കന്മാരെ തെരഞ്ഞുപിടിച്ച് അറസ്റ്റ് ചെയ്ത് കേസുകളില്‍ കുടുക്കി. നിലയ്ക്കലിലും പരിസരപ്രദേശങ്ങളിലും നിരോധനാജ്ഞ പ്രഖ്യാപിച്ചു. ആക്ഷന്‍കൗണ്‍സില്‍ കണ്‍വീനര്‍ ശ്രീ.കുമ്മനം രാജശേഖരന്‍ ഉള്‍പ്പെടെ അറസ്റ്റ് ചെയ്ത സര്‍വപേരേയും മോചിപ്പിച്ചു. കേസുകള്‍ പിന്‍വലിക്കാതെ യാതൊരു സൗഹൃദസംഭാഷണവും ഉണ്ടാവില്ലെന്ന് ജഗദ്ഗുരു പ്രഖ്യാപിച്ചു. സ്വാമിയുടെ ശക്തമായ നിലപാടിനെ തുടര്‍ന്ന് ജൂണ്‍ 12-ാം തീയതി കുമ്മനത്തിനും മറ്റു പ്രവര്‍ത്തകര്‍ക്കും ജാമ്യം അനുവദിച്ചു. പോലീസ് നടപടിയെ അനുകൂലിച്ചുകൊണ്ടുള്ള കേന്ദ്രമന്ത്രി സി.എം.സ്റ്റീഫന്റെ പ്രസ്താവന ഹൈന്ദവരെ രോഷാകുലരാക്കി. ജഗദ്ഗുരു പ്രസ്താവനയ്‌ക്കെതിരെ ആഞ്ഞടിച്ചു. ‘സനാതനധര്‍മ്മത്തിന്റെ താക്കോല്‍ ക്രിസ്തുവിന് മുമ്പ് സൂക്ഷിച്ചവര്‍ തന്നെയാണ് ഇപ്പോഴും സൂക്ഷിക്കുന്നത്. എന്നാല്‍ ജനകീയതയുടെ താക്കോല്‍ അങ്ങനെയല്ല’.

2012, ഒക്‌ടോബർ 27, ശനിയാഴ്‌ച

ദേവസ്വം ഭരണത്തില്‍ സര്‍ക്കാര്‍ പിടിമുറുക്കുന്നു : കുമ്മനം രാജശേഖരന്‍


                ക്ഷേത്ര ഭരണത്തില്‍ സര്‍ക്കാരിന്റെ നിയന്ത്രണവും പരമാധികാരവും ഉറപ്പിക്കുവാനും പിടിമുറുക്കുവാനുമാണ്‌ ഇപ്പോള്‍ ദേവസ്വം ഓര്‍ഡിനന്‍സിന്‍്‌ മന്ത്രി സഭ രൂപം നല്‍കിയിട്ടുള്ളതെന്ന്‌ ഹിന്ദു ഐക്യവേദി ജനറല്‍ സെക്രട്ടറി കുമ്മനം രാജശേഖരന്‍ പ്രസ്താവനയില്‍ കുറ്റപ്പെടുത്തി.

ദേവസ്വം ബോര്‍ഡനെ സ്വന്തം രാഷ്ട്രീയാധികാര കേന്ദ്രമാക്കി മാറ്റുവാനുള്ള അടവുനയം മാത്രമാണ്‌ ഹിന്ദു എംഎല്‍എ മാര്‍ക്ക്‌ ഈശ്വര വിശ്വാസമുണ്ടാവണമെന്ന വ്യവസ്ഥ. ക്ഷേത്രഭരണത്തില്‍ ഭക്തജനങ്ങള്‍ക്ക്‌ പ്രാതിനിധ്യം നല്‍കുന്ന വ്യവസ്ഥകള്‍ ഉള്‍പ്പെടുത്തി ദേവസ്വം ബോര്‍ഡിനെ ജനാധിപത്യവല്‍ക്കരിക്കേണ്ടതിന്‌ പകരം കൂടുതല്‍ അധികാരങ്ങള്‍ കൈക്കലാക്കി ഭരണം തങ്ങളിലേക്ക്‌ കേന്ദ്രീകരിക്കുവാനാണ്‌ സര്‍ക്കാരിന്റെ ശ്രമം. ദേവസ്വം ഭരണത്തെ രാഷ്ട്രീയ വിമുക്തമാക്കണമെന്ന കെ.പി. ശങ്കരന്‍നായര്‍ കമ്മീഷന്‍ ശുപാര്‍ശ സര്‍ക്കാര്‍ അംഗീകരിച്ചു നടപ്പിലാക്കണം.

ക്ഷേത്ര പ്രവേശന വിളംബരത്തില്‍ 75-ാ‍ം വാര്‍ഷികം ആഘോഷിക്കുന്ന ഈ വേളയില്‍ ക്ഷേത്ര ഭരണത്തില്‍ ഭക്തജന പ്രതിനിധികള്‍ക്ക്‌ പ്രവേശനം അനുവദിക്കുകയാണ്‌ സര്‍ക്കാര്‍ ചെയ്യേണ്ടത്‌. ക്ഷേത്ര ദര്‍ശനത്തിനെത്തുന്നവരില്‍ ഭൂരിപക്ഷം സ്ത്രീകളായിരിക്കെ, അവര്‍ക്ക്‌ ദേവസ്വം ബോര്‍ഡില്‍ പ്രാതിനിധ്യം നിഷേധിക്കുന്നത്‌ ഒട്ടും നീതികരിക്കാവുന്നതല്ല. പട്ടികജാതിക്കാര്‍ക്ക്‌ നീക്കിവച്ചിട്ടുള്ള സ്ഥാനം വ്യവസ്ഥ ചെയ്യുന്നത്‌ നിരുപാധികമായിട്ടായിരിക്കണം.


ദേവസ്വം റിക്രൂട്ട്മെന്റ്‌ ബോര്‍ഡ്‌ രൂപീകരിച്ചതോടെ ക്ഷേത്ര ഭരണത്തില്‍ ദേവസ്വം ബോര്‍ഡ്‌ കൂടാതെ മറ്റൊരു അധികാരകേന്ദ്രം കൂടി സര്‍ക്കാരിന്‌ ലഭിക്കും. അവിടെ രാഷ്ട്രീയ പാര്‍ട്ടിക്കാര്‍ക്ക്‌ അധികാരം പങ്കുവെയ്ക്കുവാനും അഴിമതി വ്യാപകമാക്കാനും അവസരം ഉണ്ടാകും.പിഎസ്സി വഴി നിയമനം നടത്തുന്നതിന്‌ നടപടി ക്രമങ്ങള്‍ എല്ലാം പൂര്‍ത്തിയായപ്പോഴാണ്‌ അവയെ അട്ടിമറിച്ചുകൊണ്ട്‌ പുതിയ റിക്രൂട്ട്മെന്റ്‌ സംവിധാനം കൊണ്ടുവരുന്നത്‌. നിഷ്പക്ഷവും സ്വതന്ത്രവുമായി റിക്രൂട്ടിംഗ്‌ സംവിധാം ഇന്ന്‌ നിലവിലുള്ളത്‌ പിഎസ്സി മാത്രമാണ്‌.


ഹജ്ജ്‌ കമ്മിറ്റി, വഖഫ്‌ ബോര്‍ഡ്‌ തുടങ്ങിയ മുസ്ലിം സ്ഥാപനങ്ങളില്‍ അധികാരികളെ നിശ്ചയിക്കുന്നതിന്‌ എംഎല്‍എമാര്‍ക്ക്‌ ഈശ്വര വിശ്വാസം ആവശ്യമില്ലെന്ന്‌ പിണറായി വിജയന്‍ പറയുന്നു.പള്ളികളും മോസ്കുകളും ഭരിക്കുന്നവരെ നിശ്ചയിക്കുവാന്‍ ക്രൈസ്തവ മുസ്ലിം എംഎല്‍എ മാര്‍ക്ക്‌ എന്തുകൊണ്ട്‌ അധികാരമില്ലെന്നും ക്ഷേത്രങ്ങള്‍ ഭരിക്കുന്ന കാര്യത്തില്‍ മാത്രം എംഎല്‍എമാര്‍ക്ക്‌ എന്തിനാണ്‌ അധികാരം നല്‍കുന്നതെന്നും ചോദിക്കുവാന്‍ സിപിഎം നേതാവ്‌ ആര്‍ജ്ജവം കാട്ടേണ്ടതാണ്‌. ദേവസ്വം നിയമത്തിന്റെ മാതൃകയില്‍ പള്ളികള്‍ക്കും ഒരു ഭരണ ബോര്‍ഡ്‌ രൂപീകരിക്കണമെന്ന ജസ്റ്റീസ്‌ വി.ആര്‍. കൃഷ്ണയ്യരുടെ നേതൃത്വത്തിലുള്ള നിയമപരിഷ്കാരകമ്മീഷന്റെ നിര്‍ദ്ദേശം സിപിഎം സര്‍ക്കാര്‍ തള്ളിക്കളഞ്ഞത്‌ എന്തുകൊണ്ടാണെന്നും പിണറായി വിജയന്‍ വ്യക്തമാക്കണമെന്ന്‌ രാജശേഖരന്‍ ആവശ്യപ്പെട്ടു.

2012, ഒക്‌ടോബർ 15, തിങ്കളാഴ്‌ച

വിഷ്ണുനാഥ എംഎല്‍എയുടെ ഹിന്ദുവിരുദ്ധനിലപാടിനെതിരെ എസ്‌എന്‍ഡിപിയും കെപിഎംഎസും




           ശ്രീകൃഷ്ണജയന്തിയെ അപകീര്‍ത്തിപ്പെടുത്തിയ പി.സി. വിഷ്ണുനാഥ്‌ എംഎല്‍എക്കെതിരെ എസ്‌എന്‍ഡിപിയും കെപിഎംഎസും. മതതീവ്രവാദികളെ സുഖിപ്പിക്കാനാണ്‌ പി.സി.വിഷ്ണുനാഥ്‌ എംഎല്‍എ ബാലഗോകുലത്തിനെതിരെയും ശ്രീകൃഷ്ണജയന്തി ആഘോഷങ്ങള്‍ക്കെതിരെയും പ്രസ്താവന നടത്തുന്നതെന്ന്‌ എസ്‌എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. സ്വയം അപഹാസ്യനാകുകയാണ്‌ വിഷ്ണുനാഥ്‌. ബാലഗോകുലത്തില്‍ തീവ്രവാദ ക്ലാസുകള്‍ നടക്കുന്നില്ല. അത്തരം ക്ലാസുകള്‍ നടത്തുന്നവരെ വിഷ്ണുനാഥും കൂട്ടരും പ്രോത്സാഹിപ്പിക്കുകയാണ്‌. വിഷ്ണുഭക്തരുടെ കൂട്ടായ്മയാണ്‌ ബാലഗോകുലം. നമ്മുടെ സംസ്കാരമാണ്‌ അവിടെ പഠിപ്പിക്കുന്നത്‌. ബാലഗോകുലത്തിന്റെ പരിപാടികളില്‍ എല്ലാവിഭാഗം ആളുകളും പങ്കെടുക്കുന്നുണ്ട്‌. രക്ഷിതാക്കള്‍ക്കൊപ്പമാണ്‌ കുട്ടികള്‍ ശ്രീകൃഷ്ണജയന്തി ആഘോഷങ്ങളില്‍ പങ്കെടുക്കുന്നത്‌. ചെറുപ്പക്കാരനായ വിഷ്ണുനാഥ്‌ കാര്യങ്ങള്‍ പഠിക്കാന്‍ തയ്യാറാകണം. അല്ലാതെ വായില്‍വരുന്നതെന്തും വിളിച്ചുപറയുകയല്ല ചെയ്യേണ്ടതെന്നും വെള്ളാപ്പള്ളി പറഞ്ഞു.
         ബാലഗോകുലത്തിനും ശ്രീകൃഷ്ണജയന്തി ആഘോഷങ്ങള്‍ക്കുമെതിരെ പി.സി.വിഷ്ണുനാഥ്‌ നടത്തിയ പ്രസ്താവന സ്ഥിരബുദ്ധിയില്ലാത്ത ജല്‍പ്പനങ്ങളാണെന്ന്‌ കെപിഎംഎസ്‌ സംഘടനാ സെക്രട്ടറി തുറവൂര്‍ സുരേഷും അഭിപ്രായപ്പെട്ടു. അഹിന്ദുക്കള്‍ പോലും ബാലഗോകുലത്തിനെതിരെ ഇത്തരത്തില്‍ പ്രസ്താവന നടത്തില്ല. കമ്യൂണിസ്റ്റ്‌, കോണ്‍ഗ്രസ്‌ കുടുംബങ്ങളില്‍ നിന്നുള്ള കുട്ടികളാണ്‌ ബാലഗോകുലത്തിന്റെ ശ്രീകൃഷ്ണജയന്തി ആഘോഷങ്ങളില്‍ പങ്കെടുക്കാറുള്ളത്‌. ഹിന്ദുസമൂഹത്തിന്റെ മുഴുവന്‍ ഉത്സവമാണിത്‌. അതിനെ രാഷ്ട്രീയവത്ക്കരിക്കാനുള്ള നീക്കം അപലപനീയമാണ്‌. ഭൂരിപക്ഷ സമുദായങ്ങള്‍ക്കിടയില്‍ അടുത്തകാലത്തുണ്ടായിട്ടുള്ള ഐക്യം ഇടതു-വലത്‌ രാഷ്ട്രീയ പാര്‍ട്ടികളെ വിറളി പിടിപ്പിച്ചിട്ടുണ്ട്‌. അതിന്റെ തെളിവാണ്‌ വിഷ്ണുനാഥിന്റെ പ്രസ്താവന. സംഘടിത മതന്യൂനപക്ഷ സംഘടനകളെ പ്രീതിപ്പെടുത്തുന്നതിനായി മതേതര നായകരാകാനാണ്‌ വിഷ്ണുനാഥ്‌ ശ്രമിക്കുന്നത്‌. ഇത്തരക്കാരുടെ ജല്‍പ്പനങ്ങള്‍ ഹിന്ദുസമൂഹം അവജ്ഞയോടെ തള്ളിക്കളയുമെന്നും തുറവൂര്‍ സുരേഷ്‌ പറഞ്ഞു.
       ഇതിനിടെ, ശ്രീകൃഷ്ണജയന്തി ആഘോഷത്തേയും കുട്ടികളില്‍ ദേശീയബോധവും സാംസ്കാരികതയും വളര്‍ത്തുന്ന ബാലഗോകുലത്തെയും അധിക്ഷേപിച്ച വിഷ്ണുനാഥിനെതിരെ വക്കീല്‍ നോട്ടീസയച്ചു. ചേര്‍ത്തല തെക്ക്‌ ഇലഞ്ഞിയില്‍ അരുണ്‍.കെ.പണിക്കര്‍ അഡ്വ.വി.എസ്‌.രാജന്‍ മുഖേനയാണ്‌ നോട്ടീസ്‌ അയച്ചത്‌. വിഷ്ണുനാഥ്‌ പരസ്യമായി മാപ്പുപറഞ്ഞില്ലെങ്കില്‍ പ്രോസിക്യൂഷന്‍ നടപടി സ്വീകരിക്കുമെന്ന്‌ നോട്ടീസില്‍ അറിയിച്ചിട്ടുണ്ട്‌.

വിഷ്ണുനാഥി ന്റെ വിപരീതബുദ്ധി വിനാശത്തിനു :ഹിന്ദുഐക്യവേദി



                ശ്രീകൃഷ്ണജയന്തി ശോഭായാത്രയില്‍  പങ്കെടുക്കുന്ന കുട്ടികള്‍  നാളത്തെ വര്‍ഗീയവാദികള്‍ ആണ് എന്ന് പി സി വിഷ്ണുനാഥ് പറഞ്ഞത്  അദ്ദേഹത്തിന്‍റെ നിലവാരതകര്‍ച്ചയാണ്  എന്നും വിഷ്ണുനാഥിന്റെ അസ്ഥാനത്തുള്ള വിപരീതബുദ്ധിയും നിലപാടില്‍ ഉറച്ചു നില്‍ക്കുന്നു എന്ന ധാര്‍ഷ്ട്യവും  അദ്ദേഹത്തിനു വരാനിരിക്കുന്ന രാഷ്ട്രീയദുരന്തങ്ങളുടെ മണിമുഴക്കം ആണ് എന്നും ഹിന്ദുഐക്യവേദി സംസ്ഥാന സെക്രട്ടറി ബ്രഹ്മചാരി ഭാര്‍ഗവരാം.
          നബിദിനാഘോഷത്തിന്റെ ഭാഗമായും ക്രിസ്തുമസിന്റെ ഭാഗമായും ഉള്ള റാലികളിലും പരിപാടികളിലും പങ്കെടുക്കുന്ന കുട്ടികളെ കുറിച്ച് വിഷ്ണുനാഥിനുള്ള അഭിപ്രായം അറിയാന്‍ ഹിന്ദുസമാജത്തിനു ആഗ്രഹമുണ്ട്. കാസര്‍ഗോഡ് ജില്ലയില്‍ നബിദിനാഘോഷം നടക്കവേ പട്ടാള വേഷത്തില്‍ തീവ്രവാദികള്‍  പ്രകോപനപരമായ മുദ്രാവാക്യങ്ങളോടെ മാര്‍ച്ച് നടത്തിയതിന്റെ  ജാള്യത മറക്കാന്‍ മുസ്ലീംലീഗ് നടത്തിയ ഗൂഡാലോചനയാണ്  പി സി വിഷ്ണുനാഥ് നടത്തിയ അഭിപ്രായപ്രകടനത്തിന്റെ അടിസ്ഥാനം. ന്യൂനപക്ഷമതാധ്യക്ഷന്മാരുടെ മനസ്സാക്ഷി സൂക്ഷിക്കുന്ന വിഷ്ണുനാഥ് ഹൈന്ദവഐക്യത്തെ ആക്ഷേപിച്ചതില്‍ അത്ഭുതമില്ല എന്നും ബ്രഹ്മചാരി ഭാര്‍ഗവരാം വ്യക്തമാക്കി.
            കോണ്ഗ്രസ് പാര്‍ട്ടി എക്കാലത്തും ഇല്ലാതവണ്ണം കൂടുതല്‍ ഹിന്ദു വിരുദ്ധം ആയിട്ടുണ്ട്  എന്നും ഏതിന്റെ പേരില്‍ ആണെങ്കിലും ഈ പ്രവണത വച്ചു പ്രോത്സാഹിപ്പിക്കത്തക്കതല്ല എന്നും അദ്ദേഹം ചൂണ്ടിക്കാട്ടി. പി സി വിഷ്ണുനാഥ്, പി.ജെ പൌലോസ്‌ തുടങ്ങി  ഹിന്ദുവിരുദ്ധ പ്രവര്‍ത്തനങ്ങളും പ്രസ്താവനകളും നടത്തുന്നവരെ  നിലയ്ക്ക് നിര്‍ത്താന്‍  കോണ്ഗ്രസ്പാര്‍ട്ടി തയ്യാറാകണമെന്നും   അദ്ദേഹം ആവശ്യപ്പെട്ടു. വിശ്വാസികള്‍ ആയ നിരവധി ഹിന്ദുക്കള്‍ ഇപ്പോഴും കോണ്ഗ്രസ് പാര്‍ട്ടിയില്‍ ഉണ്ടെന്നു ഇവര്‍ ഓര്‍മിക്കുന്നത് നല്ലതായിരിക്കും. ഘടകകക്ഷികളുടെ  വര്‍ഗീയമുഖത്തിനു  വെള്ള പൂശാന്‍ നടത്തുന്ന  ഇത്തരം ശ്രമങ്ങള്‍ അപലപനീയമാണ്. കോണ്ഗ്രസ് പാര്‍ട്ടിയില്‍ നിന്നുകൊണ്ട് ഘടകക്ഷികള്‍ക്ക് വേണ്ടി വാദിക്കുകയും പ്രവര്‍ത്തിക്കുകയും പ്രസ്താവനകള്‍ ഇറക്കുകയും ചെയ്ത് ഘടകകക്ഷികളുടെ വര്‍ഗീയതാല്പര്യങ്ങള്‍ നടപ്പിലാക്കാന്‍ മത്സരിക്കുന്ന നേതാക്കള്‍  ആണ് ഇന്ന് കൊണ്ഗ്രസില്‍ ഏറെയുള്ളത് . അതിര് കവിഞ്ഞ ഇത്തരം പ്രവണതയുടെ ഭാഗമായി  ഹിന്ദുധര്‍മത്തെ അവഹേളിക്കുന്നത്  കണ്ടില്ല എന്ന് നടിക്കാന്‍ കഴിയില്ല എന്നും അദ്ദേഹം സൂചിപ്പിച്ചു.
       
       നമ്മുടെ സംസ്കാരത്തെ ഇല്ലാതാക്കി ഭാരതത്തെ തകര്‍ക്കാനും പാരമ്പര്യത്തെ തള്ളിപ്പറയാനും ശ്രമിക്കുന്ന രാജ്യദ്രോഹികള്‍ക്ക്‌ ഒത്താശ ചെയ്യാന്‍ മതഭീകരരുടെ വക്താവാകുകയാണ്‌ ബാലഗോകുലത്തെ ആക്രമിക്കുന്നതിലൂടെ വിഷ്ണുനാഥ്‌ ചെയ്യുന്നത്‌. വോട്ട്‌ ബാങ്ക്‌ രാഷ്ട്രീയത്തിന്‌ വേണ്ടി മതഭീകരവാദികളുടെ കൂട്ടുപിടിക്കുന്ന കോണ്‍ഗ്രസ്‌ നേതാവിന്റെ നീക്കം ദേശദ്രോഹപരമാണ്‌. ഹൈന്ദവ ദര്‍ശനങ്ങളേയും ആചാരങ്ങളേയും ആക്ഷേപിക്കുന്ന എംഎല്‍എ സ്വന്തം പേരായ വിഷ്ണുനാഥ്‌ എന്ന പേരിന്‌ അര്‍ഹനല്ല. ആ പേര്‌ മാറ്റി പുതിയ പേര്‌ സ്വീകരിക്കേണ്ടതാണെന്നും എംഎല്‍എയുടെ ഹിന്ദുവിരുദ്ധ പ്രവര്‍ത്തനത്തെപ്പറ്റി നിയമസഭാസമിതി അന്വേഷിക്കണമെന്നും സുശികുമാര്‍ ആവശ്യപ്പെട്ടു. 
            

2012, ഒക്‌ടോബർ 11, വ്യാഴാഴ്‌ച

മാറാട്‌ കൂട്ടക്കൊലയ്ക്ക്‌ പിന്നിലെ ഗൂഢാലോചന സിബിഐ അന്വേഷിക്കണമെന്ന ആവശ്യവുമായി ഹിന്ദുഐക്യവേദി

മാറാട്‌ മാര്‍ച്ച്‌ സര്‍ക്കാരിന്‌ താക്കീതായി

            മാറാട്‌ കൂട്ടക്കൊലയ്ക്ക്‌ പിന്നിലെ ഗൂഢാലോചന സിബിഐ അന്വേഷിക്കണമെന്ന ആവശ്യവുമായി ഹിന്ദുഐക്യവേദി നടത്തുന്ന പ്രക്ഷോഭത്തിന്റെ ഭാഗമായി ഇന്നലെ കേന്ദ്ര ആഭ്യന്തരസഹമന്ത്രി മുല്ലപ്പള്ളി രാമചന്ദ്രന്റെ വടകരയിലെ ക്യാമ്പ്‌ ഓഫീസിലേക്ക്‌ നടന്ന മാര്‍ച്ചില്‍ സര്‍ക്കാരിനെതിരെ പ്രതിഷേധമിരമ്പി. മതഭീകരവാദശക്തികളുടെ നിയന്ത്രണത്തിലാണ്‌ കേന്ദ്ര-കേരള സര്‍ക്കാറുകള്‍ എന്നതിന്റെ തെളിവാണ്‌ മാറാട്‌ കൂട്ടക്കൊലയ്ക്കു പിന്നിലെ ഗൂഢാലോചന സിബിഐ അന്വേഷിക്കണമെന്ന ആവശ്യം അംഗീകരിക്കാത്തതിന്‌ പിന്നിലെന്ന്‌ മാര്‍ച്ച്‌ ഉദ്ഘാടനം ചെയ്ത്‌ ഹിന്ദുഐക്യവേദി സംസ്ഥാന ജനറല്‍സെക്രട്ടറി കുമ്മനം രാജശേഖരന്‍ പറഞ്ഞു.

            മാറാട്‌ കൂട്ടക്കൊലയ്ക്ക്‌ പിന്നിലെ തീവ്രവാദശക്തികളുടെ പങ്ക്‌ പുറത്ത്‌ വന്നാല്‍ ഭരണത്തിലിരിക്കുന്നവരുടെ സിംഹാസനം ഇളകും. സമൂഹത്തില്‍ മാന്യന്മാരായി വിലസിനടക്കുന്ന വ്യാജന്മാരുടെ മുഖംമൂടി വലിച്ചെറിയപ്പെടുകയും ചെയ്യും. ആരോടാണ്‌ കേന്ദ്രആഭ്യന്തരവകുപ്പിനും സര്‍ക്കാറിനും വിധേയത്വം എന്ന്‌ മുല്ലപ്പള്ളി രാമചന്ദ്രന്‍ വ്യക്തമാക്കണം. സിബിഐ അന്വേഷണത്തെ എതിര്‍ത്ത സിപിഎമ്മും ലീഗും ഇന്ന്‌ സിബിഐ അന്വേഷണത്തെ അനുകൂലിക്കുന്നു. യുഡിഎഫും എല്‍ഡിഎഫും ഇപ്പോള്‍ സിബിഐ അന്വേഷണത്തെ പിന്തുണക്കുന്നുണ്ട്‌. എന്നിട്ടും സിബിഐ അന്വേഷണം പ്രഖ്യാപിക്കാത്തതിന്‌ പിന്നില്‍ തീവ്രവാദശക്തികള്‍ക്ക്‌ വിധേയത്വമുള്ള സര്‍ക്കാറാണ്‌ ഇവിടെ ഭരിക്കുന്നത്‌ എന്നതിന്റെ തെളിവാണ്‌. ഒമ്പതരവര്‍ഷമായി നടക്കുന്ന സഹനസമരത്തെ കണ്ടില്ലെന്ന്‌ നടിക്കുന്ന സര്‍ക്കാര്‍ ഹിന്ദുസമൂഹത്തിന്റെ ക്ഷമയെ പരീക്ഷിക്കുകയാണ്‌.

കേരളത്തെ നിയന്ത്രിക്കുന്നത്‌ ലീഗാണെന്ന്‌ പ്രഖ്യാപിച്ച മന്ത്രിയുടെ ധാര്‍ഷ്ട്യത്തെ ന്യായീകരിക്കുകയാണ്‌ രമേശ്‌ ചെന്നിത്തലയും കോണ്‍ഗ്രസും. ലീഗിന്റെ ഇഷ്ടാനുസരണമുള്ള ഏകാധിപത്യ ഭരണത്തിലേക്കാണ്‌ കേരളം നീങ്ങുന്നത്‌. കേരളത്തില്‍ മണ്ണിനും ജലത്തിനും വേണ്ടിയുള്ള സമരം നടക്കുകയാണ്‌. മാറാട്ടെ സമരവും ഒറ്റപ്പെട്ട സമരമല്ല. പാവപ്പെട്ട മത്സ്യത്തൊഴിലാളി കുടുംബങ്ങള്‍ക്ക്‌ നീതിലഭിക്കും വരെ ഈ സമരം തുടരും. അദ്ദേഹം പറഞ്ഞു.

മാറാട്‌ സിബിഐ അന്വേഷണത്തെ എതിര്‍ത്ത സിപിഎം സംസ്ഥാന സെക്രട്ടറി പിണറായി വിജയന്‍ മാറാട്ടെ മത്സ്യത്തൊഴിലാളുടെ ബലികുടീരങ്ങള്‍ക്ക്‌ മുമ്പില്‍ ചെന്ന്‌ മാപ്പിരന്നിട്ടുവേണമായിരുന്നു ഇപ്പോഴത്തെ നിലപാട്‌ മാറ്റം നടത്താനെന്ന്‌ ബിജെപി സംസ്ഥാന പ്രസിഡന്റ്‌ വി.മുരളീധരന്‍ പറഞ്ഞു. മുസ്ലിംലീഗ്‌ പുറത്ത്‌ പറയുന്നതല്ല അതിന്റെ യഥാര്‍ത്ഥ നയം എന്ന്‌ ഇന്ന്‌ വെളിപ്പെട്ടിരിക്കുകയാണ്‌. അവര്‍ ആവശ്യപ്പെടുന്നതല്ല അവര്‍ ആഗ്രഹിക്കുന്നത്‌. സിബിഐ അന്വേഷണത്തിന്‌ പരസ്യമായി പിന്തണക്കുമ്പോള്‍ രഹസ്യമായി അതിന്‌ തുരങ്കംവെക്കുകയാണ്‌. കേസന്വേഷണങ്ങള്‍ മരവിപ്പിക്കുന്ന കാലമാണിത്‌. ടി.പി. ചന്ദ്രശേഖരന്‍ വധത്തില്‍ വമ്പന്‍ സ്രാവുകള്‍ പിടിക്കപ്പെടുമെന്ന്‌ മുല്ലപ്പള്ളി രാമചന്ദ്രന്‍ പ്രഖ്യാപിച്ചു. മന്ത്രി ഏത്‌ വമ്പന്‍ സ്രാവിനെയാണ്‌ അറസ്റ്റ്‌ ചെയ്തതെന്ന്‌ വ്യക്തമാക്കണം. പയ്യോളിയിലെ മനോജ്‌ വധക്കേസും അട്ടിമറിക്കാന്‍ കൂട്ടുനില്‍ക്കുകയാണ്‌ കോണ്‍ഗ്രസ്‌. ജനശക്തിക്കുമുമ്പില്‍ സര്‍ക്കാറിന്‌ ഇതിനെല്ലാം മറുപടി പറയേണ്ടിവരുമെന്ന്‌ മുരളീധരന്‍ ഓര്‍മ്മിപ്പിച്ചു. സമാധാനത്തിന്റെയും ശാന്തിയുടെയും പരിധി ലംഘിക്കുന്ന സാഹചര്യത്തിലേക്ക്‌ മാറാട്‌ സമരത്തെ വലിച്ചുനീട്ടരുതെന്ന്‌ ആര്‍എസ്‌എസ്‌ പ്രാന്തകാര്യവാഹ്‌ പി.ഗോപാലന്‍കുട്ടിമാസ്റ്റര്‍ സര്‍ക്കാറിനെ ഓര്‍മ്മിപ്പിച്ചു. മുസ്ലീംലീഗിന്റെ വര്‍ഗീയ-മതധാര്‍ഷ്ട്യത്തിന്‌ മുന്നില്‍ മുട്ടുകുത്തുന്ന കോണ്‍ഗ്രസിനെ ജനകീയചെറുത്തുനില്‍പ്പിലൂടെ പാഠം പഠിപ്പിക്കാന്‍ മുന്നോട്ടുവരണമെന്ന്‌ അദ്ദേഹം ആവശ്യപ്പെട്ടു.

          മാറാട്‌ അരയസമാജം പ്രസിഡന്റ്‌ പി.ദാസന്‍ അധ്യക്ഷത വഹിച്ചു. ശശികമ്മട്ടേരി സ്വാഗതവും സദാനന്ദന്‍ നന്ദിയും പറഞ്ഞു. ലിങ്ക്‌ റോഡില്‍ നിന്ന്‌ ആരംഭിച്ച പ്രതിഷേധ മാര്‍ച്ചില്‍ സ്ത്രീകളടക്കം നൂറുകണക്കിന്‌ പ്രവര്‍ത്തകര്‍ പങ്കെടുത്തു. മാര്‍ച്ചിന്‌ ഹിന്ദുഐക്യവേദി സംസ്ഥാന സംഘടനാകാര്യദര്‍ശി കെ.പി. ഹരിദാസ്‌, സഹസംഘടനാസെക്രട്ടറി സി.ബാബു, വി.എച്ച്‌.പി. സംസ്ഥാന ഓര്‍ഗനൈസിംഗ്‌ സെക്രട്ടറി എം.സി. വത്സന്‍, മത്സ്യപ്രവര്‍ത്തകസംഘം സംസ്ഥാന പ്രസിഡന്റ്‌ എന്‍.പി. രാധാകൃഷ്ണന്‍, കെ. രജനീഷ്‌ ബാബു, സി. ശെല്‍വന്‍, പി.രഘുനാഥ്‌, പി.ഡി. കണ്ണന്‍, എന്‍.കെ. ബാലകൃഷ്ണന്‍മാസ്റ്റര്‍, പി.വി. മുരളീധരന്‍, പി.ചന്ദ്രികടീച്ചര്‍ എന്നിവര്‍ നേതൃത്വംനല്‍കി.

വിദ്യാഭ്യാസമന്ത്രി പി.കെ.അബ്ദുറബ്ബ്‌, മന്ത്രി എം.കെ.മുനീര്‍, പാണക്കാട്‌ ഹൈദരാലി ശിഹാബ്‌ തങ്ങള്‍ എന്നിവര്‍ക്കെതിരെ വിജിലന്‍സ്‌ വിജിലന്‍സ്‌ അന്വേഷണം




കോഴിക്കോട്‌ സര്‍വകലാശാലയുടെ ഭൂമി മുസ്ലീം ലീഗ്‌ പ്രസിഡന്റ്‌ പാണക്കാട്‌ തങ്ങള്‍ അധ്യക്ഷനായ ട്രസ്റ്റിനടക്കം ദാനം ചെയ്യാനുള്ള സിന്‍ഡിക്കേറ്റ്‌ തീരുമാനത്തെക്കുറിച്ച്‌ അന്വേഷണം നടത്താന്‍ തൃശൂര്‍ വിജിലന്‍സ്‌ കോടതി ഉത്തരവിട്ടു.

വിദ്യാഭ്യാസമന്ത്രി പി.കെ.അബ്ദുറബ്ബ്‌, മന്ത്രി എം.കെ.മുനീര്‍, പാണക്കാട്‌ ഹൈദരാലി ശിഹാബ്‌ തങ്ങള്‍, കോഴിക്കോട്‌ സര്‍വകലാശാല വൈസ്‌ ചാന്‍സലര്‍ അബ്ദുള്‍ സലാം, മൂന്ന്‌ ട്രസ്റ്റുകളുടെ ഭാരവാഹികള്‍ എന്നിവര്‍ക്കെതിരെയാണ്‌ അന്വേഷണം. വിജിലന്‍സ്‌ മലപ്പുറം ഡിവൈഎസ്പിയോടാണ്‌ അന്വേഷിച്ച്‌ ജനുവരി 22-നകം റിപ്പോര്‍ട്ട്‌ സമര്‍പ്പിക്കാന്‍ വിജിലന്‍സ്‌ ജഡ്ജ്‌ വി.ഭാസ്കരന്‍ ഉത്തരവിട്ടത്‌.

സര്‍വകലാശാലയുടെ ഉടമസ്ഥതയിലുള്ള 43 ഏക്കര്‍ ഭൂമി ലീഗ്‌ മന്ത്രിമാരുടെ ബന്ധുക്കളുടെ മൂന്ന്‌ സ്വകാര്യ ട്രസ്റ്റുകള്‍ക്ക്‌ ദാനം ചെയ്യാനായിരുന്നു സിന്‍ഡിക്കേറ്റ്‌ തീരുമാനം. സ്വകാര്യ ട്രസ്റ്റുകള്‍ക്ക്‌ ഭൂമി നല്‍കാന്‍ ചട്ടമില്ലാതിരിക്കെ സിന്‍ഡിക്കേറ്റ്‌ എടുത്ത തീരുമാനം അന്വേഷിക്കണമെന്നാവശ്യപ്പെട്ട്‌ സര്‍വകലാശാല സിന്റിക്കേറ്റ്‌ മുന്‍ അംഗവും രജിസ്ട്രാര്‍ ഇന്‍ചാര്‍ജുമായിരുന്ന ടി.കെ.നാരായണനാണ്‌ ഹര്‍ജി നല്‍കിയത്‌. സര്‍വകലാശാലയുടെ 10ഏക്കര്‍ ഭൂമി പണക്കാട്‌ ഹൈദരലി ശിഹാബ്‌ തങ്ങള്‍ ചെയര്‍മാനായ ഗ്രേസ്‌ എഡ്യൂക്കേഷന്‍ ട്രസ്റ്റ്‌, മൂന്നേക്കര്‍ പി.കെ.കുഞ്ഞാലിക്കുട്ടിയുടെ ബന്ധു ഡോ.കെ.കുഞ്ഞാലി ഭാരവാഹിത്വം വഹിക്കുന്ന ബാഡ്മിന്റണ്‍ ഡവലപ്മെന്റ്‌ ട്രസ്റ്റിന്‌ ബാഡ്മിന്റണ്‍ കോര്‍ട്ട്‌ നിര്‍മിക്കാന്‍, മന്ത്രി എം.കെ.മുനീറിന്റെ ബന്ധു പി.എ.ഹംസക്ക്‌ ഭാരവാഹിത്വമുള്ള കോഴിക്കോട്‌ ഒളിംപിക്‌ അസോസിയേഷന്‌ കായിക സമുച്ചയമുണ്ടാക്കാന്‍ മുപ്പതേക്കര്‍ ഭൂമി എന്നിങ്ങനെ ദാനം ചെയ്യാനായിരുന്നു സിന്‍ഡിക്കേറ്റ്‌ തീരുമാനിച്ചത്‌. വിവാദമായതോടെ അടിയന്തര സിന്‍ഡിക്കേറ്റ്‌ യോഗം ചേര്‍ന്ന്‌ തീരുമാനം പിന്‍വലിച്ചു.

             ട്രസ്റ്റുകളുടെ പേരില്‍ നടന്ന സാമ്പത്തിക ക്രമക്കേടുകളും വിജിലന്‍സ്‌ അന്വേഷണ പരിധിയില്‍ വരും. ട്രസ്റ്റുകളുടെ പേരില്‍ അനധികൃതമായി പണപ്പിരിവു നടത്തുകയും പിന്നീട്‌ ട്രസ്റ്റ്‌ പിന്‍വലിഞ്ഞതും ഹര്‍ജിക്കാരന്‍ കോടതിയുടെ ശ്രദ്ധയില്‍പ്പെടുത്തി. അഡ്വ. എം.സി.ആഷി ഹര്‍ജിക്കാരനുവേണ്ടി ഹാജരായി. ഭൂമിദാനം സംബന്ധിച്ച്‌ സിന്‍ഡിക്കേറ്റ്‌ തീരുമാനം പുറത്തുവന്നത്‌ വിവാദമായതോടെ ഇതില്‍ നിന്നും രക്ഷപ്പെടാന്‍ മുഖ്യമന്ത്രിയും വകുപ്പു മന്ത്രിയായ അബ്ദുറബ്ബും സര്‍ക്കാരിന്‌ ഈ വിഷയത്തെക്കുറിച്ച്‌ അറിയില്ലെന്ന്‌ പറഞ്ഞ്‌ രക്ഷപ്പെടാന്‍ ശ്രമിച്ചിരുന്നു. ഇപ്പോള്‍ വിജിലന്‍സ്‌ അന്വേഷണം വന്നതോടെ മുഖ്യമന്ത്രി അടക്കമുള്ളവര്‍ കള്ളക്കളി നടത്തുകയാണ്‌ ചെയ്തതെന്ന്‌ വ്യക്തമായിരിക്കുകയാണ്‌. മന്ത്രി കുഞ്ഞാലിക്കുട്ടിയുടെ മകളുടെ ഭര്‍തൃ പിതാവ്‌ ഭാരവാഹിത്വം വഹിക്കുന്ന ബാറ്റ്മിന്റണ്‍ ഡവലപ്മെന്റ്‌ ട്രസ്റ്റിന്‌ വരെ ഭൂമിനല്‍കാന്‍ തീരുമാനിച്ചിരുന്നു.

            സംസ്ഥാനത്ത്‌ കാര്യങ്ങളെല്ലാം തീരുമാനിക്കുന്നത്‌ ലീഗാണെന്ന്‌ കഴിഞ്ഞ ദിവസം മന്ത്രി ഇബ്രാഹിം കുഞ്ഞ്‌ പറഞ്ഞിരുന്നു. ഭൂമിദാനവുമായി ബന്ധപ്പെട്ട്‌ തനിക്കൊന്നും അറിയില്ലെന്ന മുഖ്യമന്ത്രിയുടെ അന്നത്തെ പ്രസ്താവനയിലൂടെ ലീഗിന്റെ അപ്രമാദിത്വം തെളിഞ്ഞിരിക്കുകയാണ്‌. കാലിക്കറ്റ്‌ സര്‍വ്വകലാശാലയുടെ ഭൂമി ഇതിനകം നിരവധി പേര്‍ കയ്യേറിയിട്ടുണ്ട്‌. ഭൂമിദാനവിവാദവുമായി ബന്ധപ്പെട്ട്‌ ആരോപണങ്ങള്‍ ഉയര്‍ന്നപ്പോള്‍ നിയോഗിച്ച മൂന്നംഗ കമ്മീഷന്‍ നടത്തിയ അന്വേഷണത്തില്‍ സര്‍വകലാശാലയുടെ ഭൂമി സര്‍വീസ്‌ സംഘടനകള്‍ കയ്യേറിയതായി കണ്ടെത്തിയിട്ടുണ്ട്‌. അനുവദിച്ചതിലും അധികം ഭൂമി സഹകരണസംഘങ്ങളും മാറിമാറി വരുന്ന ഭരണകര്‍ത്താക്കളുടെ സര്‍വീസ്‌ സംഘടനകളും കയ്യേറിയിട്ടുള്ളതായാണ്‌ കണ്ടെത്തിയിരുന്നത്‌. അറുപത്തഞ്ച്‌ സെന്റോളം ഭൂമിയാണ്‌ അനധികൃതമായി ഇത്തരത്തില്‍ കയ്യേറിയിരിക്കുന്നത്‌. സിപിഎം സര്‍വീസ്‌ സംഘടനകളും കോണ്‍ഗ്രസ്സിന്റെ സഹകരണ സംഘങ്ങളും കയ്യേറ്റം നടത്തിയിട്ടുണ്ട്‌. ലീഗിന്റെ കീഴിലുള്ള സര്‍വീസ്‌ സംഘടനകള്‍ നടത്തിയ കയ്യേറ്റങ്ങളെക്കുറിച്ച്‌ അന്വേഷണം പോലും നടത്താന്‍ തയ്യാറായിട്ടില്ല.

2012, സെപ്റ്റംബർ 21, വെള്ളിയാഴ്‌ച

ഗണേശോത്സവത്തിന്‌ അനുമതി നിഷേധിച്ചത്‌ ഭരണഘടനാ ലംഘനം: ശോഭാസുരേന്ദ്രന്‍


         മലപ്പുറം ജില്ലയില്‍ താലിബാന്‍ മോഡല്‍ ഭരണമാണ്‌ നടത്തുന്നതെന്നും അതിന്റെ അവസാനത്തെ ഉദാഹരണമാണ്‌ പൊന്നാനി ഗണേശോത്സവത്തിന്‌ അനുമതി നിഷേധിച്ചതെന്നും മഹിളാമോര്‍ച്ച സംസ്ഥാന പ്രസിഡന്റ്‌ ശോഭാസുരേന്ദ്രന്‍ പറഞ്ഞു. ഭരണഘടന നല്‍കുന്ന മൗലിക അവകാശവും ആരാധനാ സ്വാതന്ത്ര്യവും നിഷേധിക്കുന്ന നിലപാടാണ്‌ സര്‍ക്കാര്‍ സ്വീകരിച്ചിരിക്കുന്നത്‌. സര്‍ക്കാരിനെ നിയന്ത്രിക്കുന്നത്‌ മതതീവ്രവാദികളാണെന്ന്‌ തെളിഞ്ഞിരിക്കുകയാണ്‌. എന്തു വിലകൊടുത്തും ആരാധനാ സ്വാതന്ത്ര്യം വീണ്ടെടുക്കും. ഗണേശോത്സവ നിമജ്ജന യാത്ര ആരെതിര്‍ത്താലും നടത്തും.

മലപ്പുറം ജില്ല മത തീവ്രവാദികള്‍ക്കും മുസ്ലീം ലീഗിനും പാട്ടത്തിന്‌ നല്‍കിയിട്ടുണ്ടോ എന്ന്‌ മുഖ്യമന്ത്രി ഉമ്മന്‍ചാണ്ടി വ്യക്തമാക്കണം. അദൃശ്യ ആഭ്യന്തരമന്ത്രിയാണ്‌ കേരളത്തെ നിയന്ത്രിക്കുന്നതെന്നും ശോഭാസുരേന്ദ്രന്‍ പറഞ്ഞു. പൊന്നാനി ചമ്രവട്ടം ജംഗ്ഷനില്‍ ഹിന്ദു ഐക്യവേദി ജില്ലാ കമ്മറ്റി സംഘടിപ്പിച്ച ധര്‍ണ്ണ ഉദ്ഘാടനം ചെയ്ത്‌ പ്രസംഗിക്കുകയായിരുന്നു അവര്‍. യോഗത്തില്‍ സി സുബ്രഹ്മണ്യന്‍ അധ്യക്ഷത വഹിച്ചു. കൊട്ടാരത്തില്‍ വിശ്വനാഥന്‍, കെ.യു. ചന്ദ്രന്‍, കെ. ബാബുരാജ്‌, വാസു പാലപ്പുറം, കെ. സുബ്രഹ്മണ്യന്‍ എന്നിവര്‍ പ്രസംഗിച്ചു.

ഇതിനിടെ മലപ്പുറം ജില്ലയില്‍ ഗണേശോത്സവങ്ങള്‍ നടത്തുന്നത്‌ തടഞ്ഞ മലപ്പുറം ജില്ലാ കളക്ടറുടെ തീരുമാനം ചോദ്യംചെയ്ത്‌ ഹൈക്കോടതിയില്‍ ഹര്‍ജി. ഗണേശ ഉത്സവസമിതിക്കുവേണ്ടി പൊന്നാനി സ്വദേശി കളരിക്കല്‍ ഷാജി ഹര്‍ജി സമര്‍പ്പിച്ചു.

ഘോഷയാത്ര തടഞ്ഞ ജില്ലാ കളക്ടറുടെ നടപടി ഹര്‍ജിയില്‍ ചോദ്യംചെയ്തു. ഭരണകക്ഷിയായ മുസ്ലീംലീഗിന്റെ സ്വാധീനംമൂലം ആണ്‌ കളക്ടര്‍ തീരുമാനം എടുത്തതെന്ന്‌ ഹര്‍ജിയില്‍ ആരോപിച്ചു. അഡ്വ. എസ്‌.എം. പ്രശാന്ത്‌ മുഖേനയാണ്‌ ഹര്‍ജി സമര്‍പ്പിച്ചത്‌. ജസ്റ്റിസ്‌ ടി.ആര്‍. രാമചന്ദ്രന്‍ നായര്‍ കേസ്‌ പരിഗണിച്ചു.

അനധികൃത ആരാധനാ കേന്ദ്രമായ സ്വര്‍ഗ്ഗീയ വിരുന്നിന്‌ സംരക്ഷണം നല്‍കുന്ന സര്‍ക്കാര്‍ നിലപാടില്‍ പ്രതിഷേധിച്ചുകൊണ്ട്‌ ആഭ്യന്തരമന്ത്രിയുടെ ഓഫീസിലേക്ക്‌ ഹിന്ദുസംഘടനകള്‍ മാര്‍ച്ച്‌ നടത്തി

ആഭ്യന്തരമന്ത്രിയുടെ ഓഫീസിലേക്ക്‌ ഹിന്ദുഐക്യവേദിയുടെ നേതൃത്വത്തില്‍ വിവിധ ഹിന്ദുസംഘടനകള്‍ മാര്‍ച്ച്‌ നടത്തുന്നു
          
          അനധികൃത ആരാധനാ കേന്ദ്രമായ സ്വര്‍ഗ്ഗീയ വിരുന്നിന്‌ സംരക്ഷണം നല്‍കുന്ന സര്‍ക്കാര്‍ നിലപാടില്‍ പ്രതിഷേധിച്ചുകൊണ്ട്‌ ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്റെ കോട്ടയത്തെ ഓഫീസിലേക്ക്‌ ഹിന്ദുസംഘടനകള്‍ മാര്‍ച്ച്‌ നടത്തി. ഹിന്ദുക്കള്‍ക്ക്‌ ഈ നാട്ടില്‍ ജീവിക്കുന്നതിനുള്ള അവകാശത്തിന്‌ വേണ്ടിയാണ്‌ പ്രതിഷേധ സമരം സംഘടിപ്പിച്ചതെന്ന്‌
ഹിന്ദുഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരന്‍ മാര്‍ച്ച്‌ ഉദ്ഘാടനം ചെയ്തുകൊണ്ട്‌ പറഞ്ഞു. ഭരണഘടന അനുവദിക്കുന്ന അവകാശങ്ങള്‍ മാത്രമാണ്‌ സ്വര്‍ഗ്ഗീയവിരുന്നിന്റെ നടത്തിപ്പുകാരനായ തങ്കുപാസ്റ്റര്‍ക്കുള്ളത്‌. കോടതിവിധികളെ അനുസരിക്കാന്‍ തയ്യാറാകാത്ത സൂപ്പര്‍ പൗരനായി തങ്കുപാസ്റ്റര്‍ പ്രവര്‍ത്തിക്കുമ്പോള്‍ ജില്ലാ കളക്ടര്‍ മിനി ആന്റണി നിയമലംഘനത്തിന്‌ വേണ്ട ഒത്താശ ചെയ്തുകൊടുക്കുകയാണ്‌. തങ്കുപാസ്റ്റര്‍ മതമാഫിയയുടെ തലവനാണ്‌.

പണം കൊടുത്തു മാറ്റിയെടുക്കേണ്ടതല്ല മതം. രാജ്യത്ത്‌ നിലവിലുള്ള നിയമങ്ങളെ പിച്ചിച്ചീന്തിക്കൊണ്ടാണ്‌ തങ്കുപാസ്റ്റര്‍ പ്രവര്‍ത്തിക്കുന്നത്‌. നഗരസഭാധ്യക്ഷന്‍ മതം നോക്കിയാണ്‌ തീരുമാനങ്ങളെടുക്കുന്നത്‌. പ്രശ്നത്തില്‍ ആഭ്യന്തരമന്ത്രിയും കോട്ടയം എംപിയും സ്വീകരിക്കുന്ന നിലപാടുകള്‍ ശരിയാണോയെന്ന്‌ അവര്‍ സ്വന്തം മനസാക്ഷിയോട്‌ ചോദിക്കണം. കോട്ടയത്തെ അധികാരകേന്ദ്രങ്ങള്‍ ചേര്‍ന്നു നടത്തുന്ന പങ്കുകച്ചവടമാണ്‌ സ്വര്‍ഗ്ഗീയ വിരുന്നെന്നും കുമ്മനം പറഞ്ഞു.

         മതംമാറ്റ കേന്ദ്രത്തിന്‌ പിന്തുണ നല്‍കുന്ന മന്ത്രിക്കും കളക്ടര്‍ക്കും പുനര്‍വിചിന്തനത്തിനായി ഒരു അവസരം കൂടി ഹിന്ദു സംഘടനകള്‍ നല്‍കുകയാണ്‌. ഇത്‌ ഹിന്ദുവിന്റെ നിലനില്‍പ്പിന്റെ പ്രശ്നമാണ്‌. ഒരു മതവിഭാഗത്തിനെതിരെയുള്ള സമരമല്ല നടക്കുന്നത്‌. നിയമലംഘനം നടത്തുന്ന സാമൂഹ്യദ്രോഹിക്കെതിരെയുള്ള പ്രക്ഷോഭം നാഗമ്പടത്തെ അനധികൃത കെട്ടിടങ്ങള്‍ പൊളിച്ചുനീക്കുന്നതുവരെ തുടരുമെന്നും കുമ്മനം രാജശേഖരന്‍ കൂട്ടിച്ചേര്‍ത്തു. ബിജെപി ദേശീയ സമിതിയംഗം പി.കെ കൃഷ്ണദാസ്‌, ക്ഷേത്രസംരക്ഷണസമിതി സംസ്ഥാന ജനറല്‍ സെക്രട്ടറി സ്വാമി അയ്യപ്പദാസ്‌, വിഎച്ച്പി സംസ്ഥാന സെക്രട്ടറി വി.ആര്‍ രാജശേഖരന്‍, സംസ്ഥാന ധര്‍മ്മജാഗരണ്‍ പ്രമുഖ്‌ വി.കെ വിശ്വനാഥന്‍, ഹിന്ദുഐക്യവേദി ജില്ലാ സംഘടനാ സെക്രട്ടറി എം.വി ഉണ്ണികൃഷ്ണന്‍ എന്നിവര്‍ പ്രസംഗിച്ചു. ആര്‍എസ്‌എസ്‌ പ്രാന്തസഹകാര്യവാഹ്‌ അഡ്വ. എന്‍. ശങ്കര്‍റാം, ബൗദ്ധിക്പ്രമുഖ്‌ കെ.ബി ശ്രീകുമാര്‍, ബിജെപി ജില്ലാ പ്രസിഡന്റ്‌ ഏറ്റുമാനൂര്‍ രാധാകൃഷ്ണന്‍ എന്നിവര്‍ നേതൃത്വം വഹിച്ചു.

തീവ്രവാദ കേസുകള്‍ തെളിയാത്തത്‌ പ്രതിഷേധാര്‍ഹം: കുമ്മനം

സച്ചിന്‍ ഗോപാലിന്റെ വീട്‌ ബിജെപി നേതാവും മുന്‍കേന്ദ്രമന്ത്രിയുമായ ഒ.രാജഗോപാലും ഹിന്ദുഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരനും സന്ദര്‍ശിക്കുന്നു
                 ക്യാമ്പസ്‌ ഫ്രണ്ട്‌ പോപ്പുലര്‍ഫ്രണ്ട്‌ സംഘം വെട്ടിക്കൊന്ന എബിവിപി നഗര്‍ സമിതി അംഗം സച്ചിന്‍ ഗോപാലിന്റെ വീട്‌ ബിജെപി നേതാവും മുന്‍കേന്ദ്രമന്ത്രിയുമായ ഒ.രാജഗോപാലും ഹിന്ദുഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരനും സന്ദര്‍ശിച്ചു. സച്ചിന്റെ അച്ഛന്‍, അമ്മ, സഹോദരന്‍ എന്നിവരെ ഇരുവരും ആശ്വസിപ്പിച്ചു. ബിജെപി ജില്ലാ അധ്യക്ഷന്‍ കെ.രഞ്ചിത്ത്‌, ദേശീയ നിര്‍വ്വാഹക സമിതി അംഗം എം.കെ.ശശീന്ദ്രന്‍ മാസ്റ്റര്‍, ജില്ലാ സംഘചാലക്‌ സി.പി.രാമചന്ദ്രന്‍, വി.ഗോപാലകൃഷ്ണന്‍ തുടങ്ങിയ സംഘപരിവാര്‍ നേതാക്കളും ഇരുവര്‍ക്കും ഒപ്പമുണ്ടായിരുന്നു. വോട്ട്ബാങ്ക്‌ നിലനിര്‍ത്തുന്നതിനുവേണ്ടി സര്‍ക്കാര്‍ വര്‍ഗ്ഗീയ പ്രീണനം നടത്തുകയാണെന്ന്‌ സന്ദര്‍ശനത്തിനുശേഷം ഒ.രാജഗോപാല്‍ മാധ്യമ പ്രവര്‍ത്തകരോട്‌ പറഞ്ഞു. കാസര്‍കോട്‌ ജില്ലയിലെ ഒരു ക്ഷേത്രത്തില്‍ പോത്തിന്‍തല വെച്ചത്‌ വര്‍ഗ്ഗീയ സംഘര്‍ഷം സൃഷ്ടിക്കുന്നതിനുവേണ്ടിയാണ്‌. ദേശീയതയ്ക്ക്‌ വേണ്ടി നിലകൊള്ളുന്ന നേതൃത്വത്തെ ഉന്മൂലനം ചെയ്യുന്നതിന്റെ ഭാഗമാണ്‌ സച്ചിന്‍ ഗോപാലിന്റെ ആസൂത്രിത കൊലപാതകമെന്നും രാജഗോപാല്‍ പറഞ്ഞു. സച്ചിന്‍ ഗോപാല്‍ വധത്തില്‍ പോലീസ്‌ അന്വേഷണം ദുര്‍ബലവും ഏകപക്ഷീയവുമാണെന്ന്‌ കുമ്മനം രാജശേഖരന്‍ പറഞ്ഞു. സച്ചിന്‍ ഗോപാലിന്റെ വീട്‌ സന്ദര്‍ശിച്ചശേഷം മാധ്യമ പ്രവര്‍ത്തകരോട്‌ സംസാരിക്കുകയായിരുന്നു അദ്ദേഹം.
സമീപകാലത്ത്‌ നടന്ന തീവ്രവാദ അക്രമക്കേസുകളില്‍ പ്രതികളെ കണ്ടെത്താന്‍ പോലീസിന്‌ കഴിയാതെ വരുന്നത്‌ അത്യന്തം പ്രതിഷേധാര്‍ഹവും ഉത്കണ്ഠാജനകവുമാണെന്ന്‌ ഹിന്ദു ഐക്യവേദി സംസ്ഥാന ജന.സെക്രട്ടറി കുമ്മനം രാജശേഖരന്‍ പ്രസ്താവനയില്‍ പറഞ്ഞു.

അക്രമത്തില്‍ പങ്കെടുത്തവരേക്കള്‍ വലിയ കുറ്റക്കാര്‍ അക്രമത്തിന്‌ പ്രേരണ നല്‍കിയവരും ഗൂഢാലോചന നടത്തിയവരുമാണ്‌.കേരളത്തില്‍ തീവ്രവാദ അക്രമക്കേസുകളില്‍ 50 ശതമാനം കേസുകളില്‍ ഇപ്പോഴും തുമ്പുണ്ടാക്കാന്‍ കഴിഞ്ഞിട്ടില്ല. സമീപ കാലത്തു നടന്ന വിശാല്‍ വധം,സച്ചിന്‍ ഗോപാല്‍ വധം തുടങ്ങിയ അക്രമകേസുകളില്‍ അന്വേഷണം മന്ദഗതിയിലാണ്‌.ഇവയെല്ലാം ഭീകരാക്രമണ കേസായി പോലും കാണാന്‍ സര്‍ക്കാര്‍ തയ്യാറല്ല. സാധാരണ നടക്കാറുളള ഒരു ആക്രമണ സംഭവമായി മാത്രം കണ്ട്‌ ലാഘവ ബുദ്ധിയോടെ നിസ്സാരവല്‍ക്കരിക്കുന്ന മനോഭാവമാണ്‌ അധികൃതര്‍ക്കുളളത്‌.
മാറാട്‌ കൂട്ടകൊല മുതല്‍ സച്ചിന്‍ ഗോപാല്‍ വധം വരെ നടന്നിട്ടുളള ഭീകരാക്രമണ കേസുകളില്‍ ഗൂഡാലോചനയും ധനസ്രോതസ്സും തെളിയിക്കപ്പെട്ടിട്ടില്ല. പോപ്പുലര്‍ഫ്രണ്ട്‌,കാമ്പസ്‌ ഫ്രണ്ട്‌ തുടങ്ങിയ പ്രസ്ഥാനങ്ങള്‍ നിരോധിക്കപ്പെട്ട തീവ്രവാദ സംഘടനയായ സിമിയുടെ തുടര്‍ച്ചയാണെന്നും അവര്‍ അത്യാപത്കരമായ വിധത്തില്‍ തീവ്രവാദ പ്രവര്‍ത്തനം നടത്തുന്നുവെന്നും സര്‍ക്കാര്‍ ഹൈക്കോടതിയില്‍ സത്യവാങ്മൂലം നല്‍കിയിട്ടുണ്ട്‌. കേരളത്തില്‍ തീവ്രവാദം ശക്തിപ്പെടുന്നുവെന്ന്‌ പ്രധാനമന്തിയും വ്യക്തമാക്കി കഴിഞ്ഞു. എന്നിട്ടും തീവ്രവാദ സംഘടനകള്‍ക്ക്‌ പങ്കുളള കൊലക്കേസുകള്‍ ഭീകരാക്രമണ സംഭവമായി കണ്ട്‌ എന്‍.ഐ.ഐ ഏല്‍പിക്കാത്തത്‌ സര്‍ക്കാറിന്റെ ഇക്കാര്യത്തിലുളള നിഷേധാത്മക സമീപനം വ്യക്തമാക്കുന്നുവെന്നും കുമ്മനം ചൂണ്ടിക്കാട്ടി.

ടി.പി.ചന്ദ്രശേഖരന്‍ വധം അന്വേഷിക്കാന്‍ കാട്ടിയ തിടുക്കവും ശുഷ്കാന്തിയും സച്ചിന്‍ വധക്കേസില്‍ കാട്ടാത്തതെന്തു കൊണ്ടാണെന്ന്‌ സര്‍ക്കാര്‍ വ്യക്തമാക്കണം. രാഷ്ട്രീയ പ്രതിയോഗികളെ നേരിടുന്നതില്‍ കാട്ടുന്ന വീറും വാശിയും തീവ്രവാദികളെ കൈകാര്യം ചെയ്യുന്നതില്‍ കാണിക്കുന്നില്ല. രാഷ്ട്രീയ കൊലപാതകമായാലും ഭീകരാക്രമണക്കേസായാലും മനുഷ്യ ജീവനാണ്‌ നഷ്ടപ്പെടുന്നതെന്ന സാമാന്യ-സാമൂഹ്യ നീതിബോധം ഭരണാധികാരികള്‍ക്ക്‌ ഇല്ലാതെ പോകുന്നത്‌ ഖേദകരമാണ്‌. വിശാലിനേയും സച്ചിനേയും കൊല ചെയ്യുക വഴി കേരളത്തിലെ വളര്‍ന്നു വരുന്ന ആദര്‍ശ ദേശീയതയുടെ യുവ സ്വപ്നങ്ങളെയാണ്‌ കശാപ്പു ചെയ്തത്‌. അതില്‍ വേദനിക്കുന്ന ജനഹൃദയങ്ങളെ ആശ്വസിപ്പിക്കാനുളള ഒരു നടപടിയും സര്‍ക്കാറിന്റെ ഭാഗത്തു നിന്നും ഉണ്ടായിട്ടില്ല. സച്ചിന്‍ ഗോപാലിന്റെ കൊലയ്ക്ക്‌ ഉത്തരവാദികളായവരെ നിയമത്തിന്റെ മുന്നില്‍ കൊണ്ടുവരുന്നതിന്‌ വിട്ടുവീഴ്ചയില്ലാത്ത പ്രക്ഷോഭം തുടരുമെന്നും കുമ്മനം രാജശേഖരന്‍ അറിയിച്ചു.

2012, സെപ്റ്റംബർ 19, ബുധനാഴ്‌ച

മാറാട്‌ കേസ്്‌: ഹിന്ദു സംഘടനകള്‍ സെക്രട്ടേറിയറ്റ്‌ ധര്‍ണ നടത്തി

മാറാട് കൂട്ടക്കൊലയ്ക്ക് പിന്നിലെ തീവ്രവാദബന്ധം അന്വേഷിക്കണമെന്ന് ആവശ്യപ്പെട്ടു ഹിന്ദു ഐക്യവേദി ധര്‍ണ്ണ നടത്തിയപ്പോള്‍ .
സംസാരിക്കുന്നത് പ്രമുഖ ഗാന്ധിയന്‍ ശ്രീ ഗോപിനാഥന്‍ നായര്‍


മാറാട്‌ കേസ്‌ സിബിഐ അന്വേഷിക്കണമെന്നാവശ്യപ്പെട്ട്‌ ഹിന്ദുഐക്യവേദിയുടെ നേതൃത്വത്തില്‍ സെക്രട്ടേറിയറ്റിനു മുന്നില്‍ നടന്ന ധര്‍ണ സര്‍ക്കാരിനുള്ള കനത്ത താക്കീതായി. മാറാട്‌ അരയസമാജം തുടങ്ങി ഒരു ഡസനിലേറെ ഹിന്ദുസമുദായ സംഘടനകളുടെ നേതാക്കള്‍ ധര്‍ണയില്‍ പങ്കെടുത്തു. മാറാട്‌ ഗൂഢാലോചനയെ കുറിച്ച്‌ സിബിഐ അന്വേഷിക്കണമെന്ന ആവശ്യത്തില്‍ എല്ലാ നേതാക്കളുടെ ഏകസ്വരത്തില്‍ ഉറച്ചു നിന്നു. സംഭവം നടന്ന്‌ 9 വര്‍ഷങ്ങള്‍ കഴിഞ്ഞിട്ടും മാറാട്ടെ അരയസമാജത്തിന്‌ നീതി ലഭ്യമാക്കാന്‍ തയ്യാറാകാത്ത സംസ്ഥാന സര്‍ക്കാരുകളുടെ നടപടിയില്‍ ശക്തമായ പ്രതിഷധമാണ്‌ ധര്‍ണയില്‍ ഉയര്‍ന്നത്‌.
മാറാട്‌ ഭീകരാക്രമണത്തില്‍ കൊല്ലപ്പെട്ടവരുടെ അടുത്ത ബന്ധുക്കള്‍ പങ്കെടുത്ത ധര്‍ണയില്‍ മാറാട്‌ അരയസമാജം സെക്രട്ടറി ടി.മുരുകേശ്‌ അധ്യക്ഷത വഹിച്ചു. ഹിന്ദുഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരന്‍ മുഖ്യപ്രഭാഷണം നടത്തി. ബിജെപി സംസ്ഥാന പ്രസിഡന്റ്‌ വി.മുരളീധരന്‍, ഭാരതീയ മത്സ്യപ്രവര്‍ത്തക സംഘം സംസ്ഥാന പ്രസിഡന്റ്‌ എന്‍.പി.രാധാകൃഷ്ണന്‍, കെപിഎംഎസ്‌ സംസ്ഥാന സംഘടനാ സെക്രട്ടറി തുറവൂര്‍ സുരേഷ്‌, ചേരമര്‍ സര്‍വീസ്‌ സൊസൈറ്റി സംസ്ഥാന ജനറല്‍ സെക്രട്ടറി കെ.ടി.ഭാസ്കരന്‍, കേരള പുലയന്‍ മഹാസഭ സംസ്ഥാന ജനറല്‍ സെക്രട്ടറി പി.പി.വാവ, ബ്രാഹ്മണ സഭ സംസ്ഥാന വൈസ്‌ പ്രസിഡന്റ്‌ എന്‍.ഹരിഹരയ്യര്‍, അഖിലേന്ത്യാ നാടാര്‍ അസോസിയേഷന്‍ സംസ്ഥാന സംഘടനാ സെക്രട്ടറി പുഞ്ചക്കരി സുരേന്ദ്രന്‍, സംസ്ഥാന ധര്‍മ ജാഗരണ്‍ വിഭാഗ്‌ പ്രമുഖ്‌ വി.കെ.വിശ്വനാഥന്‍, ഹിന്ദുസാംബവര്‍ മഹാസഭ സംസ്ഥാ ന ജനറല്‍സെക്രട്ടറി കെ.കെ.തങ്കപ്പന്‍, പ ണ്ഡിറ്റ്‌ കറുപ്പന്‍ സാംസ്കാരിക വേദി അശോകന്‍ കുന്നിങ്കല്‍, ഐയ്യനവര്‍ സര്‍വീസ്‌ സൊ സൈറ്റി സംസ്ഥാന പ്രസിഡന്റ്‌ സി.രമേശന്‍, അയ്യങ്കാളി പഠനകേന്ദ്രം പ്രതിനിധി എ.കെ.ബായന്‍, സിദ്ധനര്‍ സര്‍വീസ്‌ സൊസൈറ്റി സംസ്ഥാന ജോയിന്റ്‌ സെക്രട്ടറി ശിവശങ്കരന്‍, വി.എച്ച്‌.പി സംസ്ഥാന സംഘടനാ സെക്രട്ടറി എം.സി.വത്സന്‍, കേരള ക്ഷേത്ര സംരക്ഷണ സമിതി സംസ്ഥാന സെക്രട്ടറി സി.കെ.കുഞ്ഞ്‌, അഖിലേന്ത്യാ നാടാര്‍അസോസിയേഷന്‍ വൈ സ്ചെയര്‍മാന്‍ അരുവിക്കര നാരായണന്‍ നാടാ ര്‍, വിളക്കിത്തല നായര്‍ യുവജന വിഭാഗം സം സ്ഥാന സെക്രട്ടറി സുരേഷ്‌ കുന്നത്ത്‌ എ ന്നിവര്‍ പ്രസംഗിച്ചു. യുവമോര്‍ച്ചാ സംസ്ഥാ ന പ്രസിഡന്റ്‌ അഡ്വ.വി.വി.രാജേഷ്‌ പങ്കെടുത്തു.
ഹിന്ദുഐക്യവേദി സംഘടനാ സെക്രട്ടറി കെ.പി.ഹരിദാസ്‌ സ്വാഗതം പറഞ്ഞു. സംസ്ഥാന സഹസംഘടനാ സെക്രട്ടറിമാരായ സി.ബാബു, വി.സുശികുമാര്‍, സംസ്ഥാന സെക്രട്ടറിമാരായ ബ്രഹ്മചാരി ഭാര്‍ഗവറാം, കിളിമാനൂര്‍ സുരേഷ്‌, ജില്ലാ നേതാക്കളായ പി.ജ്യോതീന്ദ്രകുമാര്‍, തിരുമല അനില്‍, കെ.പ്രഭാകരന്‍, എസ്‌.കെ.ജയന്‍, സന്ദീപ്‌ തമ്പാനൂര്‍ എന്നിവര്‍ നേതൃത്വം കൊടുത്തു.

2012, സെപ്റ്റംബർ 11, ചൊവ്വാഴ്ച

ആറന്മുള വിമാനത്താവള പദ്ധതി എമര്‍ജിംഗ്‌ കേരളയില്‍ പ്രഖ്യാപിക്കുന്നതിനെതിരെ എമര്‍ജിംഗ്‌ ഹെരിറ്റേജ്‌

ആറന്മുള വിമാനത്താവള പദ്ധതി എമര്‍ജിംഗ്‌ കേരളയില്‍ പ്രഖ്യാപിക്കുന്നതിനെതിരെ എമര്‍ജിംഗ്‌ ഹെരിറ്റേജ്‌ എന്ന പേരില്‍ സപ്തംബര്‍ 6ന്‌ ആറന്മുളയില്‍ ജനകീയ കൂട്ടായ്മ സംഘടിപ്പിക്കുമെന്ന്‌ തിരുവാറന്മുള പൈതൃക ഗ്രാമ കര്‍മ്മസമിതി രക്ഷാധികാരി കുമ്മനം രാജശേഖരന്‍ വാര്‍ത്താ സമ്മേളനത്തില്‍ പറഞ്ഞു. ഒരേക്കര്‍ ഭൂമിപോലും ആറന്മുളയില്‍ സ്വ
ന്തമായില്ലാത്ത കെ.ജി.എസ്‌ ഗ്രൂപ്പ്‌ എന്ന വന്‍കിട കോര്‍പ്പറേറ്റ്‌ കമ്പനിയുടെ റിയല്‍ എസ്റ്റേറ്റ്‌ പദ്ധതിയാണ്‌ യഥാര്‍ഥത്തില്‍ വിമാനത്താവള പദ്ധതിക്കു പുറകിലുള്ളതെന്നും അദ്ദേഹം ആരോപിച്ചു.

കാര്‍ഷിക സംസ്കൃതിയുടെയും സാംസ്കാരിക പൈതൃകത്തിന്റെയും ഗ്രാമമായ ആറന്മുളയില്‍ വിമാനത്താവളത്തിനുവേണ്ടി നികത്തിയ നീര്‍ത്തടവും നെല്‍വയലും തിരിച്ചുപിടിക്കാനുള്ള പ്രത്യക്ഷ സമരപരിപാടികള്‍ക്ക്‌ 6ന്‌ തുടക്കം കുറിക്കും. മണ്ണിട്ടുനികത്തിയ നീര്‍ച്ചാലുകളില്‍ നിന്നും മണ്ണ്‌ നീക്കം ചെയ്ത്‌ നീരൊഴുക്ക്‌ പൂര്‍വ്വസ്ഥിതിയിലാക്കുന്നതിനുവേണ്ടി ചാലുകീറല്‍ സമരവും കൃഷിയിറക്കുന്നതിനുള്ള കാര്‍ഷിക പദ്ധതിയും സംബന്ധിച്ച തീരുമാനങ്ങള്‍ ജനകീയ കൂട്ടായ്മയില്‍ പ്രഖ്യാപിക്കും. നിയമപ്രകാരം ചെയ്യേണ്ട ഒരു നടപടിക്രമവും പൂര്‍ത്തിയാക്കാതെയാണ്‌ ആറന്മുള പുഞ്ചപ്പാടം മണ്ണിട്ടു നികത്തിയതെന്ന്‌ ലാന്റ്‌ റവന്യൂ കമ്മീഷണര്‍ പറയുന്നു. പരസ്യമായി നിയമലംഘനം നടത്തിയവര്‍ പ്രമാണിമാരും മാഫിയകളുമായതിനാല്‍ അവര്‍ക്കെതിരെ ചെറുവിരലനക്കാന്‍ സര്‍ക്കാരിന്‌ കഴിഞ്ഞിട്ടില്ല. 2004ല്‍ എട്ടേക്കര്‍ നെല്‍വയല്‍ നികത്തുന്നതിന്‌ അനുമതി തേടിയാണ്‌ ആദ്യം മൗണ്ട്‌ സിയോന്‍ എയര്‍പോര്‍ട്ട്‌ സര്‍വ്വീസ്‌ എന്ന ബിസിനസ്സ്‌ സ്ഥാപനം പഞ്ചായത്ത്‌ മുമ്പാകെ അപേക്ഷ സമര്‍പ്പിച്ചത്‌. പടിപടിയായി റവന്യു-കൃഷി-ജലസേചന വകുപ്പ്‌ ഉദ്യോഗസ്ഥന്മാരെ സ്വാധീനിച്ച്‌ യാതൊരു തടസ്സവും കൂടാതെ 100 ഏക്കര്‍ പാടവും നീര്‍ച്ചാലും മണ്ണിട്ട്‌ നികത്തി. ബാക്കി തദ്ദേശവാസികളുടെ നിലവും പുരയിടവും കോടിയുടെ മോഹവില നല്‍കി മൊത്തംവിലയ്ക്കെടുക്കുവാന്‍ കെ.ജി.എസ്‌ ഗ്രൂപ്പ്‌ തിരക്കിട്ട ശ്രമങ്ങള്‍ നടത്തി വരുന്നു.

ആറന്മുള വിമാനത്താവളം നടപ്പിലാക്കുന്നതിനു വേണ്ടി കോടികളുടെ അഴിമതിയാണ്‌ നടന്നിട്ടുള്ളത്‌. പ്രമുഖ ബഹുരാഷ്ട്ര കമ്പനികളും വന്‍കിട വ്യവസായികളും അടങ്ങുന്ന വലിയ ഗൂഢസംഘമാണ്‌ ഇതിന്‌ പിന്നില്‍. ആറന്മുള എന്ന പൈതൃക ഗ്രാമത്തെ ഉന്മൂലനം ചെയ്ത്‌ പഞ്ചനക്ഷത്രഹോട്ടലുകളും ഷോപ്പിംഗ്‌ മാളുകളും ഇന്റര്‍നാഷണല്‍ സ്കൂളും വിമാനത്താവളവും നിര്‍മ്മിക്കുന്നതിന്‌ ശ്രമിക്കുന്ന കെ.ജി.എസ്‌ ഗ്രൂപ്പിനെ സര്‍ക്കാര്‍ കരിമ്പട്ടികയില്‍ പെടുത്തണമെന്ന്‌ കുമ്മനം ആവശ്യപ്പെട്ടു.

റവന്യു-തദ്ദേശ ഭരണ-പരിസ്ഥിതി വകുപ്പുകളുടെ എല്ലാവിധ നിയന്ത്രണവുണ്ടായിട്ടും സര്‍ക്കാരിന്റെ കണ്‍വെട്ടത്ത്‌ എങ്ങനെ ഇത്രവലിയ പകല്‍കൊള്ളയും ധ്വംസനവും നടന്നുവെന്നും നിയമവിരുദ്ധമായ പദ്ധതിക്ക്‌ എങ്ങനെ അനുമതി ലഭിച്ചുവെന്നും പ്രധാനമന്ത്രി പരിശോധിക്കണം. നിയമവിരുദ്ധമായി നെല്‍പ്പാടവും തണ്ണീര്‍തടവും നീര്‍ച്ചാലും നികത്തിയിട്ടും യാതൊരുനടപടിയും സ്വീകരിക്കാതിരുന്ന ഉദ്യോഗസ്ഥര്‍ക്കെതിരെ വിജിലന്‍സ്‌ അന്വേഷണത്തിന്‌ സര്‍ക്കാര്‍ ഉത്തരവിടണം.

ആദ്യം അനുമതി നിഷേധിച്ച കേന്ദ്ര-വ്യോമയാന-പരിസ്ഥിതി മന്ത്രാലയങ്ങള്‍ വെറും ഒരു വര്‍ഷംകൊണ്ട്‌ നിലപാട്‌ മാറ്റി കേന്ദ്രാനുമതി നല്‍കിയതിനുപിന്നില്‍ ഒട്ടേറെ ദുരൂഹതകള്‍ ഉണ്ട്‌. പരിസ്ഥിതി നാശമുണ്ടാകുമെന്ന്‌ വാദിച്ച പരിസ്ഥിതി മന്ത്രാലയവും ഐ.എന്‍.എസ്‌ ഗരുഡയുടെ പറക്കല്‍ പ്രദേശമാണെന്ന സാങ്കേതിക പ്രശ്നം ഉന്നയിച്ച പ്രതിരോധവകുപ്പും 150 കിലോമീറ്റര്‍ ആകാശദൂരത്തിനുള്ളില്‍ മറ്റൊരു വിമാനത്താവളം പാടില്ലെന്ന്‌ വാദിച്ച വ്യോമയാന വകുപ്പും ഇപ്പോള്‍ നിലപാടുകള്‍ പാടേ മാറ്റിയത്‌ എന്തുകൊണ്ടെന്ന്‌ പ്രധാനമന്ത്രി വ്യക്തമാക്കണം. ആറന്മുള വിമാനത്താവള പദ്ധി എമേര്‍ജിംഗ്‌ കേരളയില്‍ പ്രഖ്യാപിക്കുവാന്‍ പ്രധാനമന്ത്രിയുടെ ഓഫീസ്‌ കാട്ടുന്ന തിടുക്കവും നിര്‍ബന്ധബുദ്ധിയും അപലപനീയമാണ്‌. എമേര്‍ജിംഗ്‌ കേരളയില്‍ ഈ പദ്ധതി പ്രഖാപിക്കുവാനുള്ള തീരുമാനം സര്‍ക്കാര്‍ പിന്‍വലിക്കണം. മറിച്ച്‌ കെ.ജി.എസ്‌ ഗ്രൂപ്പിന്റെ ഇംഗിതത്തിന്‌ വഴങ്ങി സപ്തംബര്‍ 12ന്‌ എമേര്‍ജിംഗ്‌ കേരളയില്‍ തറക്കല്ലിടാനാണ്‌ തീരുമാനിക്കുന്നതെങ്കില്‍ പ്രധാനമന്ത്രിക്ക്‌ ജനങ്ങളുടെ കടുത്ത പ്രതിഷേധത്തെ നേരിടേണ്ടിവരും. 'എമേര്‍ജിംഗ്‌ കേരള' എന്നതിനു പകരം 'ഡാമേജിംഗ്‌ കേരള 'എന്ന ദുഷ്പേര്‌ ഏറ്റുവാങ്ങേണ്ടിവരും. തിരുവാറന്മുള പൈതൃക ഗ്രാമ കര്‍മ്മസമിതി പ്രസിഡന്റ്‌ അഡ്വ.കെ.ഹരിദാസ്‌, പ്രകൃതി സംരക്ഷണ സൗഹൃത വേദി കണ്‍വീനര്‍ പ്രദീപ്‌ അയിരൂര്‍, പള്ളിയോട പള്ളിവിളക്ക്‌ സംരക്ഷണസമിതി പി.ആര്‍. രാജീവ്‌ എന്നിവരും വാര്‍ത്താ സമ്മേളനത്തില്‍ പങ്കെടുത്തു.

മാറാട്‌ കൂട്ടക്കൊലക്ക്‌ പിന്നിലെ ഗൂഢാലോചന സിബിഐ അന്വേഷിക്കണം

ജനകീയ കണ്‍വെന്‍ഷന്‍ സ്വാമിനി ശിവാനന്ദപുരി ഉദ്ഘാടനം ചെയ്യുന്നു
മാറാട്‌ കൂട്ടക്കൊലക്ക്‌ പിന്നിലെ ഗൂഢാലോചന സിബിഐ അന്വേഷിക്കണമെന്നാവശ്യപ്പെട്ടുകൊണ്ടുള്ള പ്രക്ഷോഭത്തിന്റെ ഭാഗമായി നടന്ന ജനകീയ കണ്‍വെന്‍ഷന്‍ സ്വാമിനി ശിവാനന്ദപുരി ഉദ്ഘാടനം ചെയ്യുന്നു . മാറാട്‌ കൂട്ടക്കൊലയ്ക്ക്‌ പിന്നിലെ ഗൂഢാലോചനക്കാരെ നിയമത്തിന്‌ മുന്നില്‍ കൊണ്ടുവരാനുള്ള രണ്ടാം മാറാട്‌ പ്രക്ഷോഭം കൊല്ലിച്ചതാരാണെന്നുകണ്ടെത്താനുള്ള നിര്‍ണ്ണായകസമരമാണെന്ന്‌ ഹിന്ദുഐക്യവേദി ജനറല്‍സെക്രട്ടറി കുമ്മനം രാജശേഖരന്‍ പറഞ്ഞു. മാറാട്‌ കൂട്ടക്കൊലക്കേസിലെ ഗൂഢാലോചന സിബിഐ അന്വേഷിക്കണമെന്നാവശ്യപ്പെട്ടുകൊണ്ട്‌ നടന്നുവരുന്ന പ്രക്ഷോഭത്തിന്റെ ഭാഗമായി ഹിന്ദുഐക്യവേദിയുടെ ആഭിമുഖ്യത്തില്‍ ഇന്നലെ കോഴിക്കോട്‌ നടന്ന ജനകീയ കണ്‍വെന്‍ഷനില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
കൂട്ടക്കൊലക്കേസിലെ ഒന്നുംരണ്ടും മൂന്നും പ്രതികളെ ഇന്നും നിയമത്തിന്‌ മുന്നിലേക്ക്‌ കൊണ്ടുവരാന്‍ സര്‍ക്കാര്‍ ശ്രമിച്ചിട്ടില്ല. കൊലചെയ്തവരല്ല കൊലനടത്താന്‍ ഗൂഢാലോചന നടത്തിയവരാണ്‌ മുഖ്യപ്രതികള്‍. ആരെയെങ്കിലും പിടികൂടി ഗൂഢാലോചന നടത്തിയവരെ രക്ഷപ്പെടാന്‍ അനുവദിക്കില്ല. നേരത്തെ എതിര്‍ത്തവര്‍ അടക്കം ഇന്ന്‌ സിബിഐ അന്വേഷണത്തിന്‌ വേണ്ടി ആവശ്യപ്പെടുകയാണ്‌. എന്നാല്‍ സിബിഐ അന്വേഷണം നടത്തുന്നതിനുള്ള തടസ്സം നീങ്ങുന്നില്ല. തടസ്സം എന്താണെന്ന്‌ മുസ്ലീംലീഗ്‌ നേതാക്കള്‍ വ്യക്തമാക്കണം. മന്ത്രി പി.കെ. കുഞ്ഞാലിക്കുട്ടിക്കും കേന്ദ്രമന്ത്രി ഇ. അഹമ്മദിനും ഇതില്‍ പ്രത്യേക ഉത്തരവാദിത്തമുണ്ട്‌. നീതിലഭിക്കുമെന്ന്‌ ഹിന്ദുസമൂഹത്തിന്‌ ഉറപ്പ്‌ നല്‍കിയവരാണിവര്‍.
സിബിഐ അന്വേഷണത്തിനുള്ള നിയമതടസം ഇപ്പോള്‍ നീങ്ങിയിരിക്കുകയാണ്‌. ഹൈക്കോടതിയുടെയും ജുഡീഷ്യല്‍ കമ്മീഷന്റെയും നിര്‍ദ്ദേശങ്ങള്‍ ഇതിനനുകൂലമാണ്‌. വമ്പന്‍സ്രാവുകള്‍ കുടുങ്ങുമെന്ന ഭീതിയില്‍ സിബിഐ അന്വേഷണത്തെ ഇല്ലാതാക്കാനുള്ള ശ്രമത്തെ അവസാന ശ്വാസംവരെ നല്‍കി എതിര്‍ക്കാന്‍ ഹിന്ദുസമൂഹം തയ്യാറാവണം. അധഃസ്ഥിത പിന്നാക്ക ജനതയെ വഞ്ചിക്കുന്ന നിലപാടിന്നെതിരായ യുദ്ധത്തില്‍ വിജയിച്ചേപറ്റൂ. മനുഷ്യാവകാശത്തിനും സാമൂഹികനീതിക്കും വേണ്ടിയുള്ള പോരാട്ടമാണിത്‌. പണക്കൊഴുപ്പിന്റെ ധാര്‍ഷ്ഠ്യത്തിന്‌ മുന്നില്‍ കേരളത്തെ വിലക്കെടുക്കാന്‍ ശ്രമിക്കുന്നതിനെതിരായ പോരാട്ടംകൂടിയാണിത്‌ അദ്ദേഹം പറഞ്ഞു.
സിബിഐ അന്വേഷണം ഉടന്‍ പ്രഖ്യാപിക്കണമെന്നാവശ്യപ്പെട്ടുകൊണ്ട്‌ സെക്രട്ടറിയേറ്റിന്‌ മുന്നില്‍ സപ്തംബര്‍ 17ന്‌ ബഹുജനധര്‍ണ്ണ നടത്തും. ബഹുജനധര്‍ണ്ണയില്‍ വിവിധ സാമുദായിക നേതാക്കള്‍ മാറാട്‌ കൊല്ലപ്പെട്ടവരുടെ കുടുംബങ്ങള്‍ക്ക്‌ ഐക്യദാര്‍ഢ്യം പ്രകടിപ്പിച്ചുകൊണ്ട്‌ സമരത്തില്‍ പങ്കെടുക്കും. തുടര്‍ന്ന്‌ കേന്ദ്രആഭ്യന്തരസഹമന്ത്രി മുല്ലപ്പള്ളിരാമചന്ദ്രന്റെ വടകരയിലെ ക്യാമ്പ്‌ ഓഫീസിലേക്ക്‌ ബഹുജനമാര്‍ച്ച്‌ നടക്കും. മാറാട്‌ പ്രക്ഷോഭ പരമ്പരയില്‍ഏറ്റവും വലിയ ബഹുജനപ്രാതിനിധ്യമുള്ള സമരമായിരിക്കും ഒക്ടോബര്‍ പത്തിന്‌ നടക്കുന്ന ബഹുജനമാര്‍ച്ചെന്ന്‌ അദ്ദേഹം പറഞ്ഞു. ഹിന്ദുഐക്യവേദിയുടെ ആഭിമുഖ്യത്തില്‍ നടക്കുന്ന സമരത്തെ സഹായിക്കാന്‍ അഡ്വ. പി.കെ. ശ്രീകുമാര്‍ ചെയര്‍മാനും പി.ജിജേന്ദ്രന്‍ ജനറല്‍കണ്‍വീനറുമായ സമരസഹായസമിതി രൂപീകരിച്ചു. വിവിധ സാമുദായിക സംഘടനാ നേതാക്കള്‍ സമരസഹായസമിതിയില്‍ അംഗങ്ങളായിരിക്കും. അധര്‍മ്മത്തിനെതിരായ യുദ്ധം ആസുരിക ശക്തികള്‍ക്കെതിരായ പോരാട്ടമാണെന്നും അത്‌ ഏതെങ്കിലും മതവിഭാഗത്തിനെതിരല്ലെന്നും കണ്‍വെന്‍ഷന്‍ ഉദ്ഘാടനം ചെയ്ത കൊളത്തൂര്‍ അദ്വൈതാശ്രമത്തിലെ സ്വാമിനി ശിവാനന്ദപുരി പറഞ്ഞു. മാറാട്‌ നടന്നത്‌ കലാപമല്ല ഏകപക്ഷീയമായ കൂട്ടക്കൊലയായിരുന്നു. മുന്നില്‍ നിന്ന്‌ വെട്ടിയവരെ മാത്രമല്ല പിന്നില്‍നിന്ന്‌ പ്രവര്‍ത്തിച്ചവരെയും നിയമത്തിന്‌ മുന്നില്‍കൊണ്ടുവരണം. ധര്‍മ്മത്തെ നിലനിര്‍ത്താനുള്ള സമരത്തില്‍ അധര്‍മ്മത്തിന്റെ സ്രോതസുകളെ ഇല്ലാതാക്കുകയാണ്‌ വേണ്ടത്‌. അതിന്‌ സമൂഹത്തിന്റെ ഇച്ഛാശക്തിയുണ്ടാകണം, അവര്‍ പറഞ്ഞു. മാറാട്‌ സിബിഐ അന്വേഷണകാര്യത്തില്‍ കെപിസിസി നിലപാട്‌ വ്യക്തമാക്കണമെന്ന്‌ ബിജെപി സംസ്ഥാന പ്രസിഡന്റ്‌ വി.മുരളീധരന്‍ പറഞ്ഞു. നിലപാടില്ലാത്ത കോണ്‍ഗ്രസിന്റെ നയരാഹിത്യമാണ്‌ കേരളത്തിന്റെ ഇന്നത്തെ ശാപം. ഭൂരിപക്ഷ സമുദായത്തിന്നെതിരായ നിലപാടാണ്‌ യുഡിഎഫ്‌ എടുക്കുന്നത്‌, മുരളീധരന്‍ പറഞ്ഞു. മാറാട്‌ അരയസമാജം പ്രസിഡന്റ്‌ ടി.പ്രകാശ്‌ അധ്യക്ഷതവഹിച്ചു. കേരള പുലയര്‍ മഹാസഭ സംസ്ഥാന സംഘടനാസെക്രട്ടറി തുറവൂര്‍സുരേഷ്‌, ഹിന്ദുഐക്യവേദി സഹസംഘടനാസെക്രട്ടറി എം.രാധാകൃഷ്ണന്‍, ആര്‍എസ്‌എസ്‌ പ്രാന്തകാര്യവാഹ്‌ പി.ഗോപാലന്‍കുട്ടിമാസ്റ്റര്‍, തഴവ സഹദേവന്‍ (അഖിലകേരള പാണന്‍സമാജം), കെ.എസ്‌. അരുണ്‍ദാസ്‌(അരയസമാജം ഏകോപനസമിതി), കെ.എം. പരമേശ്വരന്‍(യോഗക്ഷേമസഭ), പുഞ്ചക്കാരി സുരേന്ദ്രന്‍(അഖിലേന്ത്യാ നാടാര്‍ അസോസിയേഷന്‍), അഡ്വ. വി. പദ്മനാഭന്‍(ധീവരസഭ), സ്വാമി അയ്യപ്പദാസ്‌, ടി.യു. മോഹനന്‍(ക്ഷേത്രസംരക്ഷണസമിതി), ബി.ആര്‍ ബാലരാമന്‍, എം.സി. വത്സന്‍(വി.എച്ച്‌.പി), ധര്‍മ്മജാഗരണന്‍ പ്രമുഖ്‌ വി.കെ. വിശ്വനാഥന്‍, സുധീര്‍ നമ്പീശന്‍(പുഷ്കസേവാസംഘം), ടി.എം.നാരായണന്‍(വനവാസി വികാസകേന്ദ്രം), എന്‍.പി. രാധാകൃഷ്ണന്‍, കെ.രജനീഷ്ബാബു(മത്സ്യപ്രവര്‍ത്തകസംഘം), ഇ.എസ്‌. ബിജു, കെ.പി ഹരിദാസന്‍ (ഹിന്ദുഐക്യവേദി) തുടങ്ങിയ നേതാക്കള്‍ സംസാരിച്ചു. എന്‍.പി. രാധാകൃഷ്ണന്‍ പ്രമേയം അവതരിപ്പിച്ചു. പി.ജിജേന്ദ്രന്‍ സ്വാഗതവും ശശി കമ്മട്ടേരി നന്ദിയും പറഞ്ഞു.

2012, ഓഗസ്റ്റ് 20, തിങ്കളാഴ്‌ച

വി ജെ ടി ഹാള്‍ മഹാത്മാ അയ്യന്‍കാളിയുടെ പേരില്‍ പുനര്‍നാമകരണം ചെയ്യുക

അയ്യന്‍കാളിയുടെ പ്രജാസഭാപ്രസംഗങ്ങള്‍ കൊണ്ട് ചരിത്രപ്രസിദ്ധമായ വി ജെ ടി ഹാളിനു അയ്യന്‍കാളിയുടെ പേര് നല്‍കുക . പ്രജാസഭാപ്രസംഗങ്ങളുടെ ശതാബ്ദി ആഘോഷിക്കുന്ന ഈ വര്‍ഷമെങ്കിലും അയ്യന്‍കാളി ആദരിക്കപ്പെടട്ടെ!!!!!! 

2012, ജൂലൈ 6, വെള്ളിയാഴ്‌ച

തിരുവാറന്മുള പൈതൃക ഗ്രാമ സംരക്ഷണ സമിതിയുടെ 'ജനകീയ കണവന്‍ഷന്‍' ഇന്ന് പള്ളിമുക്കത്തു ദേവി സന്നിതിയില്‍ കുമ്മനം രാജേട്ടന്‍ നിലവിളക്ക് കൊളുത്തി ഉത്ഘാടനം ചെയ്തു..!


2012, ജൂലൈ 2, തിങ്കളാഴ്‌ച


ഭൂരിപക്ഷത്തെ വ്രണപ്പെടുത്തുന്നത് അവസാനിപ്പിക്കണം - ബ്രാഹ്മണസഭ
Posted on: 02 Jul 2012


തിരുവനന്തപുരം: ഭൂരിപക്ഷ സമുദായങ്ങളുടെ വികാരത്തെ വ്രണപ്പെടുത്തുന്ന വിവേചന പരമായ വിദ്യാഭ്യാസ വാണിജ്യവത്കരണത്തില്‍ നിന്നും സര്‍ക്കാര്‍ പിന്‍വാങ്ങണമെന്ന് കേരള ബ്രാഹ്മണസഭ സംസ്ഥാനസമിതി ആവശ്യപ്പെട്ടു.മലബാര്‍ മേഖലയില്‍ 35 സ്‌കൂളുകള്‍ക്ക് എയ്ഡഡ് പദവി നല്‍കാനുള്ള തീരുമാനം ഭാവിയിലും ആവര്‍ത്തിക്കാന്‍ സഹായകമാകും.

സര്‍ക്കാരിന്റെ ന്യൂനപക്ഷ പ്രീണന നടപടികളില്‍ പ്രതിഷേധിക്കാന്‍ വേണ്ടിവന്നാല്‍ സമരമുഖത്ത് ഇറങ്ങാനും സജ്ജമാണ്. ഈ വിഷയത്തില്‍ മറ്റ് ഭൂരിപക്ഷ സമുദായങ്ങളുടെ അഭിപ്രായങ്ങളോടും നടപടികളോടും സമയോചിതമായി കൈകോര്‍ത്ത് പ്രവര്‍ത്തിക്കുവാനും ഉദ്ദേശിക്കുന്നതായി കേരള ബ്രാഹ്മണസഭ സംസ്ഥാന സമിതി പത്രക്കുറിപ്പില്‍ അറിയിച്ചു.

ചട്ടമ്പിസ്വാമിക്ക് ജന്മസ്ഥലത്ത് സ്മാരകം പണിയണം - ഹിന്ദുമഹാമണ്ഡലം
Posted on: 02 Jul 2012


ചെറുകോല്‍പ്പുഴ: ചട്ടമ്പിസ്വാമിയുടെ ജന്മസ്ഥലമായ കണ്ണമ്മൂലയില്‍ അദ്ദേഹത്തിന് സ്മാരകം നിര്‍മ്മിക്കണമെന്ന് ചെറുകോല്‍പ്പുഴ ഹിന്ദുമഹാമണ്ഡലം വാര്‍ഷിക പൊതുയോഗം ആവശ്യപ്പെട്ടു.

പ്രസിഡന്റ് അഡ്വ.ടി.എന്‍.ഉപേന്ദ്രനാഥക്കുറുപ്പ് അധ്യക്ഷത വഹിച്ചു. ഒന്നേകാല്‍കോടി രൂപയുടെ ബജറ്റ് യോഗം പാസാക്കി. ഭാരവാഹികളുടെ ഒഴിവുവന്ന സ്ഥാനങ്ങളിലേക്ക് പുതിയ നോമിനേഷന്‍ നടത്തി. സെക്രട്ടറിയായി അഡ്വ.എം.പി.ശശിധരന്‍നായരെയും വൈസ് പ്രസിഡന്റായി പി.എസ്.നായരെയും ജോയിന്റ് സെക്രട്ടറിയായി എം.ടി.ഭാസ്‌കരപ്പണിക്കരെയും തിരഞ്ഞെടുത്തു. വിദ്യാധിരാജ സ്മൃതിമണ്ഡപത്തില്‍ പുഷ്പാര്‍ച്ചന നടന്നു.

2012, ജൂലൈ 1, ഞായറാഴ്‌ച


മുഖ്യമന്ത്രിയെ നോക്കുകുത്തിയാക്കി ലീഗിന്റെ ഭരണമെന്ന് ഹിന്ദു ഐക്യവേദി
Posted on: 01 Jul 2012


തിരുവനന്തപുരം: മുഖ്യമന്ത്രി ഉമ്മന്‍ചാണ്ടിയെ നോക്കുകുത്തിയാക്കി മുസ്‌ലിം ലീഗിന്റെ ഭരണമാണ് സംസ്ഥാനത്ത് നടക്കുന്നതെന്ന് ഹിന്ദുഐക്യവേദി സംസ്ഥാന ജനറല്‍ സെക്രട്ടറി ഇ.എസ്. ബിജു ആരോപിച്ചു.

മതേതര ജനാധിപത്യ രാഷ്ട്രീയ പ്രസ്ഥാനമാണ് മുസ്‌ലിം ലീഗ് എന്ന് മേനിപറയുന്ന നേതാക്കള്‍, തങ്ങള്‍ക്ക് ലഭിച്ച വകുപ്പുകളില്‍ ഇതര മതവിഭാഗങ്ങളില്‍ നിന്നുള്ള ഉദ്യോഗസ്ഥരെ നിയോഗിക്കാത്തത് എന്തുകൊണ്ടെന്ന് ലീഗ് നേതൃത്വം വിശദീകരിക്കണമെന്ന് അദ്ദേഹം ആവശ്യപ്പെട്ടു.

വിദ്യാഭ്യാസമന്ത്രിയെ പുറത്താക്കണം: ഹിന്ദുഐക്യവേദി

കൊച്ചി: മന്ത്രിസഭാ തീരുമാനം അട്ടിമറിച്ച്‌ മലപ്പുറത്തെ 35 സ്കൂളുകള്‍ക്ക്‌ എയ്ഡഡ്‌ പദവി നല്‍കാന്‍ തീരുമാനിച്ച വിദ്യാഭ്യാസമന്ത്രി അബ്ദുറബ്ബിനെ മന്ത്രിസഭയില്‍ നിന്നും പുറത്താക്കണമെന്ന്‌ ഹിന്ദുഐക്യവേദി ആവശ്യപ്പെട്ടു. ലീഗ്‌ മന്ത്രിമാരുടെ ധിക്കാരം നിറഞ്ഞ നടപടികളിലൊന്നുമാത്രമാണിത്‌. ലീഗിന്റെ ഹുങ്കിന്‌ മുന്നില്‍ മുഖ്യമന്ത്രി നിസ്സഹായനാകുന്നത്‌ അങ്ങേയറ്റം ലജ്ജാകരമാണെന്ന്‌ ഹിന്ദുഐക്യവേദി സംസ്ഥാന ജനറല്‍ സെക്രട്ടറി ആര്‍. വി. ബാബു പറഞ്ഞു. മലപ്പുറം ജില്ലയില്‍ യത്തീംഖാനകളുടെ നേതൃത്വത്തില്‍ നടക്കുന്ന സ്കൂളുകള്‍ക്ക്‌ ഇപ്പോള്‍ എയ്ഡഡ്‌ പദവി നല്‍കുന്നത്‌ നഗ്നമായ വിദ്യാഭ്യാസ കച്ചവടത്തിന്‌ കളമൊരുക്കാനാണ്‌. വിദ്യാഭ്യാസരംഗം ഇന്ന്‌ കുത്തഴിഞ്ഞിരിക്കുകയാണ്‌. വിദ്യാഭ്യാസവകുപ്പ്‌ കോണ്‍ഗ്രസ്സ്‌ തന്നെ ഏറ്റെടുക്കണം. വിദ്യാഭ്യാസ സ്ഥാപനങ്ങളിലെ മതവിവേചനം അവസാനിപ്പിക്കണം. ഇന്നത്തെ സാഹചര്യം വച്ച്‌ മലപ്പുറം ജില്ലയ്ക്ക്‌ നല്‍കിവരുന്ന പ്രത്യേക പരിഗണനകള്‍ അവസാനിപ്പിക്കണം. സാമൂഹ്യപരമായും വിദ്യാഭ്യാസപരമായും മലപ്പുറം ജില്ല ഇന്ന്‌ ഏറെ മുന്നിലാണെന്ന്‌ ബാബു അഭിപ്രായപ്പെട്ടു.

കേരളത്തിന്റെ സാമൂഹ്യ അന്തരീക്ഷത്തെ കലുഷിതമാക്കുന്ന നിലപാടുകളാണ്‌ പലപ്പോഴും ലീഗ്‌ കൈക്കൊള്ളുന്നത്‌. അധികാരത്തിലിരുന്നുകൊണ്ട്‌ ആപത്കരമായ സാമുദായിക ചിന്തയാണ്‌ ലീഗ്‌ പ്രകടിപ്പിക്കുന്നത്‌. ഗംഗയും നിലവിളക്കും അസ്വീകാര്യമാവുന്ന മനോനില സമൂഹമനസ്സില്‍ വേദനയുളവാക്കിയിട്ടുണ്ട്‌. കേരളത്തിന്റെ സാംസ്കാരിക ബിംബങ്ങളെ മതവിശ്വാസത്തിന്റെ കരിമ്പടം കൊണ്ട്‌ മൂടാന്‍ ശ്രമിക്കുന്നത്‌ മതമൗലികവാദം തലയ്ക്ക്‌ പിടിച്ചതുകൊണ്ടാണെന്ന്‌ ബാബു ആരോപിച്ചു. 10-ാ‍ം ക്ലാസ്സിലെ സാമൂഹ്യപാഠപുസ്തകത്തില്‍ കാശ്മീരിനെ പാക്കിസ്ഥാന്റെ ഭാഗമാക്കി ചിത്രീകരിച്ചിരിക്കുന്നതും കാശ്മീരും ഹൈദരാബാദും ജുനഗഡും ഇന്ത്യയില്‍ ലയിച്ചത്‌ സൈനികനടപടി മൂലമാണെന്ന തെറ്റായ ചരിത്രവിവരങ്ങള്‍ നല്‍കിയിരിക്കുന്നതും തീര്‍ത്തും നിഷ്കളങ്കതയോടെയാണെന്ന്‌ കരുതാനാവില്ലെന്ന്‌ ബാബു പറഞ്ഞു.

എയ്ഡഡ്‌ പദവി പിന്‍വലിക്കണം: വി.മുരളീധരന്‍

തിരുവനന്തപുരം: വിദ്യാഭ്യാസ രംഗം മുഴുവന്‍ മുസ്ലീം ലീഗ്‌വത്ക്കരണം നടത്തുന്നതിനെതിരെ ബിജെപി സെക്രട്ടേറിയറ്റ്‌ മാര്‍ച്ചു നടത്തി. മലബാറിലെ 35 സ്കൂളുകള്‍ക്ക്‌ അനധികൃതമായി നല്‍കിയ എയ്ഡഡ്‌ പദവി പിന്‍വലിക്കണമെന്ന മുഖ്യആവശ്യമാണ്‌ മാര്‍ച്ചില്‍ ഉന്നയിച്ചത്‌. കേരളത്തിന്റെ വിദ്യാഭ്യാസ മേഖലയില്‍ നടന്നു കൊണ്ടിരിക്കുന്നത്‌ സമ്പൂര്‍ണ മുസ്ലീം ലീഗ്‌വത്ക്കരണമാണെന്ന്‌ മാര്‍ച്ച്‌ ഉദ്ഘാടനം ചെയ്തു കൊണ്ട്‌ സംസ്ഥാന പ്രസിഡന്റ്‌ വി.മുരളീധരന്‍ കുറ്റപ്പെടുത്തി. ബിജെപി ജില്ലാ കമ്മറ്റിയാണ്‌ സെക്രട്ടേറിയറ്റ്‌ മാര്‍ച്ച്‌ സംഘടിപ്പിച്ചത്‌.

ഭൂരിപക്ഷ സമുദായത്തിന്‌ സര്‍ക്കാര്‍ വിദ്യാഭ്യാസം നിഷേധിച്ചിരിക്കുകയാണ്‌. ചട്ടങ്ങള്‍ മറികടന്ന്‌ കാലിക്കറ്റ്‌ സര്‍വകലാശാലയുടെ ഭൂമി ലീഗ്‌ നേതാക്കള്‍ ഉള്‍പ്പെട്ട ട്രസ്റ്റുകള്‍ക്ക്‌ ദാനം ചെയ്യുന്നു. സ്കൂളുകള്‍ക്ക്‌ അന്യായമായി എയ്ഡഡ്‌ പദവി നല്‍കി കോടികള്‍ വെട്ടിക്കാനാണ്‌ ശ്രമം നടക്കുന്നത്‌. ആവശ്യത്തില്‍ കൂടുതല്‍ ദന്തല്‍ കോളേജുകള്‍ കേരളത്തിലുണ്ടായിട്ടും ലീഗ്‌ അനുഭാവികള്‍ നേതൃത്വം നല്‍കുന്ന പുതിയ ഒമ്പത്‌ കോളേജുകള്‍ക്കു കൂടി പ്രവര്‍ത്തനാനുമതി നല്‍കാന്‍ പോകുന്നു. നിലവാരമില്ലാത്ത സ്വാശ്രയ സ്ഥാപനങ്ങള്‍ അടച്ചു പൂട്ടണമെന്ന്‌ ഹൈക്കോടതി ആവശ്യപ്പെട്ടിരിക്കെയാണ്‌ ഈ നീക്കമെന്നും മുരളീധരന്‍ ആരോപിച്ചു.

സംസ്ഥാന ഭരണത്തില്‍ സമ്പൂര്‍ണമായും മുസ്ലീം ലീഗ്‌വത്ക്കരണമാണ്‌ നടന്നു കൊണ്ടിരിക്കുന്നത്‌. ഇതിനെതിരെ കോണ്‍ഗ്രസോ സിപിഎമ്മോ ഒന്നും മിണ്ടുന്നില്ല. എല്‍ഡിഎഫ്‌ നിയമസഭയില്‍ ആദ്യമൊക്കെ പ്രതിഷേധിച്ചെങ്കിലും ഇപ്പോള്‍ മിണ്ടാട്ടമില്ല. പട്ടികജാതി-വര്‍ഗ വിഭാഗക്കാര്‍ക്ക്‌ പുതിയതായി ഒരു സ്കൂളു പോലും അനുവദിക്കുന്നില്ല. പിന്നാക്കമെന്നു പറഞ്ഞ്‌ മുസ്ലീങ്ങള്‍ക്ക്‌ എല്ലാ ആനുകൂല്യവും വാരിക്കോരി നല്‍കുന്നു. മുസ്ലീം കുട്ടികള്‍ക്ക്‌ ഐ-പാഡും മേശയും കസേരയും നല്‍കുമ്പോള്‍ പട്ടിക വിഭാഗത്തില്‍ ഉള്‍പ്പെടെയുള്ള ഹിന്ദുകുട്ടികള്‍ മണ്ണെണ്ണ വിളക്കിന്റെ വെളിച്ചത്തില്‍ പോലും പഠിക്കാന്‍ കഴിയാതെ ബുദ്ധിമുട്ടുന്നു. സിപിഎം കഴിഞ്ഞ ഭരണകാലത്തു തുടങ്ങി വച്ച വര്‍ഗീയ പ്രീണനം ഇപ്പോള്‍ കോണ്‍ഗ്രസും തുടരുകയാണ്‌. വിദ്യാഭ്യാസത്തില്‍ മാത്രമല്ല മറ്റു പല മേഖലകളിലും ഇരു മുന്നണികളും ഒത്തു കളിക്കുകയാണ്‌. ലീഗില്‍ നിന്നും വിദ്യാഭ്യാസ വകുപ്പ്‌ എടുത്തു മാറ്റുക, സ്കൂളുകള്‍ക്കു നല്‍കിയ എയ്ഡഡ്‌ പദവി പിന്‍വലിക്കുക എന്നീ ആവശ്യങ്ങളുന്നയിച്ച്‌ ബിജെപി ജൂലൈ 4ന്‌ സെക്രട്ടേറിയറ്റിനു മുന്നില്‍ ഏകദിന ഉപവാസ സമരം സംഘടിപ്പിക്കുമെന്നും അദ്ദേഹം പറഞ്ഞു.

ജില്ലാ പ്രസിഡന്റ്‌ കരമന ജയന്‍ അധ്യക്ഷത വഹിച്ചു. സംസ്ഥാന സെക്രട്ടറിമാരായ അഡ്വ.ജെ.ആര്‍.പദ്മകുമാര്‍, സി.ശിവന്‍കുട്ടി, ഡോ.പി.പി.വാവ, തോട്ടയ്ക്കാട്‌ ശശി, ചിത്രാലയം രാധാകൃഷ്ണന്‍, കര്‍ഷക മോര്‍ച്ച സംസ്ഥാന ജനറല്‍ സെക്രട്ടറി വെള്ളാഞ്ചിറ സോമശേഖരന്‍, യുവമോര്‍ച്ച സംസ്ഥാന ജനറല്‍ സെക്രട്ടറി പി.സുധീര്‍, വൈസ്‌ പ്രസിഡന്റ്‌ ആര്‍.എസ്‌.രാജീവ്‌, ബിജെപി ജില്ലാ നേതാക്കളായ കരമന അജിത്‌, ഇലകമണ്‍ സതീശന്‍, മുക്കംപാലമൂട്‌ ബിജു, പി.ശിവശങ്കരന്‍ നായര്‍, അതിയന്നൂര്‍ ശ്രീകുമാര്‍, ജനകകുമാരി എന്നിവര്‍ നേതൃത്വം നല്‍കി.

2012, ജൂൺ 30, ശനിയാഴ്‌ച



പത്മനാഭസ്വാമി ക്ഷേത്രം എ നിലവറ അടുത്തയാഴ്‌ച തുറക്കും
 
തിരുവനന്തപുരം: ശ്രീ പത്മനാഭസ്വാമി ക്ഷേത്രത്തിലെ അത്ഭുത നിലവറയെന്ന്‌ കരുതപ്പെടുന്ന എ നിലവറ അടുത്തയാഴ്‌ച തുറക്കുമെന്ന്‌് വിദഗ്‌ദ്ധ സമിതി അറിയിച്ചു.

ശതകോടികളുടെ നിധിശേഖരം അടങ്ങുന്ന എ നിലവറ തുറന്ന്‌ പരിശോധിക്കുന്നത്‌ അതീവ ശ്രദ്ധയോടുകൂടിയായിരിക്കണമെന്ന്‌് ഇന്നലെ ചേര്‍ന്ന വിദഗ്‌ദ്ധ സമിതി യോഗം തീരുമാനിച്ചു. ഒരുതവണയാണ്‌ എ നിലവറ തുറന്ന്‌ പരിശോധിച്ചിട്ടുളളത്‌.

നക്ഷത്രത്തിളക്കമുളള രത്നങ്ങള്‍, എണ്ണിയാലൊടുങ്ങാത്ത ശരപൊളി മാലകള്‍,(ദേവന്‌ ചാര്‍ത്തുന്നതാണ്‌ ഈ മാലകള്‍. നൂറ്‌ കണക്കിന്‌ രത്നങ്ങള്‍ ഈ മാലയില്‍ പതിച്ചിട്ടുളളതായാണ്‌ വിവരം). സ്വര്‍ണ ഉരുളികള്‍, നാളികേരത്തിന്റെ വലിപ്പമുളള വജ്രങ്ങള്‍,സ്വര്‍ണനാണയങ്ങള്‍, നിരവധി ചാക്കുകളില്‍ നിറച്ചുവെച്ചിരിക്കുന്ന സ്വര്‍ണ മണികള്‍ എന്നിവയാണ്‌ എ നിലവറയിലുളളത്‌. മാസങ്ങള്‍ നീണ്ടു നില്‍ക്കുന്ന പരിശോധന ഇവിടെ വേണ്ടിവരും. എ നിലവറയിലെ അമൂല്യ വസ്‌തുക്കള്‍ പഴയ ഇരുമ്പ്‌ പെട്ടികളിലാണ്‌ ഇപ്പോള്‍ സൂക്ഷിച്ചിട്ടുളളത്‌. അവ പുതിയ പെട്ടിയിലാക്കും.

സി നിലവറ ശക്‌തിപ്പെടുത്തുന്നതിന്‌ വേണ്ടി ഐ.എസ്‌.ആര്‍.ഒയും പൊതുമരാമത്ത്‌ വകുപ്പും തയ്യാറാക്കിയ റിപ്പോര്‍ട്ട്‌ അടുത്ത യോഗം ചര്‍ച്ചചെയ്‌ത് നടപ്പാക്കും. ഡി നിലവറയുടെ പരിശോധന മൂന്നു ദിവസത്തിനുളളില്‍ പൂര്‍ത്തിയാകുമെന്നാണു കരുതുന്നത്‌. പൂജാസാധനങ്ങള്‍ അടങ്ങുന്ന ഇ, എഫ്‌ നിലവറകളുടെ പരിശോധന ക്ഷേത്രം നമ്പിമാരുടെ സൗകര്യം കൂടി കണക്കിലെടുത്തു തുടങ്ങും. രത്നങ്ങളുടെ പരിശോധനയ്‌ക്ക് വേണ്ടി ജര്‍മനിയില്‍ നിന്നു കൊണ്ടുവന്ന ഉപകരണങ്ങള്‍ അടുത്തയാഴ്‌ച സ്‌ഥാപിക്കും.

അമൂല്യവസ്‌തുക്കളുടെ വിവരങ്ങളടങ്ങുന്ന സിഡി ക്ഷേത്രത്തിന്‌ പുറത്ത്‌് കൊണ്ടുപോയതിനെ സംബന്ധിച്ച്‌ വിവാദം ഉയര്‍ന്ന സാഹചര്യത്തില്‍ ഇക്കാര്യം സുപ്രീം കോടതിയെ ധരിപ്പിക്കും. കണക്കെടുപ്പിന്‌ ആവശ്യമായ തുക ഇനിയും സര്‍ക്കാരില്‍ നിന്നു ലഭിച്ചിട്ടില്ലെന്ന്‌ യോഗം വിലിരുത്തി

2012, ജൂൺ 29, വെള്ളിയാഴ്‌ച


ഹിന്ദു ഐക്യവേദി ധര്‍ണ നടത്തി

Posted on: 26 Jun 2012






തിരുവനന്തപുരം: രംഗനാഥമിശ്ര കമ്മീഷന്‍ റിപ്പോര്‍ട്ട് തള്ളിക്കളയുക, പട്ടികജാതി പട്ടിക വര്‍ഗ വിദ്യാര്‍ഥികളുടെ ലംപ്‌സം ഗ്രാന്റ് വര്‍ധിപ്പിക്കുക, പട്ടികവിഭാഗ വിദ്യാര്‍ഥികളുടെ ഹോസ്റ്റലുകള്‍ നവീകരിക്കുക തുടങ്ങിയ ആവശ്യങ്ങളുന്നയിച്ച് ഹിന്ദു ഐക്യവേദിയുടെ നേതൃത്വത്തില്‍ സാമൂഹ്യനീതി കര്‍മസമിതി സെക്രട്ടേറിയറ്റിനു മുന്നില്‍ ധര്‍ണ നടത്തി.

ഗാന്ധിയന്‍ പി. ഗോപിനാഥന്‍നായര്‍ ഉദ്ഘാടനം ചെയ്തു. മഹാത്മാഗാന്ധി വിഭാവനം ചെയ്ത സ്വരാജ് യാഥാര്‍ഥ്യമാവണമെങ്കില്‍ പിന്നാക്ക വിഭാഗങ്ങള്‍ക്ക് ഉന്നതിയുണ്ടാകണമെന്ന് അദ്ദേഹം പറഞ്ഞു. എ.കെ.പി.എം.എസ് പ്രസിഡന്റ് എം.കെ. വാസുദേവന്‍ അധ്യക്ഷനായി. ഹിന്ദു ഐക്യവേദി സംസ്ഥാന സെക്രട്ടറി ഇ.എസ്. ബിജു, വര്‍ക്കിങ് പ്രസിഡന്റ് കെ.എന്‍. രവീന്ദ്രനാഥ്, സെക്രട്ടറി കെ.പി. ഹരിദാസ്, എം. രാധാകൃഷ്ണന്‍, വിവിധ ഹിന്ദുസംഘടനാഭാരവാഹികള്‍ എന്നിവര്‍ സംസാരിച്ചു. അറുപത് ഹിന്ദുസംഘടനകളുടെ പൊതുവേദിയാണ് സാമൂഹ്യനീതി കര്‍മസമിതി.

വിശാല ഹിന്ദു ഐക്യം ലക്ഷ്യം: വെള്ളാപ്പള്ളി
  
ആലപ്പുഴ: യു.ഡി.എഫ്‌. സര്‍ക്കാരിന്റെ ന്യൂനപക്ഷ പ്രീണനത്തിനും മുസ്ലിം ലീഗിന്റെ നയസമീപനത്തിനുമെതിരേ എന്‍.എസ്‌.എസ്‌. നേതൃത്വവുമായി യോജിപ്പിന്റെ വഴിയിലെത്തിയ എസ്‌.എന്‍.ഡി.പി. യോഗം ഭൂരിപക്ഷ സമുദായങ്ങളുടെ സാമൂഹിക - സാമ്പത്തിക - വിദ്യാഭ്യാസ സര്‍വേ വേണമെന്നാവശ്യപ്പെട്ടു.

സംസ്‌ഥാനത്ത്‌ ഭൂരിപക്ഷമെങ്കിലും ഹൈന്ദവര്‍ സാമൂഹികവും സാമ്പത്തികവുമായി പിന്നാക്കമാണെന്നും ഇതു കണ്ടെത്താന്‍ സര്‍വെ വേണമെന്നും എസ്‌.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ ആവശ്യപ്പെടുന്നു. വിശാല ഹിന്ദു ഐക്യമെന്ന പ്രഖ്യാപിത ലക്ഷ്യത്തിലേക്കെത്താനാണു നായര്‍ - ഈഴവ ഐക്യശ്രമങ്ങള്‍ പുനഃരാരംഭിച്ചത്‌. അത്‌ ഇതര മതങ്ങളിലെ പാവപ്പെട്ടവരുടെ പുരോഗതികൂടി ഉറപ്പുവരുത്തുന്നതായിരിക്കും.

കേരളത്തിന്റെ അധികാരകേന്ദ്രം മലപ്പുറമായി. മുഖ്യമന്ത്രിയും കെ.പി.സി.സി. പ്രസിഡന്റുമെല്ലാം നോക്കുകുത്തികളായി. അധികാരത്തിന്റെ അപ്പക്കഷണം പ്രധാനപാര്‍ട്ടിയായ കോണ്‍ഗ്രസില്‍നിന്ന്‌ മുസ്ലിം ലീഗ്‌ ഹൈജാക്ക്‌ ചെയ്‌തു. ഭൂരിപക്ഷമായിട്ടും ഒന്നും മിണ്ടാന്‍ കഴിയാതെ, യാതൊന്നും നേടിയെടുക്കാനാകാത്ത അവസ്‌ഥയിലാണു ഹൈന്ദവര്‍. ഇതോടെയാണ്‌ ഭൂരിപക്ഷ സമുദായ ഏകീകരണ ശ്രമങ്ങള്‍ക്കു ജീവന്‍വച്ചതെന്നു വെള്ളാപ്പള്ളി 'മംഗള'ത്തോടു പറഞ്ഞു.

ഐക്യ നീക്കങ്ങള്‍: എന്‍.എസ്‌.എസുമായുള്ള പ്രശ്‌നങ്ങളെല്ലാം അവസാനിച്ചു. ജി. സുകുമാരന്‍ നായര്‍ അക്കാര്യം ആവര്‍ത്തിച്ചു വ്യക്‌തമാക്കിക്കഴിഞ്ഞു. ഇനി യോജിക്കാവുന്ന മേഖലകളെക്കുറിച്ച്‌ കൂട്ടായി ചര്‍ച്ചചെയ്‌തു തീരുമാനിക്കും.

പിന്നാക്ക സമുദായ നേതൃത്വങ്ങളുമായും പുതിയ ഐക്യശ്രമത്തെക്കുറിച്ച്‌ സംസാരിച്ചുവരികയാണ്‌. കെ.പി.എം.എസ്‌. നേതാവ്‌ ടി.വി. ബാബുവുമായും ആശയവിനിമയം നടത്തി. യു.ഡി.എഫ്‌. ഭരണത്തിന്‍കീഴില്‍ എല്ലാം മുസ്ലിം ലീഗ്‌ നേടിയെടുക്കുകയാണ്‌്. മലപ്പുറത്ത്‌ 35 സ്‌കൂളുകള്‍ക്ക്‌ എയ്‌ഡഡ്‌ പദവി നല്‍കാനുള്ള തീരുമാനം തീവെട്ടിക്കൊള്ളയാണ്‌്.

എല്ലാം വടക്കോട്ടുപോകുന്നു. മലബാറിലെ സമ്പന്ന മുസ്ലിംകളുടെ താല്‍പര്യമാണു ലീഗ്‌ സംരക്ഷിക്കുന്നത്‌. പാവപ്പെട്ട മുസ്ലിംകളെ അവര്‍ക്കു വേണ്ട. എം.ഇ.എസ്‌. പോലെയുള്ള സാമൂഹിക സംഘടനകളുടെ സ്‌കൂളുകള്‍ക്കല്ല, സ്വന്തം ഇഷ്‌ടക്കാരുടെ സ്‌കൂളുകള്‍ക്കാണ്‌ എയ്‌ഡഡ്‌ പദവി നല്‍കിയത്‌. സാമൂഹികപ്രതിബദ്ധതയായിരുന്നു ലക്ഷ്യമെങ്കില്‍ ഈ സ്‌കൂളുകള്‍ സര്‍ക്കാര്‍ ഏറ്റെടുക്കണമായിരുന്നു.

ധനമന്ത്രിയാകട്ടെ ഞാനൊന്നുമറിഞ്ഞില്ലേ എന്ന മട്ടില്‍ കണ്ണടയ്‌ക്കുന്നു. ഖജനാവ്‌ കൊള്ളയടിക്കുന്ന ലീഗിനെതിരേ പ്രതികരിക്കാന്‍ ഹിന്ദുഐക്യം രൂപപ്പെടുന്നതില്‍ മനസുകൊണ്ട്‌ ക്രൈസ്‌തവസമുദായാംഗങ്ങളടക്കം ആഹ്‌ളാദിക്കുമെന്നുറപ്പാണ്‌.

രണ്ടുവട്ടം പരാജയപ്പെട്ട നായരീഴവ ഐക്യം: രണ്ടുതവണ നായരീഴവ ഐക്യശ്രമമുണ്ടായെങ്കിലും ഫലപ്രാപ്‌തി കൈവരിക്കാനായില്ലെന്നതു യാഥാര്‍ഥ്യമാണ്‌. അനുഭവങ്ങളില്‍ നിന്നുള്‍ക്കൊണ്ട പാഠങ്ങള്‍ പുതിയ നീക്കങ്ങള്‍ക്കു കരുത്തുപകരും.

ആദിവാസി മുതല്‍ നമ്പൂതിരിവരെയുള്ളവരുടെ ഐക്യമെന്ന പ്രഖ്യാപിത ലക്ഷ്യത്തില്‍ എസ്‌.എന്‍.ഡി.പി. യോഗം അടിയുറച്ചു നില്‍ക്കുകയാണ്‌്. അത്‌ ഏതളവുവരെയും പോകും. വിട്ടുവീഴ്‌ചകള്‍ക്കു യോഗം തയാറുമാണ്‌.

ഐക്യ ശ്രമങ്ങള്‍ക്കു പിന്നില്‍: ഭൂരിപക്ഷ സമുദായങ്ങളുടെ ഏകീകരണം അസാധ്യമാണെന്ന്‌ ഇരുനേതൃത്വത്തിനും ബോധ്യമുണ്ട്‌. അതു കാലം ആവശ്യപ്പെടുന്നു. നെയ്യാറ്റിന്‍കരയില്‍ ബി.ജെ.പിക്കു വോട്ട്‌ ചെയ്യാന്‍ ഞങ്ങള്‍ ആരും പറഞ്ഞിട്ടില്ല. എന്നാല്‍ ലീഗിനെതിരായ വികാരം അവിടെ പ്രകടമാകുകയായിരുന്നു.

ഭരണം തുടങ്ങിയപ്പോള്‍തന്നെ ലീഗ്‌ പ്രധാനവകുപ്പുകള്‍ കൈക്കലാക്കി. അവര്‍ സ്വയം മന്ത്രിമാരെയും വകുപ്പുകളും പ്രഖ്യാപിച്ചു. അഞ്ചാം മന്ത്രിയെ പ്രഖ്യാപിച്ചപ്പോള്‍ കൊടുക്കില്ലെന്നു കെ.പി.സി.സി. പ്രസിഡന്റും മുഖ്യമന്ത്രിയും പറഞ്ഞു. ഒടുവില്‍ പാണക്കാട്‌ തങ്ങള്‍ വേണമെന്നുപറഞ്ഞപ്പോള്‍ അവര്‍ക്കു മിണ്ടാട്ടമില്ല.

ലൗ ജിഹാദിനെതിരെ ശക്തമായ നടപടി വേണം: സംന്യാസി സമ്മേളനം
Posted on: 29 Jun 2012


കൊച്ചി: ലൗ ജിഹാദിനെതിരെ ശക്തമായ നടപടി സ്വീകരിക്കണമെന്ന് എറണാകുളത്ത് നടന്ന മാര്‍ഗദര്‍ശക് മണ്ഡല്‍ സംന്യാസി സമ്മേളനം ആവശ്യപ്പെട്ടു. ലൗ ജിഹാദിലൂടെ ആറായിരത്തില്‍പ്പരം ഹൈന്ദവ യുവതികളെ തട്ടിക്കൊണ്ടുപോയതായി അവരുടെ രക്ഷിതാക്കള്‍ പരാതിപ്പെട്ടിട്ടുണ്ട്. ആ യുവതികളെയെല്ലാം നിര്‍ബന്ധിത മതംമാറ്റത്തിന് വിധേയരാക്കുകയാണെന്ന് യോഗം ആരോപിച്ചു. മക്കളെ വിട്ടുകിട്ടുന്നതിനുവേണ്ടി കോടതികളുടെ മുമ്പില്‍ ഹേബിയസ് കോര്‍പ്പസ് ഹര്‍ജികള്‍ സമര്‍പ്പിച്ചിട്ടുണ്ടെങ്കിലും ഫലമുണ്ടാകുന്നില്ല. പെണ്‍കുട്ടികളെ ലൗ ജിഹാദിലൂടെ തട്ടിക്കൊണ്ടുപോകുന്നതിനെതിരെ കര്‍ശന നടപടി സ്വീകരിക്കണം.

മതപരിവര്‍ത്തനം നിയമം മൂലം നിരോധിക്കണമെന്നും ഹിന്ദുക്കള്‍ക്ക് സ്വതന്ത്രമായി സ്വന്തം മതത്തില്‍ വിശ്വസിക്കുവാനും ആചാരാനുഷ്ഠാനങ്ങള്‍ നടത്തുവാനുമുള്ള സ്വാതന്ത്ര്യം ഉറപ്പുവരുത്തണമെന്നും യോഗം ആവശ്യപ്പെട്ടു. ദരിദ്രരും ഭൂരഹിതരും പിന്നാക്കക്കാരുമായ ജനവിഭാഗങ്ങളുടെ അടിസ്ഥാന പ്രശ്‌നങ്ങള്‍ പരിഹരിക്കപ്പെടാതിരിക്കുകയും ഹിന്ദുക്കള്‍ക്ക് സാമൂഹ്യ നീതി നിഷേധിക്കുകയും ചെയ്യുന്നതില്‍ സമ്മേളനം ഉത്കണ്ഠ രേഖപ്പെടുത്തി.

ശ്മശാനങ്ങളില്ലാത്തതുമൂലം ഹിന്ദുക്കള്‍ക്ക് വീടിനുള്ളില്‍ മൃതദേഹം സംസ്‌കരിക്കേണ്ടിവരുന്നു. ആയിരക്കണക്കിന് കുടുംബങ്ങള്‍ ഭൂരഹിതരായി കഴിയുന്നു. പട്ടികജാതി, പട്ടികവര്‍ഗ പിന്നാക്ക വിഭാഗ വിദ്യാര്‍ത്ഥികള്‍ക്ക് സ്റ്റൈപ്പന്റും സ്‌കോളര്‍ഷിപ്പും ഗ്രാന്റും മറ്റും വളരെ പരിമിതമായ തുകയേ നല്‍കുന്നുള്ളൂ. ഹിന്ദു സംവരണം അട്ടിമറിക്കുന്ന രംഗനാഥ മിശ്ര കമ്മീഷന്‍ റിപ്പോര്‍ട്ട് തള്ളിക്കളയണമെന്ന് യോഗം ആവശ്യപ്പെട്ടു.

ജനങ്ങള്‍ തലമുറകളായി ഭക്ത്യാദരവോടെ കാണുന്ന തിരുവനന്തപുരം വെമ്പായത്തുള്ള തമ്പുരാട്ടിമലയും തമ്പുരാന്‍ മലയും ഖനനം ചെയ്ത് തകര്‍ക്കുവാന്‍ നീക്കമുണ്ട്. പൈതൃകഗ്രാമമായ ആറന്മുളയില്‍ വിമാനത്താവളം നിര്‍മ്മിച്ച് നീര്‍ത്തടങ്ങളും പരിസ്ഥിതിയും നശിപ്പിക്കാനും ശ്രമമുണ്ട്. ഇവയില്‍ യോഗം പ്രതിഷേധിച്ചു. വന്‍കിട കമ്പനികള്‍ക്കായി പ്രകൃതി സമ്പത്ത് ചൂഷണം ചെയ്യുന്നത് സര്‍ക്കാര്‍ തടയണം.

ആശ്രമങ്ങളെ കൊമേഴ്‌സ്യല്‍ കാറ്റഗറിയില്‍പ്പെടുത്തി ഉയര്‍ന്ന താരിഫില്‍ വൈദ്യുതി ചാര്‍ജ് ഈടാക്കുന്ന നടപടി അവസാനിപ്പിക്കണം. അറുപത് ശതമാനം ആശ്രമങ്ങളും യാതൊരു വരുമാനവുമില്ലാത്തവയാണ്. ലോക സേവനാര്‍ത്ഥം സമര്‍പ്പിത ജീവിതമാണ് സന്ന്യാസിമാരുടേത്, സമ്മേളനം ചൂണ്ടിക്കാട്ടി. സ്വാമി വിമലാനന്ദ, യോഗി കൃഷ്ണാനന്ദഗിരി, സ്വാമി വേദാനന്ദസരസ്വതി, സ്വാമി ധര്‍മ്മാനന്ദ എന്നിവര്‍ പ്രമേയങ്ങള്‍ അവതരിപ്പിച്ച.

സമ്മേളനത്തിന്റെ സമാപനദിവസമായ വ്യാഴാഴ്ച രാവിലെ ലോകശാന്തിക്കും സമാധാനത്തിനും വേണ്ടി സമൂഹ വിഷ്ണുസഹസ്രനാമജപം നടന്നു. തുടര്‍ന്ന് ചര്‍ച്ചകള്‍ നടന്നു. സ്വാമി വേദാനന്ദസരസ്വതി, സ്വാമി പ്രശാന്താനന്ദ സരസ്വതി, സ്വാമി ചിദാനന്ദപുരി, സ്വാമി പ്രഭാകരാനന്ദ സരസ്വതി എന്നിവര്‍ വിഷയാവതരണം നടത്തി. സമാപന സമ്മേളനത്തില്‍ ഹിന്ദു ഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരന്‍, വിഎച്ച്പി സംസ്ഥാന വര്‍ക്കിംഗ് പ്രസിഡന്റ് ബി.ആര്‍. ബാലരാമന്‍ തുടങ്ങിയവര്‍ പ്രസംഗിച്ചു.

2012, ജൂൺ 28, വ്യാഴാഴ്‌ച

വിദ്യാഭ്യാസ മന്ത്രിയെ പുറത്താക്കണം -ഹിന്ദു ഐക്യവേദി


വിദ്യാഭ്യാസ മന്ത്രിയെ പുറത്താക്കണം -ഹിന്ദു ഐക്യവേദി
Posted on: 28 Jun 2012


തിരുവനന്തപുരം: മന്ത്രിസഭാ തീരുമാനം അട്ടിമറിച്ച് മലപ്പുറത്തെ 35 സ്‌കൂളുകള്‍ക്ക് എയ്ഡഡ് പദവി നല്‍കാന്‍ തീരുമാനിച്ച വിദ്യാഭ്യാസ മന്ത്രി അബ്ദുറബ്ബിനെ മന്ത്രിസഭയില്‍ നിന്ന് പുറത്താക്കണമെന്ന് ഹിന്ദു ഐക്യവേദി ആവശ്യപ്പെട്ടു. ലീഗ് മന്ത്രിമാരുടെ ധിക്കാരം നിറഞ്ഞ നടപടികളിലൊന്നുമാത്രമാണിത്. ലീഗിന്റെ ഹുങ്കിന് മുന്നില്‍ മുഖ്യമന്ത്രി നിസ്സഹായനാകുന്നത് അങ്ങേയറ്റം ലജ്ജാകരമാണെന്ന് ഹിന്ദു ഐക്യവേദി സംസ്ഥാന ജനറല്‍ സെക്രട്ടറി ആര്‍.വി. ബാബു പറഞ്ഞു.

മലപ്പുറം ജില്ലയില്‍ യത്തീം ഖാനകളുടെ നേതൃത്വത്തില്‍ നടക്കുന്ന സ്‌കൂളുകള്‍ക്ക് എയ്ഡഡ് പദവി നല്‍കുന്നത് നഗ്‌നമായ വിദ്യാഭ്യാസ കച്ചവടത്തിന് കളമൊരുക്കാനാണ്. വിദ്യാഭ്യാസ വകുപ്പ് കോണ്‍ഗ്രസ് തന്നെ ഏറ്റെടുക്കണമെന്ന് ബാബു അഭിപ്രായപ്പെട്ടു.

എന്എസ്എസ്-എസ്എന്ഡിപി നിലപാട് സ്വാഗതാര്ഹം -കുമ്മനം


എന്‍എസ്എസ്-എസ്എന്‍ഡിപി നിലപാട് സ്വാഗതാര്‍ഹം -കുമ്മനം
Posted on: 28 Jun 2012




കൊച്ചി: എന്‍എസ്എസ്സും എസ്എന്‍ഡിപിയും യോജിച്ച് പ്രവര്‍ത്തിക്കുമെന്ന സംഘടനാ നേതാക്കളുടെ പ്രഖ്യാപനം സ്വാഗതാര്‍ഹവും പ്രതീക്ഷ നല്‍കുന്നതുമാണെന്ന് ഹിന്ദു ഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരന്‍ പ്രസ്താവിച്ചു. സമീപകാലത്ത് സംസ്ഥാന സര്‍ക്കാര്‍ നടത്തുന്ന ന്യൂനപക്ഷ പ്രീണനവും ഭൂരിപക്ഷ വിരുദ്ധ നടപടികളും അതിരുകടന്നിട്ടുള്ള സാഹചര്യത്തില്‍ ഹിന്ദു വിഭാഗങ്ങളെല്ലാം യോജിപ്പിലെത്തേണ്ടത് നാടിന്റെ വിശാല താത്പര്യങ്ങള്‍ സംരക്ഷിക്കാന്‍ അനിവാര്യമാണ്.

വിയോജിപ്പും സ്​പര്‍ധയും ഒഴിവാക്കി ഐക്യവും സൗഹാര്‍ദവും വളര്‍ത്തിയെടുത്ത് ഒരുമിച്ചു നിന്ന് പോരാടാനുള്ള ശേഷി ഹിന്ദു സമൂഹത്തിന് കൈവരിക്കാന്‍ ഈ പ്രഖ്യാപനം ഇടയാക്കുമെന്ന് അദ്ദേഹം പറഞ്ഞു. ലീഗ് മന്ത്രിയുടെ തീരുമാനങ്ങളും നടപടികളും വിദ്യാഭ്യാസ രംഗത്ത് വിവാദമുയര്‍ത്തിയ സാഹചര്യത്തില്‍ തീരുമാനങ്ങള്‍ റദ്ദുചെയ്യണമെന്നും വിദ്യാഭ്യാസ വകുപ്പ് മുഖ്യമന്ത്രി തന്നെ ഏറ്റെടുക്കണമെന്നും കുമ്മനം രാജശേഖരന്‍